Albistea entzun

Presidentetzarako bozak Frantzian. Eskuin muturraren kontra

Marine Le Penek «boto bakar bat ere ez izateko» eskatu dute Baionan

Sindikatuek eskuin muturraren kontrako protesta antolatu dute Frantziako presidentetzarako bozen bigarren itzulia aitzin
CGTko Samathan Hourresquos, atzo arratsaldean, eragileek adostutako agiri bateratua irakurtzen.
CGTko Samathan Hourresquos, atzo arratsaldean, eragileek adostutako agiri bateratua irakurtzen. BOB EDME Tamaina handiagoan ikusi

Ekhi Erremundegi Beloki -

2022ko apirilak 22 - Baiona

Eguraldi txarra zen, eta jende gutxi, baina kezka nabaria zen atzo arratsaldean Baionako herriko etxe aitzinean. Hainbat sindikatuk eta gizarte eragilek deituta, eskuin muturraren kontrako protesta egin zuten laurogei bat lagunek, Eskuin muturrari ez; justiziaren eta berdintasunaren alde lelopean. «Biziki kezkatuak gara, eta jendea mobilizatzera deitu nahi dugu. Marine Le Penek ez du boto bakar bat ere lortu behar. Nehondik ere ez», azpimarratu zuen Samathan Hourresquos CGTren Baionako batzordeko arduradunak.

Igandean eginen dute Frantziako presidentetzarako hauteskundeen bigarren itzulia, eta Emmanuel Macron liberalaren -gaur egungo presidentea- eta eskuin muturreko Marine Le Penen artean aukeratu beharko dute herritarrek. Azken asteetan argitaratutako inkesten arabera, inoiz baino emaitza hobeak lortu ditzake Batasun Nazionaleko hautagaiak.

Frantziako Estatu guzian antolatu dituzte mobilizazioak azken egunetan, eta deialdi bateratu horren harira egin zuten atzo arratsaldeko Baionako protesta ere. Deitzaileen artean ziren, besteak beste, Attac Finantza Transakzioak Zergapetzearen eta Herritarrei Laguntzearen Aldeko Elkartea, FSU eta CGT sindikatuak, FCPE guraso elkarteen federazioa eta LDH Giza Eskubideen Liga. Baina beste hainbat eragileetako ordezkariek eta hautetsiek ere parte hartu zuten elkarretaratzean.

Macronen «politika ultraliberalak» salatu dituzte manifestazioaren deitzaileek, edonola ere, «injustizia eta desberdinkeria areagotu dituztelako». Baina adierazi dute Le Penen aurka altxatzeko beharra ikusi dutela. «Uko egiten diogu eskuin muturra boterera nola heltzen den ikusteari», adierazi zuten atzo. «Urgentziazkoa da, egun, batzen gaituzten ideia eta balioen indarra kolektiboki goratzea. Demokraziaren osagai dira, eta ez dira bateragarriak eskuin muturrak barnean duen gorrotoarekin, xenofobiarekin, demagogia nazionalistarekin, eta bata bestearen kontra ematearekin».

Hourquescosek Le Pen bigarren itzulira pasatu izana gaitzetsi zuen. «Tristeena da langile munduak ere bere alde bozkatzen duela. Eskuin muturrak ez du deus ikustekorik aitzinamendu sozialarekin. Haren programa irakurtzea besterik ez dago: langile gisa haren alde bozkatzea gure buruaren kontra egitea da. Kapital handiak, nagusiak eta dirua balia daitezen da hor. Langile sindikatu gisa, ez dugu inolako interesik Le Penen alde bozkatzeko». Ez ditu baztertu abstentzioa eta xuri bozkatzea, eta zehaztu du bera ere gogoetatzen ari dela. «Macron bozkatu edo abstenitu, baina inondik inora ere ez da Le Penen alde bozkatu behar».

Jakes Bortairu EH Baiko kidearen hitzetan, «jende askorentzat biziki txarra» den hautu bat egin beharko dute igandean. «Alde batean, eskuin muturra dugu: inondik inora ere ez da babesten ahal, eta borrokatu behar da. Parean, Macron dugu: badakigu zer politika eraman duen eta eramanen duen. Beraz, apirilaren 25etik goiti, edozein gisaz, beharko da borrokan segitu, mobilizazioetan eta karrikan».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...