Albistea entzun

Gipuzkoako zahar etxeetan greba egin dute aldundiari inplika dadila eskatzeko

ELAk eta LABek gaurko ere grebara deitu dute, baita hilaren 14rako eta 15erako ere. Protesta gisa, LABek Donostiako sarbide bat itxi du
LAB errepidea mozten, atzo.
LAB errepidea mozten, atzo. LAB SINDIKATUA Tamaina handiagoan ikusi

Irati Urdalleta Lete -

2022ko uztailak 1

Gipuzkoako zahar etxeetako langileak greban daude oraindik ere: ELAk deitutako 259. greba eguna izan zen atzokoa, eta horietako batzuetan LABek ere bat egin du: esaterako, atzo. Gaurko eta hilaren 14rako eta 15erako ere greba deialdiak eginak dituzte. Gipuzkoako Foru Aldundiari zuzendu zaizkio bi sindikatuak: negoziazioa bideratzeko, inplikatzeko eskatu diote.

ELAk eta LABek elkarrekin egin dute protesta, Donostiako Txara II eraikinaren aurrean. Izan ere, foru aldundiak bilerara deitu ditu sindikatuak bertan. ELAk adierazi duenez, egoitzetarako Liburu Berdea plana aurkeztu diete. Kritiko agertu da sindikatua: «Enpresek zaintza sektorean negozioa egiten jarraitu ahal izateko aldundiak erabiltzen duen zuriketa bat da». «Propagandarekin» egungo egoera «makurra» ezkutatu nahi izatea egotzi diote.

Baldintza hobeen eskean

Egoera hori iraultzea «borondatearen» araberakoa dela iruditzen zaie. ELAk argi du zein den bidea: langileen baldintzak hobetzea eta langile gehiago hartzea. Horretarako, gaur eta hilaren 14an eta 15ean egingo dituzten mobilizazioetan parte hartzera deitu dituzte herritarrak, «egoiliarrak eta langileak erdigunean jarriko dituen zaintza sistema publifikatu baten alde egiteko».

LABek, bere aldetik, beste protesta bat ere egin du: Donostiara Amaratik sartzeko errepidea itxi du. Ekintzak izan du sinbolikotik: «Errepidea blokeatu dugu, negoziazioa bera blokeatuta dagoela salatzeko».

Izan ere, azaldu dutenez, negoziatzeko prest dago sindikatua, eta saiatu dira negoziazio mahaia aktibatzen ere, baina patronalari ez diote asmorik ikusten «sektorearen egoerari dagokion irtenbide duin bat» emateko.

Horiek horrela, Gipuzkoako Foru Aldundiak duen «erantzukizuna» nabarmendu du LABek: «Haiei dagokie orain mahaia desblokeatzeko pausoak eman eta irtenbidea erdiesteko proposamenak mahai gainean jartzea». «Proposamen errealak» galdegin dizkiote, hots, «borondateetatik» harago joatea. «Herrialdeko lan hitzarmena eta ratioen hobekuntzak ezinbesteko baldintzak dira gatazka honi irtenbidea emateko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mauleko mainfestazioa, gaur. ©Guillaume Fauvea

Etxebizitza espekulazioaren aurka mobilizatu dira Maulen

Oihana Teyseyre Koskarat

Etxe agentzietan itzuli bat osatuz egin dute protesta, XEKK Xiberuko Espekulazioaren Kontrako Kolektiboak antolatuta.

Manifestazioa, gaur, Donostian. ©Itaia Donostia.

Ziztada bidezko erasoak salatu, eta indarkeria matxistaren aurka antolatzera deitu dute

Berria

Itaiak manifestazio bat egin du Donostian, 'Ziztadarik ez. Erasoen aurrean babesa antolatu' lelopean.

Indarkeria matxistaren kontrako informazioa, Baionako bestetan. ©P. BELTZAIZ

Talde bortxaketa egotzita, behin-behinean kartzelara

Oihana Teyseyre Koskarat

Baionako bestetan izandako bortxaketaren harira, bi gizon preso sartu dituzte auzia egin arte. Bi gizon zigortu dituzte sexu delituak leporatuta

Atzemandako kalamua. ©Ertzaintza.

700 kilo marihuana atzeman ditu Ertzaintzak Abantoko errepide batean botata

Berria

Kutxatan eta poltsatan gordeta zegoen kalamua, urbanizazio baten inguruko pista batean, bide ertzean botata. Merkatuan bi milioi euroko balioa lukeela zehaztu du Ertzaintzak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...