'Zuen kasatik gure kasara' saioa emango dute ostegunetan ETB1en

'Gure kasa'-k deialdi ireki bat egin du, herritarrek 'Txoria txori' kantatuz bideoak bidal ditzaten
<em>Gure kasa</em> saioko kideak bakoitza bere etxetik arituko dira <em>Zuen kasatik gure kasara</em> saioan, ostegun gauetan.
Gure kasa saioko kideak bakoitza bere etxetik arituko dira Zuen kasatik gure kasara saioan, ostegun gauetan. EITB Tamaina handiagoan ikusi

Urtzi Urkizu -

2020ko martxoak 28

Koronabirusaren krisiaren eraginez, ETB1eko Gure kasa saioaren grabaketak bertan behera utzi behar izan zituzten. Aste honetan, Eztabaidan saioak bete du haren ordutegia —21:30etik 22:30era—. Baina martxan da berriz ere Gure kasa-ko lantaldea, eta «normaltasuna itzuli bitartean», Zuen kasatik gure kasara programa egingo du, astean behin. Ostegunetan emango du ETB1ek, 22:30 inguruan.

Programaren nondik norakoak azaldu ditu Unai Etxabe zuzendariak: «Gure kasa-ren espiritua mantenduko dugu. Euskal Herriko langileei eta herritarrei eskertuko diegu egunotan egiten ari diren esfortzua, programa entretenigarri bat eginez».

Aurkezle bakoitza bere etxetik arituko da: Julen eta Antton Telleria, eta Aitziber Garmendia Virginiaren eta Zuriñeren roletan. Laguntzaile berriak ere izango dituzte: Jon Plazaola aktorea Garmendiarekin bilduko da, «pintxo-pote birtual batean». Garmendiak bakarrizketak egingo ditu Plazaolarekin batera.

Onintza Enbeita kolaboratzaileak, berriz, puntua jarriko du, eta bertso puntuka birtualean arituko dira aste barruan. Iñigo Vicensek fit live eta kirol arloa eramango ditu saiora.

Etxabek iragarri du saioan garrantzitsuak izango direla hainbat lanbidetako langileei egindako elkarrizketak: «Lehen atalean, mediku bat, garraiolari bat eta zaintzaile bat azalduko dira. Lanbide horiei guztiei eskerrak eman nahi dizkiegu. Eskerrak emateko mezuak jasotzen ari gara: kantuan, musika tresnak jotzen...».

Bakarrik bizi den emakume batek ezin izan du aurten urtebetetzea nahi moduan ospatu. Hari ezusteko berezia emango diote.

'Txoria txori' erraldoia

Horrez gainera, saio berezi horietan Txoria txori erraldoi bat egiten saiatuko dira. «EITBk Lau teilatu-rekin elkartasun maratoian egin zuen bezala izango da. Balkoietatik Txoria txori-ren bertsioak bidaltzeko eskatzen diegu herritarrei. Guztiekin, Txoria Txori erraldoi bat egingo dugu», azaldu du Etxabek. Bideoak bidaltzeko bi aukera daude: Whatsapp bidez, (0034) 655-28 34 27 zenbakira; edo posta elektronikoz, gurekasa@eitb.eus helbidean. «Herritarrek saioaren parte izatea nahi dugu. Eskerrak modu original batean egitea, bide batez. Euskaldunoi asko gustatzen zaigu kantatzea, gainera».

Etxabek esan duenez, denboraldia ondo zihoan Gure kasa-n. Egoerak horrela jarraitzen duen bitartean, astean behin egingo dute. «Normaltasuna itzultzen denean, ohiko Gure kasa bere ordutegira itzuliko da».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Erandioko Akarlanda parkean aukera dago barbakoak egiteko, paseoan, korrika eta bizikletan ibiltzeko, eta eskalatzeko. ©RAUL BOGAJO / FOKU

Arnasgune bat bidegurutzean

Uxue Gutierrez Lorenzo

Bilbo hirigunetik oso hurbil eta herri ugariren bidegurutzean dago Erandioko Akarlanda parkea. Besteak beste, eskalatzeko, paseoan ibiltzeko eta barbakoak egiteko aukera dago han.
 ©IÑIGO URIZ / @FOKU

«Pedagogiak independentzia lortzen ez badu, ez dugu sekula aurreratuko»

Iker Tubia

Apalategik uste du eskolaren eraketak pedagogoen eta ikerlarien esku egon beharko lukeela. Jorge Oteiza fundazioan aurrekoen lekukoa hartu duela azaldu du.
Inaxio Esnaola kazetaria, <em>Burdinola</em> saioaren arduraduna. ©MAITE REZABAL ARREGI / IRUTXULOKO HITZA

Heavya itzuli da uhinetara

Jakes Goikoetxea

Naiz irratia heavy metalari buruzko 'Burdinola' saioa ematen hasi da, Inaxio Esnaolaren eskutik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna