Albistea entzun

Koronabirusa

65 pertsona hil dira koronabirusak jota azken astean Hego Euskal Herrian

Irail bukaeratik birusarekin jende gutxien hil den astea izan da aurrekoa. 397 kasu atzeman dira, eta presioa handitu da ZIUetan: 147 daude
Gurutzetako ospitaleko ZIU gela bat, artxiboko irudi batean.
Gurutzetako ospitaleko ZIU gela bat, artxiboko irudi batean. ANDONI LUBAKI / FOKU Tamaina handiagoan ikusi

Uxue Rey Gorraiz -

2021eko martxoak 4

Astebetean gaitzarekin hil direnen kopuruari dagokionez, beherakada nabarmena izan da Hego Euskal Herrian. Iragan den iganderaino 65 pertsona hil ziren astebetean koronabirusak jota Hegoaldean, hau da, otsailaren 22tik 28ra bitartean. Adierazle horretan aspaldi erregistratu den daturik apalena da Eusko Jaurlaritzak eta Nafarroako Gobernuak atzo jakinarazitakoa: zehazki, irailaren bukaeratik ez da inoiz zenbatu kopuru txikiagorik Hegoaldean. Osakidetzak eta Osasunbideak emandako datuen arabera, azken astean hildako 65etatik 61 Araba, Bizkai edo Gipuzkoakoak dira, eta Nafarroakoak dira gainerako laurak.

Horrez gainera, igandetik aitzina ere izan dira birusarekin lotutako heriotzak. Nafarroako Gobernuak egunero ematen du horien gaineko datua, eta, haren arabera, azken egunetan beste bost pertsona zendu dira herrialdean.Gobernuak zehaztu duenez, hildako guztiak emakumezkoak dira, 86 eta 97 urte artekoak.

Kutsatuen datuei dagokienez, herenegun beste 397 COVID-19 kasu zenbatu ziren Hego Euskal Herrian egindako testetan. Guztira, 10.280 proba egin ziren asteartean, eta horien guztien %3,9k eman zuten positibo. Lurraldez lurralde, Bizkaian 174 kasu atzeman zituzten; Gipuzkoan, 93; Araban, 66, eta Nafarroan 57.

Azken asteotako datuak ikusirik, oraindik ere, ospitaleetako egoera da kezkagarriena. Asteartean, Hegoaldean 51 lagun erietxeratu zituzten, COVID-19aren sintomak larriagotuta. Hala, azken hamalau egunetako datuei so, 49 pertsona ospitaleratu dituzte egunero, batez beste. Halaber, oraintxe bertan 321 pertsona daude Hegoaldeko zentroetako gela arruntetan erietxeraturik, eta 147 daude ZIU zainketa intentsiboetako unitateetan, bezperan baino sei gehiago.

Santa Marina ospitaleari so

Begoña Perez Osakidetzako zuzendari nagusiak atzo Eusko Legebiltzarrean jakinarazi zuenez, orain arte 23 pertsona kutsatu dira Bilboko Santa Marina ospitalean. Osakidetzak astelehenean eman zuen agerraldiaren berri, eta beste bi langile kutsatu direla jakinarazi zuen atzo. Oraingoz, hiru osasun langile, hamalau gaixo eta sei laguntzaile gaixotu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Alarma egoeraren osteko aroaz kezkaz ari dira EAJ eta EH Bildu

Maria Ortega Zubiate

Jaurlaritza erabakiak hartzeko «subiranoa» ez izateak funtsezko arazoak dakartzala azaldu du Otegik. Aldi baterako neurrien eske ari da Ortuzar
Galdakaoko ospitaleko (Bizkaia) ZIUko gune bat. ©MIGUEL TOÑA/ EFE

Ospitaleetako okupazioa gora doa, eta ezinegona adierazi dute agintariek

Edurne Begiristain-Ion Orzaiz Uxue Rey Gorraiz-Arantxa Iraola

740 lagun daude erietxeratuta birusak jota, azken bi hilabeteetako kopururik handiena. Urkulluk baztertu egin du, oraingoz, Labi bilerara deitzea. Nafarroako lau herri perimetralki itxiko dituzte
Cecilia Themme Afan, Carmen A.Cares Mardones eta Izaskun Landaida atzo, Gasteizen. ©ENDIKA PORTILLO / FOKU

Andre migratuak eta arrazializatuak «giza kapitalaren» erreferente dira elkarteetan

Amaia Ramirez de Okariz Kortabarria

Arabako, Bizkaiko eta Gipuzkoako taldeetan jarduten duten hainbat emakume migratu eta arrazializaturi elkarrizketak egin dizkiete, feminismoa eta intersekzionalitatea ardatz. Landaidak goraipatu egin du lana, gogoeta bultzatzeagatik
Urretxindorra proiektuan parte hartutako mentore eta etorkin bat. ©COORDINADORA MENTORIA SOCIAL

Mentoretzak etorkinen gizarteratzea errazten duela ondorioztatu dute

Jone Bastida Alzuru

Mentoretzak dituen eraginak aztertzeko ikerketan parte hartu dute Gipuzkoako SOS Arrazakeriak eta Nafarroako Unibertsitate Publikoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.