Noiz sortua: 2020-03-25 00:30:00

'Go!azen'-ekoak ere, etxetik

Telesaileko aktoreek euren etxetik egindako grabaketekin, saio bat emango du gaur ETB1ek
Maria Redondo aktorea izango da <em>Go!azen etxean</em> saio bereziko protagonistetako bat.
Maria Redondo aktorea izango da Go!azen etxean saio bereziko protagonistetako bat. PAUSOKA Tamaina handiagoan ikusi

Urtzi Urkizu -

2020ko martxoak 25

ETB1eko Go!azen telesailak otsailaren 21ean amaitu zuen denboraldia, baina gaur eta datorren asteko asteazkenean aktoreen solasaldiekin eta bideoekin osatutako programa berezi bat emango du euskarazko kateak: Go!azen etxean. 22:30ean izango da ikusgai, baina ondotik eta datozen egunetan EITBren webgunean ere ikusi ahalko da. Igandeetan ere emango dute, 21:00etan.

Mundu osoan koronabirusak sortu duen egoerak eragina dauka Go!azen-eko pertsonaien artean. Horrela, protagonistek etxean pasatzen dute eguna, eskolara joan ezinik, eta bertatik lanak egiten eta lagunekin txat bidez hitz egiten. Hori dela eta, etxeko gazteenengan pentsatzen, ETB eta Pausoka ekoizpen etxea saio berezi batzuk prestatzen ari dira.

ETBko saio berezi horietan, protagonistek etxetik zer kontatzen duten ikusi ahal izango da: nolako bizimodua duten, eta ikus-entzuleek abesten entzungo dituzte, eztabaidan, elkarri animoak emanez, eta egoera behar bezala igarotzeko gomendioak partekatuz.

Saio bakoitzak 50 minutu iraungo du. ETBren arabera, «itxialdiaren astuntasuna ahalik eta erarik egokienean igarotzeko asmoz» sortu dute programa.

Xabier Zabaleta Go!azen-eko gidoilari eta ekoizleak azaldu duenez, itxialdia iritsi zenean pentsatu zuten haurrentzako «eduki berezi bat sortzea» Go!azen-eko aktoreekin. «Asmoa da etxeko gazteenentzat entretenimendua sortzea. Ikusleei erakutsiko diegu telesaileko nolakoak diren pertsonaiek uda eta uda artean bizi izan dituzten gorabeherak. Istorioen jarraipen bat dago, eta etorriko direnen aurkezpen bat ere egongo da».

Aholkuak itxialdirako

Pertsonaien askotariko galderei erantzuten saiatuko dira programa berezietan: Nola dabil Eneko Manchesterren (Erresuma Batua)? Lortu al du Maddik gainerakoen konfiantza? Eta Igor, bakarrik jarraitzen al du Igorrek? Nola daramate Sarak eta Aimarrek elkarren arteko maitasun harremana? Bitxikeria gisa, Junek eta Danelek youtuber bihurtzeko ideia izango dute. Haien lehen saialdiak ikusi ahalko dira Go!azen etxean programan.

Saio berezietan, halaber, neska-mutikoek itxialdia pasatzeko aholkuak emango dituzte, «modu dibertigarrian eta pertsonaien ikuspegitik». Pertsonaiek abesti batzuk ere kantatuko dituzte —gehienak telesailean bertan aurreko denboraldian abestu zituztenak—. «Pertsonaiek, zenbaitetan, taldeka hitz egingo dute, eta, beste batzuetan, binaka edo hirunaka», iragarri du Zabaletak.

Ezustekoak ere izango dira saio berezietan, eta aurreko denboraldietako pertsonaiaren bat azalduko dela nabarmendu du Pausokako gidoilari eta ekoizleak. «Aktore guztiek ikusi dute garrantzitsua dela beren ekarpena horrelako egoera batean».

Telesailaren zazpigarren denboraldia udan grabatzeko asmoa dute Pausokak eta ETBk. Trama berrien aurrerapen txiki bat egingo dute egunotako saioetan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 13.406 gaixok eman dute positibo koronabirusaren proba eginda. 905 hil dira. COVID-19 gaitza izandako 4.972 pertsonari eman diete alta. Grafikoak, albiste barruan.

Diputatuak saioren hasieran, minutu bateko isilunean. / ©Mariscal, EFE

Alarma egoera luzatzea onartu du Espainiako Kongresuak

Berria

EAJk iragarri du bilera horretan egongo dela. EH Bildu, berriz, ez da joango. Konfinamenduan apirilaren 26ra arte luzatu dute Hegoaldean.

Gasteizko farmazia bat. / ©Endika Portillo, Foku

Egun beltzenetan bigarrena izan da atzokoa, hildako kopuruari dagokionez

Ekhi Erremundegi Beloki - Ane Eslava

Gutxienez 59 pertsona hil dira Euskal Herrian azken 24 orduetan koronabirusak jota. 900 hildakoen langa gainditu da. 462 positibo gehiago atzeman dituzte Hegoaldean.

350 diputatutik 43 joan dira Espainiako Kogresura ©mariscal / EFE

EAJk atea ireki dio Sanchezek proposatutako itunean parte hartzeari; EH Bildu ez da joango

Irati Urdalleta Lete

Apirilaren 26ra arte luzatu dute alarma egoera, eta Sanchezek aurreratu du uste duela hamabost egun barru berriro alarma dekretua luzatu beharko duela

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna