Albistea entzun

Jaurlaritzak «gizarte ahaldundu eta parte hartzaile bat» sustatuko du

2021-2024 aldirako Boluntariotza Estrategiaren ildo nagusiak aurkeztu dituzte. Abenduaren 5ean, boluntariotza eguna egingo dute
Eusko Jaurlaritzako Boluntariotza Kontseilua bildu zen atzo.
Eusko Jaurlaritzako Boluntariotza Kontseilua bildu zen atzo. IREKIA Tamaina handiagoan ikusi

Unai Etxenausia -

2021eko abenduak 1 - Gasteiz

Lide Amilibia Eusko Jaurlaritzako Gizarte Politiketako sailburuordeak Arabako, Bizkaiko eta Gipuzkoako 2021-2024 aldirako Boluntariotza Estrategiaren ildo nagusiak aurkeztu zituen atzo, Gasteizen. Estrategia berriak «gizarte ahaldundu eta parte hartzaile bat» sustatuko duela esan zuen. Horrez gain, Amilibiak aurreratu zuen abenduaren 5ean egingo dutela aurtengo boluntariotza eguna: «Egun oso berezia da EAEko Boluntariotza Estrategiaren ildo nagusiak ezagutarazteko».

Gobernu batzuek «gizarte desmobilizatuak, lo daudenak, ekintza soziopolitikotik urruntzen dituen lozorroan murgilduta daudenak» nahiago dituztela aipatu zuen Amilibiak. «Eusko Jaurlaritzak kontrako iritzia du, erabat», azpimarratu zuen. «Gizarte aktibo bat nahi dugu, esna dagoena, mobilizatua, merezi duten kausekin konpromisoa hartzeko prest dagoena». Sailburuordearen ustez, boluntariotza da «sozialki aktiboa den erkidego bat» bultzatzen duen eragile nagusia, «giharra». Hori dela eta, Gizarte Politiketako Sailak nahi du eragile horrek are indar handiagoa hartzea. «EAEko gizartea ahaldundua eta eraldatzailea izan dadin nahi dugu», nabarmendu zuen Amilibiak.

Xede hori lortzeko, estrategiak lau ildo nagusi proposatzen ditu: ekintza boluntarioen gizarte eta politika intzidentzian gora egitea; boluntariotza eta haren erakundeak sendotzea; parte hartzeko eta elkartasunerako kultura sustatzea, eta boluntariotzaren esparru kontzeptualak eta araudizkoak eguneratzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Larunbateko manifestazioaren balorazioa egin du Euskara Aurrrera-k. ©Jon Urbe / FOKU

Euskararen aldeko «olatu berri bat» altxatzera deitu du Euskara Aurrera-k

Oihane Puertas Ramirez

Antolatzaileen arabera, dinamikak izan duen harrera «ona baino hobea» izan da, eta nabarmendu dute euskalduntzean urratsak egiten jarraituko dutela. Besteak beste, egungo garaira egokitutako hizkuntza politika berriak exijitu dizkiete administrazio publikoei.

Paziente batek gordetako <em>blister</em> edo pilula zorroak; ezkerrekoan argia da haurdunentzako ohartarazpena; eskuinekoa, berriz, abisu hori jartzen hasi aurrekoa da. ©BERRIA

Depakineren «egia» argitu arte

Arantxa Iraola

Botika bat hartzeagatik azido balproikoaren sindromedun seme-alabak izan zituzten zenbait andrek dena prest dute auzitara jotzeko. Espainiako justiziak epai bat eman du Sanofi botika etxearen aurka

«Sanofik erabaki zuen irabaziak lortzen jarraitzea»

«Sanofik erabaki zuen irabaziak lortzen jarraitzea»

Arantxa Iraola

Sanofiren aurka auzibideak martxan dituzten familien kasuak daramatza Ignacio Martinez abokatuak. Botika konpainia handia da, eta aski zaila dela aitortu du: desorekatua.

Euskal Eskola Publikoaz Harro topaguneko kideak, gaur goizean, Bilbon. ©RAUL BOGAJO / FOKU

Ekainaren 5ean kalejira «aldarrikatzailea» egingo dute eskola publikoaren alde

Olatz Enzunza Mallona

Euskal Eskola Publikoaz Harro Topaguneak «irakurketa ezkorra» egin du Arabako, Bizkaiko eta Gipuzkoako hezkuntza akordioaren inguruan. Eskola publikoa hezkuntza sistemaren erdigunean jartzen ez duela salatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...