Albistea entzun

Indarkeria matxista

Gasteizko jaietan jazotako eraso sexistak gaitzetsi ditu mugimendu feministak

Sei ziztada, bi eraso homofobo eta ukituengatik hiru atxilotu egon dira jaietan. Autodefentsa feminista aldarrikatu dute erasoei aurre egiteko

Mugimendu feministak antolatutako elkarretaratzea, atzo arratsaldean.
Mugimendu feministak antolatutako elkarretaratzea, atzo arratsaldean. JAIZKI FONTANEDA / FOKU Tamaina handiagoan ikusi

Iñaut Matauko Rada -

2022ko abuztuak 11

Gasteizko mugimendu feministak elkarretaratzea antolatu zuen atzo arratsaldean, jaietan «emakumeen eta sexu-genero disidenteen» aurka jazotako erasoak salatzeko. Izan ere, Gorka Urtaran alkateak adierazi duen moduan, sei ziztada eta bi eraso homofobo salatu dira jaietan, eta hiru gizon atxilotu dituzte adingabeei ukituak egiteagatik.

 

Mugimendu feministak ozen aldarrikatu du Kaleak eta gauak gureak dira leloa azken urteetan, baina oraindik ere erasoei aurre egiteko «autodefentsa feministaz baliatzen» jarraitu behar dutela ñabartu dute.

Festen aurretik, eraso sexistak salatzeko telefono bat jarri zuen martxan mugimendu feministak: «Jakin bagenekien erasoak artatzeak eta laguntza eskaintzeak instituzioen ardura izan beharko lukeela, eta ardura hori ez zutela beteko». Egoera horri aurre egiteko, kaleak eta espazioak «gureganatzeaz» mintzatu dira, eta «gizon zisheterosexualen» ardurari dei egin diote, erasoak identifikatu eta geldiarazteko, baita erasotzaileekin «konplizitatea apurtzeko» ere.

Azkenik, Poliziaren jarrera ere gaitzetsi dute. Haien esanez, babes eske joan diren emakumeen testigantzak gutxietsi dituzte, eta neskak «infantilizatu» dituztela ere salatu dute. Mugimendu feministak garbi du «antolakuntzak eta autodefentsa feministak» babesten dituela, eta «ez Poliziak».

Ziztak, «dominazio ekintza»

Itaia Emakumeen Antolakunde Sozialistak ere egin du Gasteizko jaietan egon diren erasoen inguruko balorazioa. Jaietako bederatzi eraso matxistek eta bi eraso homofoboek egoerari aurre egiteko «urgentzia» erakusten dutela adierazi dute.

Ziztada bidezko erasoak «desnormalizatu eta salatu» egin behar direla ere esan dute. Izan ere, Itaiarentzat, indarkeria matxistaren beste fenomeno bat dira ziztak, «izan droga inokulatuz edo zizta orratz bidez eginez». Eraso horiek «emakume langileen zaurgarritasuna» areagotzen dutela diote: «Dominazio ekintza horiek ondorio larriak dakartzate emakumeon osasun fisiko zein mentalean». Hala, erasoak salatzea eta indarkeriaren normalizazioa amaitzea ezinbestekotzat jo dute.

Biktima izan diren emakumeentzako arreta zerbitzua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MONIKA DEL VALLE / FOKU

«Enpresek erabakitzen dute eskola jangeletan zer eta nola jan»

Irati Urdalleta Lete

Sukaldeak eskoletan egotea, enpresa txikiei aukera ematea... Viñuelaren irudiko, jangeletan bada zer hobetua, pausoak ikusi arren: «Borondatea falta da, eta beldur handia dago».
Claveria, eskuinean, eta Amaya, erdian, atzo, biltzarraren ondorio nagusiak aurkezten. ©MONIKA DEL VALLE / FOKU

Ijito eta emakume izateagatik

Maite Asensio Lozano

«Genero antitziganismo» kontzeptua definitzeko lehen pausoak egin dituzte Bilbon, asteon Romi Berriak eta Amuge elkarteek antolatutako biltzar batean. «Jazarpen sistematikoa» salatu dute.
Gotzone Sagardui Osasun sailburua, atzo, Eusko Legebiltzarrean. ©R.BOGAJO/ FOKU

Osasun Publikoaren Lege proiektuari «gabeziak» ikusi dizkio oposizioak

Edurne Begiristain

Jaurlaritzako Osasun sailburuak azaldu du osasuna «politika publiko guztien» oinarrian jarri nahi dutela. EH Bilduk eta Elkarrekin Podemos-IUk esan dute lan egingo dutela egitasmoa «hobetzeko»

Urriaren 21etik 23ra Marieniako lurrak okupatzera deitu dute

Ekhi Erremundegi Beloki

Kanpaldia antolatuko dute Kanbon laborantza lurren salmenta salatzeko. Ipar Euskal Herriko borroken topagune izatea nahi dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...