Noiz sortua: 2019-12-04 00:30:00

«Metamorfosi ekologikorako» ituna aurkeztu du Bizi-k

2020ko martxotik aitzina herriko etxeak eta Euskal Elkargoa gidatuko dituztenek klimaren aldeko engaiamenduak hartzea nahi du
Bizi-ko kideak atzo, Baionan egin zuten agerraldian.
Bizi-ko kideak atzo, Baionan egin zuten agerraldian. GUILLAUME FAUVEAU Tamaina handiagoan ikusi

Ekhi Erremundegi Beloki -

2019ko abenduak 4

2020ko udal hauteskundeetara aurkeztuko diren zerrendei ingurumenaren aldeko engaiamenduak hartzeko eskatuko die Bizi mugimendu altermundialistak, Ipar Euskal Herriak «behar duen metamorfosi ekologikoa» gauzatzeko. Atzo aurkeztu zuten engaiamendu zerrenda, eta 2014an abiatutako legegintzaldiaren bilana egiteko ere baliatu zuten.

53 neurriko ideia kutxa proposatu zuten 2014an. Ipar Euskal Herriko biztanleriaren %75 ordezkatzen duten 30 herriko etxeetan hautatu zituzten engaiamenduak hartutako zerrendak eta hautetsiak, eta Hitza Hitz batzordea sortu zuten, beteko zirela segurtatzeko. Ondorioen txostena aurkeztu zuten atzo: «Ororen buru, tresna kutxako ekintzen %10 inguru baizik ez dira gauzatuak izan azken sei urteetan. Zinez gutxiegi da», adierazi du Xabier Harluxet Bizi-ko kideak.

2020rako, zazpi arlotan banatutako neurriak hartzeko eskatuko dute: bakarkako autoaren alternatiboak diren mugikortasun guzien alde ekitea; egoitzetan energiaren menperatzearen alde ekitea; tokiko elikagaien eta laborantza biologikoaren alde ekitea; %100 berriztagarriak diren energien lurralde baten alde ekitea; euskoaren garapenari esker tokiko ekonomiaren alde ekitea; hondakinak murriztearen eta ekonomia zirkularraren alde ekitea; Ipar Euskal Herriko Klima-Airea-Energia lurralde plana osoki gauzatzea.

Sinadura bilketa

Hauteskundeetarako itun hori bere osotasunean baizik ez dute onartzen ahalko bozetara aurkeztuko diren zerrendek. Halaber, sinadura bilketa bat abiatu dute itun horri babesa emateko, eta jadanik mila izenpetzailera iritsi dira. Martxoaren 5ean sinadura ekitaldi bat eginen dute Uztaritzen, itunarekin bat eginen duten zerrenden engaiamendu hartzea ofizialtzeko. Azkenik, kanpaina babesteko martxa bat ere eginen dute; martxoaren 2an Mauletik abiatu, eta martxoaren 7an Baionara helduko dira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna