Noiz sortua: 2020-02-19 00:30:00

Espainiak ezin du Pla berriro epaitu etakide izatea leporatuta

Konponbiderako ETAren ordezkaria gaur eramango dute Auzitegi Nazionalera. Frantziak iaz juzgatu eta zigortu zuen etakide izateagatik
David Pla —zutik—, joan den abenduaren 18an, Hendaiako herriko etxean, bere kasuari buruzko udalbatzarrean.
David Pla —zutik—, joan den abenduaren 18an, Hendaiako herriko etxean, bere kasuari buruzko udalbatzarrean. BOB EDME Tamaina handiagoan ikusi

Enekoitz Esnaola -

2020ko otsailak 19
David Pla gaur goizeko hamarretan eramango dute Maria Tardon Espainiako Auzitegi Nazionaleko epailearengana (h)Alboka auzian deklara dezan, 2008ko maiatzeko ustezko hitzordu bat dela medio, eta orduan ikusiko da epaileak behin-behinean espetxera bidali ala libre utziko duen. Etakidea izatea egozten diote Plari, baina Frantziak iazko otsailean akusazio beragatik epaitu —eta zigortu— zuen, eta Madrilek berez ezingo du berriro horregatik juzgatu. Amaia Izko defentsa abokatuak uste du kasua «oso argia» dela, baina dio ezin dela aurreikuspenik egin. ETAren eta EPPKren arteko «lotura» egitea eta presoen kolektiboa «kontrolatzea» egozten diete (h)Alboka auzikoei. Pla 2008ko maiatzaren 17an Mimizanen (Landak, Frantzia) etakide batekin batzartu zela dio auzitegiak, baina Frantziako Poliziaren Zerbitzu Antiterroristaren txosten batek egiaztatua du Pla egun hartan Fresnesko espetxean zegoela, bisita batean.

Atzo Espainiaratu zuen Frantziak, auzitegiek aurreko urte bukaeran Madrilen euroagindu eskaera bat onartu ondoren. Hendaian (Lapurdi) utzi zuen Espainiako Poliziaren esku. Ondotik, lehendabizi, Donostiako komisariara eraman zuten, eta, handik, Soto del Real kartzelara (Madril). Bertan pasatu du gaua.

Tardon epaileak aske utziko balu, balegoke beste kontu bat argitzeko: ea Plak Hendaiara bueltatzerik balukeen —han bizi da, familiarekin— urtebetez Frantziako Estatuan bizitzeko daukan debekuagatik —Parisek debeku neurria geldirik izan du euroagindu eskaera ebatzi artean—.

Iazko otsailean Pla eta Iratxe Sorzabal Parisen korrekzional arlotik epaitu zituzten, ez, hasieran aurreikusi bezala, kriminaletik. Frantziak zeritzon ez zegoela arrazoirik kriminaletik jotzeko. Biak 2015eko irailean Baigorrin (Nafarroa Beherea) atxilotu zituztenetik epaiketara artean akusazioan ere egon zen aldaketa esanguratsu bat: atzematean, ETAko zuzendaritzako kidetzat jo zituzten, baina epaiketan gaizkile taldeko (ETAko) kide izatea eta armak edukitzea egotzi zieten. Hala, gehienez ere, hamarna urteko espetxe zigorra ezarriko zieten. Otsailaren 5ean eman zuten epaia: bost urteko espetxea Plari, zazpikoa Sorzabali. Xantiana Cachenaut defentsa abokatuak adierazi zuen bere iritzian epaimahaiak aintzat hartu zuela Euskal Herriko testuinguru politiko berria —ETA 2018an desegin zen—, baita Sorzabalek eta Plak horra iristeko betetako funtzioa ere. Plak 2015eko hondarrean jakinarazi zuen konponbiderako ETAren ordezkaria zela.

Sorzabal eta Jauregi

Sorzabalen kasua ere aztertuko dute gaur, Parisen, Dei Auzitegian: Auzitegi Nazionalak eskatutako laugarren euroagindua. 1996an Donostiako epaitegi batean ETAren izenean lehergailu bat jartzea leporatzen diote. Cachenaut abokatuaren arabera, Sorzabalek 2001ean Guardia Zibilaren atxiloaldian torturapean egindako adierazpenetan oinarritzen da Madril akusazioa aurkezteko. Dei Auzitegiak orain arte onartu egin ditu hiru euroagindu eskaerak.

Bestalde, Auzitegi Nazionalak artxibatu egin du Jaione Jauregiren kontrako auzi bat —1981eko atentatu bat; 2004an auzipetu zuten—, preskripzioagatik. 1979tik iheslaria da Jauregi, eta gaur egun Gante-n (Flandria) bizi da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Kale garbitzaile bat, Donostian. / ©Jagoba Manterola, Foku

Sanchezek apirilaren 26ra luzatu du konfinamendua

Berria

Goizean batzorde zientifikoarekin batzartu eta gero: «Gizarteak behar duen denbora da birusari aurre egiteko».

Militarrak Etxalarren

Militarrak Pirinioetan

Berria

Atzo Iruñean egon eta gero, Espainiako Armadako soldaduak Zaraitzu, Etxalar eta Sara inguruetan ikusi dituzte. Bideoa: militarrak Etxalarren.

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna