Albistea entzun

Dantza eta musika, Balentziaga museoaren udako proposamena

Askotariko ekitaldiak izango dira uztailean eta abuztuan, museoaren hamargarren urteurrenaren karietara. Gazteak erakarri nahi dituzte
Museoko arduradunak atzo, udako programazioaren aurkezpenean.
Museoko arduradunak atzo, udako programazioaren aurkezpenean. BERRIA Tamaina handiagoan ikusi

Aitor Biain -

2021eko ekainak 24

Balentziaga museoak hamar urte bete ditu aurten, eta bisitariekin ospatu nahi du urtemuga hori. Getariako museoak (Gipuzkoa) hilaren hasieran osatu zuen erakusketa proposamena, eta orain, udako kultur eta aisialdi programa ere indartu du: musika, dantza, moda eta gastronomia uztartuko dituzten askotariko ekitaldiak antolatu ditu uztailerako eta abuzturako.

«Bisita dantzatuak» eskainiko dituzte aurten lehen aldiz, Dantzaz konpainiarekin batera, «bildumako pieza estatikoen eta dantzaren mugimenduaren arteko elkarrizketa» sortzeko asmoz. Uztailaren 18an eta 25ean egingo dituzte soilik, halere. Dantzaz konpainiak Gesala ikuskizuna ere taularatuko du uztailaren 3an, eta mugimenduari buruzko tailer bat ere eskainiko du. Metrokoadroka eta Tranpola konpainiek, ostera, Txilin-hotsak antzezlana emango dute uztailaren 30ean, umore absurdoa ardatz duen antzezlan laburra. Eta Nerea Garmendiak bakarrizketa bat eskainiko du abuztuaren 8an.

Musika kontzertuak ere izango dira museoko terrazan, abuztuko ostiral iluntzetan; Kutxa Kultur Musika eta Katapulta Tours programako taldeak eta bakarlariak ariko dira bertan. Musika elektronikoko saio bat ere izango da, formatu digitalean, Dan—tz laborategiaren eskutik. Azkenik, Moda Zuzenean ekimenari lotuta, Kutxa Kultur Moda programako bost diseinatzailek beren proposamenak erakutsiko dituzte abuztuko asteburuetan. Emanaldi guztiak doakoak izango dira, baina aurrez izena eman beharko da museoaren webgunean.

Gazteengan arreta

Udako programazioarekin museoa beste publiko bati zabaldu nahi diote; gazteak erakarri nahi dituzte, batez ere, Miren Vives museoko zuzendariak azaldu duenez, «museoa bisitatzeko joera gutxien dutenak» direlako. «Programan, adin eta jatorri guztietako lagunek gozatzeko moduko aukerak daude, baina, batez ere, gazteengan jarri nahi izan dugu arreta», esan du Vivesek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitor Fenandino eta Mikel Losada aktoreak, 'Bake lehorra antzezlaneko eszena batean ©Monika del Valle/Foku

Karlistaldian kokatutako gerrei buruzko antzezlana sortu du Patxo Telleriak

Iñigo Astiz

Zehazki, 1872ko karlisten eta liberalen arteko Zornotzako bake ituna hartu du abiapuntu antzerkigileak, baina kasu zehatzetik harago, bakeari eta gerrari buruz gogoeta egiten duen obra bat sortu du: 'Bake lehorra'. Astelehenean estreinatuko dute euskaraz

Saria jaso duten musikariak, gaur, BECeko ekitaldian. ©Marisol Ramirez / Foku

Hamar artista eta talderen lana aitortu dute Musika Bulegoaren VI. Sarietan

Ainhoa Sarasola

Olatz Salvador, Chill Mafia, Gaur, Ether Ensemble, Maite Larburu, Ramon Lazkano, Verde Prato, Amak, Trio Zukan eta Motxila 21 taldeak saritu dituzte aurten, Barakaldoko BECen eginiko galan.

Led Silhouette dantza konpainiako Martxel Rodriguez eta Jon Lopez kideak. ©IÑIGO URIZ / FOKU

Erriberriko antzerki jaialdiak inklusibotasuna izanen du ardatz

Yasmine Khris

Uztailaren 15etik 31ra egingo dute antzerki klasikoaren jaialdia. Espazio «paritario eta feminista» baten alde egin dute apustua aurten

Ezker-eskuin, Arantxa Arzamendi, Mari Jose Telleria, Pello Leiñena, Aizpea Otaegi eta Andoni Iturbe. ©ERESBIL FUNDAZIOA

Musikastek «euskal musikaren hiriburua» batuko du 50. urtez

Miren Mujika Telleria

Bihar hasiko da Musikaste, Errenterian, maiatzaren 28ra bitarte. «Urrezko ezteiak» ospatuko dituzte aurten; izan ere, 50 urte bete ditu jaialdiak. Hamar emanaldi egingo dituzte, askotariko doinuekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.