EITBk deialdi bat zabaldu du fikziozko telesailak sortzeko

Irabazi arte telesaila. ETB.
urtzi urkizu
Donostia
2023ko ekainaren 1a
00:00
Entzun 00:00:00 00:00:00
EITBk bi milioi euro inbertituko ditu aurten fikzioan eta formatu berritzaileetan. Talde publikoak prozesu bat abiarazi du ekoizpen independenteko fikziozko telesailen proiektuak identifikatzeko. Gazteentzako lanak izan beharko dute, eta euskarazko ekoizpenak lehenetsiko ditu EITBk. Era berean, taldeak deialdi bat zabaldu du kontsumo digitaleko bide berriak sortuko dituzten formatuak esploratzeko.

Orotara, aparteko finantzaketaren bitartez, EITBk bost milioi euro baino gehiago jarriko ditu 2023. urtean fikzioa kontratatzeko.

Lanak aurkezteko epea uztailaren 14an amaituko da. Oinarriak EITBren webgunean kontsultatu daitezke. Telesailen kasuan, deialdiak jasotzen du thrillerren eta komediaren aldeko apustua egin nahi dela. «Euskal gaiak ikuspegi unibertsal batetik jorratzea» baloratuko dute.
Kazetaritza etikoaren arabera sortua

Nola bermatzen dugun edukien kalitatea

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Zure babes ekonomikoari esker egiten dugu kazetaritza konprometitua. BABESTU BERRIA