Albistea entzun

ETB1ek %2,6ko ikusle kuota lortu du apirilean; iaz, %1,2koa izan zuen

Kirol emanaldiek eragina izan dute katearen igoeran. ETB3k, berriz, %0,1eko ikusle kuota du
Realaren eta Athleticen arteko finalak %21,9eko ikusle kuota lortu zuen ETB1en, apirilaren 3an.
Realaren eta Athleticen arteko finalak %21,9eko ikusle kuota lortu zuen ETB1en, apirilaren 3an. JULIO MUÑOZ / EFE Tamaina handiagoan ikusi

Urtzi Urkizu -

2021eko maiatzak 4

ETB1en ikusle kuotak nabarmen egin du gorantz apirilean. Aurreko hilabetearekin alderatuta, sei hamarren irabazi ditu euskarazko kateak, baina batez ere esanguratsua izan da iazko apiriletik hona izan duen igoera: iaz, apirilean %1,2ko ikusle kuota izan zuen Araban, Bizkaian eta Gipuzkoan; eta %2,6ra iritsi da aurtengo apirilean.

Aurreko urtean beherakada nabarmena izan zuen kateak, pandemia iritsi zenean pilota jaialdiak bertan behera gelditu zirenean. Aurten, eskuz binakako txapelketako partidak ari da ETB1 ematen astean lau egunetan. Halaber, katearen batezbestekoan eragina izan du Reala-Athletic Espainiako Kopako finalak —partidak %21,9ko ikusle kuota lortu zuen, eta egun horretan, apirilaren 3an, ETB1ek %10,7ko batezbestekoa izan zuen—. Euskal Herriko Itzuliak, halaber, %8,8ko batezbesteko kuota ian zuen, azken zortzi urteetako txirrindularitza probaren daturik onena.

ETB1eko saioen artean, nabarmentzekoak dira Herri txiki, infernu handi —%4,2ko kuota— eta Biba zuek! —%2,9ko kuota—. Albistegiek %3,2ko kuota izan dute.

ETB2 kateak %10,4ko ikusle kuota bereganatu du, azkeneko hilabeteetako joera mantenduta. Iazko apirilean, ETB2 igo egin zen, bereziki albistegietako datuei esker. %10,6ko ikusle kuota izan zuen iazko apirilean, eta orain, bi hamarren beherago dago.

Haurrei zuzendutako ETB3 katea, bestalde, oso apal dabil: %0,1eko ikusle kuota baino ez du. ETB4, berriz, gaztelaniazko saioen errepikapenekin bete ohi da, eta joan den hilean %0,6ko kuota bereganatu du.

EITBk albiste zerbitzuetan lau kateen batuketaren datua nabarmendu du: %13,7ko kuota. Izan ere, 2012ko apiriletik taldeak osotasunean lortu duen daturik onena izan da.

ETB2ko zenbait saiok datu oso onak bereganatu dituzte apirilean: El conquistador del fin del mundo-k, %23,1eko kuota; En jake-k, %14,3koa; eta Atrápame si puedes lehiaketak, %13,9koa. Gaztelaniazko albistegiek %22,8ko kuota lortu dute.

Araban, Bizkaian eta Gipuzkoan, Tele5 da kate liderra, %14,9ko ikusle kuotarekin —Reala-Athletic finalean %51,7ko kuota erdietsi zuen—. Bigarren tokian, hiru puntura, Antena3 dago. La1 kateak %8,3ko kuota izan du joan den hilean —ETB2k baino bi puntu gutxiago, beraz—. Eta La Sextak %7,3koa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©RAUL BOGAJO / FOKU

«Pasioari esker heldu naiz nagoen lekuraino»

Olatz Enzunza Mallona

Aspalditik ari da dantzan Krego, 12 urterekin hasi baitzen dantzatzen. Egun, Euskal Herriko dantzaririk beteranoenetako bat da, eta oraindik ere ez du erretiroa hartzeko asmorik. Dantzaren mundua oraindik «ezezaguna» dela azpimarratu du.
Mikel Zumeta Donostiako Zinemaldiko BERRIAko kritikarietako bat, atzo, Maria Cristina hotelean. ©JON URBE / FOKU

Allenen hiria, ohiko Donostia

Urtzi Urkizu

Donostiako turismo bulegoak ibilbide bat prestatu du Woody Allenen 'Rifkin's festival' filmeko eszenetako tokietan oinarrituta. Bide osoa oinez edo bizikletaz egin daiteke.
Ramon Olasagasti. ©Irati Saizar Artola - Gipuzkoako Hitza

«Idaztearekin zerikusia duen lanbide bat nahi nuen, garbi nuen»

Irati Saizar Artola - Gipuzkoako Hitza

Lanbide ezberdinetan arituagatik, mendia eta natura beti izan ditu gertu Olasagastik; kazetaritza lanetan, itzulpengintzan zein sortze lanean, mendia izan baitu gehienetan oinarrian. Mendiaren inguruan dabil orain ere, komiki bat idazten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.