Albistea entzun

Arabako zahar etxeetako sindikatuek lan hitzarmen bat eskatu dute

Hamazazpi greba egun egin dituzte jada. Langile gehiago kontratatzeko eta lan baldintzak «duintzeko» eskatu dute
Zahar etxe pribatuetako eta etxebizitza komunitarioetako sindikatuen agerraldia, atzo, Gasteizen.
Zahar etxe pribatuetako eta etxebizitza komunitarioetako sindikatuen agerraldia, atzo, Gasteizen. JAIZKI FONTANEDA / FOKU Tamaina handiagoan ikusi

Javi West Larrañaga -

2021eko irailak 18

Bizkaian eta Gipuzkoan ez bezala, ELA, UGT, LAB eta CCOO sindikatuek batera eskatu dute zahar etxe pribatuen eta etxebizitza komunitarioetako lan hitzarmen bat Araba osorako. Urte bi daramatzate astero elkarretaratzeak egiten, eta Arabako Aldundiarekin eta Eusko Jaurlaritzarekin biltzen, baina ez dute lortu emaitzarik. Horregatik egin dute deia irailaren 21erako sektoreko patronalarekin bilera egiteko. Politikarien «demagogia» deitoratu dute, pandemian zahar etxeetako langileen lana ezinbestekoa dela esan arren, «betiko prekaritatea» jasaten dutelako oraindik.

Sindikatuen aburuz, pandemiak argi utzi du zahar etxeetako langileen baldintzak «duindu» behar direla, eta, horregatik, «langile eskasia» konpontzeko eskatu dute. Horretarako «pertsona oinarri» izango duen arreta eredua ezartzea ezinbestekoa dela deritzote.

Salatu dute Bizkaiko langileek baino 400 euro gutxiago kobratzen dituztela, batez beste, hilean, nahiz eta urtean 200 lanordu gehiago egin. Alta, enpresei leporatu diete erizain nahikoa ez kontratatzea; esan dute orain erizain laguntzaileek egin behar dituztela erizainei dagozkien sendaketak.

Zahar etxe publikoak beteta daudela ohartarazi dute sindikatuek, eta familia askok pribatuetara eraman behar izaten dituztela senideak. Egoitza pribatuak oso garestiak direla adierazi dute: «Hilean milaka euro ordaindu behar izaten dute zerbitzu askoz okerragoaren truke».

Era berean, eredu publikoa eta pribatua alderatu dituzte. Zahar etxe pribatuen «helburu bakarra» etekin ekonomikoa ateratzea dela adierazi dute, eta mozkin hori «langileen soldata kaskarren» eta oheen prezioen bitartez lortzen dutela.

Gipuzkoan ere, borrokan

Gipuzkoako zahar etxeetan ere grebak egiten dabiltza. ELAk 250 egun daramatza guztira, eta LABekin batera egingo ditu 251 eta 252.ak, irailaren 23an eta 24an. Zinemaldiarekin batera, Zaintzaldia egingo dute, eta ELAk «izar guztiei» dei egin die protestetan parte har dezaten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskaraz ikasteko eskubidea aldarrikatu zuten atzo NUPeko Euskara Taldeko kideek. ©NUP-EKO EUSKARA TALDEA

Euskararen eguna: Txibiteren agendan ageri ez den ospakizuna

Ion Orzaiz

Euskararen Nazioarteko Eguna «ospatzera» deitu du Ana Ollo kontseilariak (Geroa Bai), baina gobernuak ez du ekitaldi ofizialik prestatu

Urkullu Labiren bilera batera sartzen, artxiboko irudi batean. ©J.FONTANEDA / FOKU

Datuen goraldia apaltzen ahalegintzeko jarraibideak onartuko ditu gaur Labik

Arantxa Iraola

Osasun larrialdia berriz ezarri du Urkulluk, pandemia hasi zenetik hirugarren aldiz. 16:30erako deitu du Labi bilerara

<b>Mahai ingurua.</b> Ezkerretik, Lander Muñagorri, Ihintza Ostolaza eta Joseba Ibarretxe. ©ARITZ LOIOLA / FOKU

Bolumena igo, ertzetan ere entzun dadin

Gotzon Hermosilla

Eremu erdaldunetako gazteei euskararen eta euskal kulturaren transmisioa nola bermatu aztertu dute jardunaldi batean. Zenbait adituk esan dute periferia, arazoa baino gehiago, «irtenbidea» izan daitekeela
<em>Batuz aldatu</em>-ren aurkezpena, aurtengo ekainean. ©JON URBE / FOKU

Hizkuntza politiketan eragiteko prest

Berria

Ia urte erdia pasatu da eremu askotako ia ehun eragilek adostutako 'Batuz aldatu' dokumentua aurkeztu zutenetik. Euskara eroso erabiltzeko baldintzak sortzea du helburu egitasmoak. Arloz arloko lanketari ekingo diote 2022an.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.