Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Koronabirusa

'Hezkuntza plazara' agiria atera dute, hezkuntza indartzea eskatzeko

Neurriak eskatu dituzte hezkuntza komunitateko zenbait ordezkarik. Mobilizatzera deitu dituzte ikastetxeak, abenduaren 1erako
Adierazpena aurkezteko agerraldia, atzo, Gasteizen.
Adierazpena aurkezteko agerraldia, atzo, Gasteizen. BERRIA Tamaina handiagoan ikusi

Maria Ortega Zubiate -

2020ko azaroak 7

Hezkuntza komunitatea ardatzean jartzeko aldarria egin dute hezkuntza komunitateko hainbat ordezkarik, COVID-19ak ekarritako egoerak kezkatuta. Hezkuntza plazara izeneko adierazpenean, «minimoak eta urgentziak» bildu dituzte, eta neurriak eskatu. Horien artean daude eskolak auzoan eta naturan emateko aukerak ahalbidetzea, ratioak jaistea, eta langile gehiago kontratatzea, besteak beste. Bestalde, abenduaren 1ean mobilizatzera deitu ditu ikastetxeak.

Aurtengo ikasturtean administrazioak «utzikeria» izan duela salatu du mugimenduak; aurreko ikasturtearen amaieran eta udan ikusitakoarekin ikasturtea «bestela» has zitekeela uste dute, baina administrazioak ez duela horren alde egin. Bestalde, hezkuntza komunitateak oro har —langileek, ikasleek eta gurasoek— egindako lana eta ahalegina «izugarria» izan dela adierazi dute. Horren aurrean, ordea, instituzioen «planifikaziorik eza» salatu dute, eta, era berean, aurtengo ikasturteko planteamendua hezkuntza komunitateak eta administrazioak elkarrekin egin bazezaketen ere, ez dela hala egin. Gehitu dute gaur egungo egoerak agerian utzi dituela bere arrakalak eta kalitatezko hezkuntza bermatzeko «zailtasun handiak» daudela.

Horiek horrela, aldarrikapen taula bat plazaratu dute. Haurren eskubideak bermatzea dute helburu, «eskubide osoko» herritarrak diren heinean; hezkuntza eskubide unibertsala eta aukera berdintasuna bermatzea aldarrikatu dute, bai eta jolas librerako, askatasunerako, esperimentaziorako, pentsamendu kritikorako eta abarrerako eskubideak ere.

Horregatik, eskatu dute ratioak jaistea eta langile gehiago kontratatzea, eskola curriculuma beren beharrizanetara moldatzea, eskolak auzoan eta naturan emateko modua jartzea, eta euskararen eta euskal kulturaren transmisioa bermatzea. Inklusioa bermatzeko baliabideak ere eskatu dituzte; baita, horrekin batera, zaintza lanak bermatuko dituzten eskolaz kanpoko ekintzak eta gurasoentzako baimen ordainduak ere. Gehitu dute gaur egungo egoerak arriskuan jartzen dituela azken urteetako metodologia aldaketa eta berrikuntzak. Adierazpenean plazaratutako neurriei orain bururatzen zaizkien proposamen gehiago gehitzeko deia egin diete ikastetxeei, eta abenduaren 1ean egin nahi duten mobilizazioan parte hartzeko esan diete.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzain bat bilaketa lanetan, atzo, Karrantza ibaian. ©Ertzaintza

Karrantza ibaian aurkitu dute igandean desagertutako 31 urteko gizona

Berria

Sendiak igandean jarri zuen salaketa, atzo aurkitu zuten Ramales de la Victorian (Espainia), eta Ertzaintzak gaur baieztatu du gorpua desagertuarena dela.

Gasteizen, Armentiako gas putzuak ustiatzeko proiektuan atzera egin behar izan zuen Jaurlaritzak. ©JAIZKI FONTANEDA / FOKU

Interes orokorra eta udal eskumenak aurrez aurre jarriko dituen zuzenketa bidean da

Jone Arruabarrena

Pil-pilean dago legearen inguruko eztabaida, EAJ eta PSEk aurkeztutako zuzenketaren ondoren. Zuzenketa onartuz gero, litekeena da ondorioak izatea udalen eskumenetan
Hiesa: GIB positiboen ahotsa

Hiesaren Aurkako Nazioarteko Eguna da gaur

Paulo Ostolaza - BerriaTB

Aurten bete dira 40 urte lehen kasuak agertu zirenetik. GIB positibo diren bi pertsonari eman nahi izan die hitza BERRIAk: Joseba Errekalderi eta Josu Unanueri. 90eko hamarkadan jakin zuten seropositibo zirela, eta ordutik hona bizi izandakoak kontatu dituzte. BERRIAk sakon landu zuen gaia joan den igandean.

<b>Gotzone Sagardui.</b> Osasun sailburua, atzo, Gobernu Kontseiluaren ostean egin zuten agerraldian. ©J. FONTANEDA / FOKU

Datu «txarrak» direla eta, osasun larrialdia ezarriko du berriz Jaurlaritzak

Berria

Espainiako Auzitegi Gorenak onetsi egin du Araba, Bizkai eta Gipuzkoan osasun ziurtagiria erabiltzea. Ziurtagiria datuak apaltzeko «tresnetako» bat izango dela dio Urkulluk A. Iraola - J. Ordoñez- J. Senar

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.