Albistea entzun

Primeran plataforman 3,5 milioi euro inbertituko ditu EITBk

2023ko aurrekontuen arabera, taldearen pertsonal gastuak 77,2 milioi eurokoak izango dira
ETBren programazioaren aurkezpena, irailean. 2023an, EITBk hiru milioi gehiago izango ditu saioetarako.
ETBren programazioaren aurkezpena, irailean. 2023an, EITBk hiru milioi gehiago izango ditu saioetarako. R. BOGAJO / FOKU Tamaina handiagoan ikusi

Urtzi Urkizu -

2022ko urriak 27

Andoni Aldekoa EITBko zuzendari nagusiak Eusko Legebiltzarrean eta administrazio kontseiluan esan berri du EITB «euskal fikzioko eta zinemako edukien liburutegi bat» osatzen ari dela, 2023an plazaratu nahi duen Primeran plataforman eskaintzeko. EITBk dirua beharko du horretarako. BERRIAk 2023rako aurrekontuen zirriborroa eskuratu du, eta horren arabera, datorren urtean 3.530.000 euro erabiliko ditu Primeran plataforma berrian —edukietan, teknologian eta mantentzean—.

EITBren 2023ko aurrekontua 198,8 milioi eurokoa izango da, aurtengoa baino 21,4 milioi euro gehiago —diru horren parterik handiena Eusko Jaurlaritzak jarriko du—. Izan ere, Jaurlaritzaren Kultura Saileko diruaren erdia EITB finantzatzeko izango da. EITBko administrazio kontseiluan ez ziren onartu aurrekontuak —bi hereneko gehiengoa behar da horretarako, eta EH Bilduk, ELAk eta PPk aurka bozkatu zuten—. Baina bozketa horrek ez du betorik ezartzen, eta asteon sartuko da aurrekontu hori Jaurlaritzako Kultura Sailekoan.

EITB taldearen egiturazko gastuak dira handienak. Funtzionamendu gastuak 105,9 milioi eurokoak izango dira orotara 2023an, eta horietatik 77,2 milioi pertsonal gastuetarako dira; pertsonal gastuak 3,4 milioi euro handituko dira urte batetik bestera, eta funtzionamendu gastuak, berriz, 16,3 milioi.

EITBk 1.090 langileko taldea izango du datorren urtean: pertsonal gastuen %61 ETBkoak dira; %28, irratietakoak; %5, EITB Netekoak; eta %7, EITB taldekoak.

Funtzionamendu gastuen barnean, kirolen arloak 7,6 milioi euro izango ditu datorren urtean —aurten baino %10 gehiago—. Albistegietan ere igo egingo da aurrekontua, %11, eta 7,8 milioi eurokoa izango da. Programetarako hiru milioi gehiago izango ditu EITBk: aurten, 32,1 milioi zituen; 2023an, 35,1 milioi izango ditu.

Haurrentzat, Makusi

Aurrekontuen zirriborroak jasotzen du datorren urtean 200.000 euro gehiago gastatuko direla autore eskubideetan.

Zinemako ekoizpenetarako inbertsioari dagokionez —legeak taldea derrigortzen du aurrekontuaren %6 horretarako jartzera—, 1,3 milioi euro jarriko ditu datorren urtean EITBk, aurten bezalaxe.

Bestelako proiektuei dagokien atalean, talde publikoak aurreikusi du 200.000 euro jartzea EITBLab laborategian. Gaztearen proiektu berriak milioi erdi euro jasoko ditu.

Bestalde, talde publikoak haurrentzako egitasmo bat abiaraziko du hemendik hilabete batzuetara: Makusi. Zaila da zehaztea zenbateko aurrekontua izango duen. Milioi bat euro baino gehiago inbertituko dutela esan dute EITBko iturriek.

EITB Podkast atariarentzat 300.000 euro jarriko dituzte datorren urtean. Eta komunitate digitaletan sakontzeko, beste 200.000 euro.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Erroskillak, opilak eta kordoiak nagusi, San Blas azokan. ©MONIKA DEL VALLE / FOKU

Kordoiak eta pankartak

Olatz Silva Rodrigo

San Blas azokak 76 ekoizle eta 160 abelburu elkartu ditu Abadiñon. Goizetik bildu da jendetza, ekintzaz betetako programazioaz gozatzeko. Protesta egiteko eguna ere izan da.
Herritar bat, Gasteizko Arriaga parkean. Barruko eraztun berdearen parte da eremu hori. ©ENDIKA PORTILLO / FOKU

Eremu berdeetatik egotziak

Amaia Igartua Aristondo

Azpiegitura berdeek etxebizitzen prezioa garestitu dezakete, eta, hala, goi klaseko bizilagunek ordezka ditzakete langile klasekoak. Prozesuari 'gentrifikazio berdea' deritzo, eta jada gertatu da munduko hiri batzuetan.
Gorka Rico eta Javi Rivero, Tolosako Ama jatetxeko sukaldariak. Ama jatetxea lekuz aldatuko dute aurten. ©JON URBE / FOKU

«Herritarrek saria eurena balitz bezala sentitu dute»

Amaia Jimenez Larrea

XXI. Madrid Fusion kongresuaren sukaldari berririk onenen saria jaso zuten joan den astean Javi Riverok eta Gorka Ricok. Oraindik ere oihartzun mediatikoa gainditzen ari direla esan dute.
 ©DEAR EDWARD

Hutsunearekin bizitzen ikasten

Mikel Yarza Artola

'Dear Edward' telesailean hegazkin istripu batetik bizirik irten den mutiko bat da protagonista. Hamar ataleko drama bat da, eta Apple TV Plusen dago

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...