Koronabirusa

Osakidetzan «premiazko neurriak» hartu beharra dagoela diote sindikatuek

Ospitale atarietan protesta egin dute, langileen egoeraz ohartarazteko. Jaurlaritzari eskatu diote «hitzetatik ekintzetara» jo dezala berehala
Langileen elkarretaratze bat Donostia ospitalearen parean, atzo.
Langileen elkarretaratze bat Donostia ospitalearen parean, atzo. ANDONI CANELLADA / FOKU Tamaina handiagoan ikusi

Irati Urdalleta Lete -

2020ko irailak 26

Osakidetzako langileak protestara bildu ziren atzo, zerbitzuaren «egoera larria» salatzeko. Araba, Bizkai eta Gipuzkoako ospitale atarietan egin zituzten protestak. Ordezkaritza daukaten sindikatuek elkarrekin egin dute mobilizazioetarako deia: ELAk, SATSEk, LABek, SMEk, CCOOk, UGTk eta ESK-k. Ohartarazi dute «premiazko neurriak» hartu behar direla. «Osakidetzako ospitaleetako langileek adierazi dute haserre eta gogaituta daudela, jasaten duten lan gainkarga sistematikoarengatik, egunerokoan pairatzen duten giza baliabide eta baliabide materialen faltarengatik, eta pandemian jasandako muturreko lan baldintzengatik», azaldu dute sindikatuek ohar batean. Atzo ospitaleetan eginiko protestak ez dira Osakidetzan egindako lehenak; joan den astean ere egin zituzten elkarretaratzeak, eta mobilizazio gehiagotarako deialdia ere egina dute sindikatuek.

Haien hitzetan, COVID-19aren aurretik ere bazeuden egiturazko arazoak Osakidetzan, eta orain «larritu» egin dira. «Osasun Sailak ez du borondaterik izan sakoneko arazo horiei heltzeko». Azken urteetako murrizketekin lotu dute oraingo egoera: «Azken urteetako murrizketa politikek eta osasun sistemaren pixkanakako ahultzeak oztopatu dute koronabirusari emandako erantzuna benetan, eta horiek eragin dute langileek muturreko baldintzetan aritu behar izatea lanean». Arazo ugari daudela salatu dute: inbertsio faltak, behin-behinekotasun handia, lan karga «sistematikoki» handia, baliabide falta, lan baldintzak okertzea... Pandemiarekin izandako arazoak gehitu behar zaizkie horiei, sindikatuen esanetan; besteak beste, lan zama handiagoa eta langileek pairatutako estresa.

Protesta gehiago

Aurreko ostiralean, lehen arretako zentroetako egoeraz ohartarazi zuten protestetan. Egun hartan bertan, Osasun Sailak ohar batean adierazi zuen konpromisoa duela osasun zerbitzurako 4.000 langile hartzeko. Sindikatuek uste dute «asmo oneko» adierazpenak direla, baina nabarmendu dute «berehalako irtenbideak» behar direla orain Osakidetzan, ez aurrera begirako neurriak bakarrik: «Premiazkoa da hitzetatik ekintzetara pasatzea, propaganda adierazpenetatik egiturazko konponbideetara».

Mobilizatzen jarraitzeko asmoa dute, harik eta Osasun Sailak «berehalako urratsak» egin arte. Osasun zentroetako elkarretaratzeen ondoren, gaur zortzi manifestazioa egingo dute Bilbon, sindikatuek elkarrekin antolatuta.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Gaurko Ministro Kontseiluko irudi bat. ©Espainiako Gobernua

Alarma egoera onartu du Espainiako Gobernuak, sei hilabeterako luzatzeko asmoz

Edu Lartzanguren

Eusko Jaurlaritzako eta Nafarroako Gobernuko buruek edukiko dute egoera kudeatzeko eskuduntza, eta erabaki propioak hartzeko aukera. Elkartzeko eskubidea mugatuko du Espainiak, eta etxeratzeko agindua ezarriko du gauean.

Zumaiako Aitzuri pilotalekuan egingo dituzte PCR probak. ©Baleike

Zumaian, Ermuan eta Mallabian baheketak egingo dituzte astelehenetik

Berria

Hiru herrietan, 13 eta 40 urte arteko biztanleei eskatu diete PCR proba egiteko, izurria kontrolatze aldera. Mallabiko herritarrek Ermuara joan beharko dute proba egitera. Getarian ez dute baheketarik egingo.

 ©JON URBE / FOKU

«Onartezina da bihar txertoa heltzea eta horretaz gogoetarik egin gabe egotea»

Arantxa Iraola

Txertoa lortzeko ikerketek, hura jartzeko garaia heltzen denerako ezarri behar diren irizpideek, itaun etiko ugari ekarri dituzte. Horietaz gogoetan ari da Ausin, eta, oro har, izurriaren inguruko auzi etikoez. Hitz hau darabil usuenik: «Gardentasuna».

Jaten emateko lizentziarik ez duten ostatuetako bat, Maulen, estadioaren parean, halabeharrez hetsirik. ©GUILLAUME FAUVEAU

Etxeratze aginduak ez du karismarik

Ainize Madariaga

COVID-19ren kontrako manuek ezinegona eragin dute hainbat herritarren artean. Hiru ostatuk ezin dute ireki Maulen. Zabal dezaketenek ez dakite norat buruz doazen

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna