Albistea entzun

Netflixen 'Tudum' saioak zaleak omenduko ditu

Aurkezpen emanaldi globalak 145 protagonistatik gora izango ditu, eta 70 film eta telesailen aurrerapen esklusiboak eskainiko dituzte
Aurkeztuko dituzten telesailen artean, <em>Stranger Things</em> da zeresan handiena eman dutenetako bat.
Aurkeztuko dituzten telesailen artean, Stranger Things da zeresan handiena eman dutenetako bat. NETFLIX / EFE Tamaina handiagoan ikusi

Alex Uriarte Atxikallende -

2021eko irailak 24

Netflix entretenimendu atariak mundu osoko emanaldi berezia egingo du larunbatean, Tudum izenpean. Aplikazioa abiatzean entzuten den soinu ospetsuagatik jarri diote Tudum izena egitasmoari.

Lehenengoz egingo duten egitasmo horren jomuga nagusia, antolatzaileen hitzetan, «Netflixen mundu osoko erabiltzaileak entretenitzea eta haiei guztiei, eskertza gisa, datozen edukien berri ematea da». Emanaldi hori egiten duten lehendabiziko aldia da, eta Netflixen Youtube, Twitter eta Twitch kanaletan emango dute.

Tudum, gainera, aurrerantzean eskainiko dituzten ikus-entzunezko edukien aurrerapen masiboa ere izango da, eta plataforma horren erabiltzaileek datozen filmen eta telesailen berri izango dute, hain zuzen ere, haietan parte hartzen duten protagonisten eta egileen eskutik.

Aurkezpen erraldoi horretan, halaber, 70 telesail eta film baino gehiago aurkeztuko dituzte, horretarako prestaturiko agertoki birtual batean. Hiru ordu inguruko saioa izango da, eta protagonistak elkarren artean solastatuko dira, panel interaktiboen bitartez. Ikus-entzunezko plataforma erraldoiko antolatzaileek adierazi dute mundu osoko aurkezpenean musikak, dantzak eta umoreak «leku berezia» izango dutela.

Izarrez jositako aurkezpena

Argitara emango dituen edukien nondik norakoak aurreratzeko, Netflixek protagonisten eta sortzaileen ahotsak baliatuko ditu. Hori dela eta, 145 protagonistatik gora edukiko ditu Tudum aurkezpenak.

Hauek dira parte hartuko duten nazioarteko izarrak, besteak beste: Dwayne Johnson, Jennifer Lawrence, Millie Bobby Brown, Chris Hemsworth, Jonathan Bailey, Jennifer Aniston, Kevin Hart, Charlize Theron, Adam Sandler, Elsa Pataky eta Omar Sy.

Aurkeztuko dituzten 70 film eta telesail berrietako batzuen izenak ere jakinarazi dituzte dagoeneko: Stranger Things, Bridgerton, The Witcher, The Crown, La Casa de Papel eta Cobra Kai. Telesail horien denboraldi berrien estreinaldiek hautsak harrotu dituzte mundu osoan honezkero. Estreinatuko dituzten filmei dagokienez, berriz, Red Notice, Don't Look Up, The Harder They Fall, Extraction eta The Old Guard dira, oraingoz, zeresanik handiena sortu duten izenak.

Gainera, Netflixek aurreratutakoaren arabera, egitasmoaren atal zentrala baino lehen, sail gehigarri batzuk eskainiko dituzte; haietan, film eta telesail indiarren eta korearren aurrerapenak erakutsiko dituzte. Atal bereziok, hori bai, kanal espezifikoen bitartez ikusi beharko dira: Netflix Anime, Netflix India eta Netflix The Swoon (Korea).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Donostiako Haur Danborrada

Hirian sakabanaturik egin dute Donostiako haur danborrada

Alex Uriarte

Bost barrutitan aritu dira haurrak, udalak Alderdi Ederreko ekitaldia eta helduen danborrada bertan behera utzi ostean.

 ©BERRIA / HISTOLABET

Gizakiak, txerri organoak amets

Jakes Goikoetxea

David Bennettek astebete baino gehiago darama bizirik txerri baten bihotzarekin. Transplante hori mugarria izan da, baina ikerketa asko falta da prozedura orokortzeko.

 ©ARITZ LOIOLA / FOKU

«Consonni kreatura mutante bat da»

Amaia Igartua Aristondo

Consonnik 25 urte bete berri ditu. 2012tik argitaletxea ere bada, eta Murrek dio horrek «autonomia» eman diela. Andrazko idazle euskaldunak eta zientzia fikzio feminista itzuli dituzte, besteak beste.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.