Noiz sortua: 2019-07-18 00:30:00

Joxean Tolosak ETBko esatari lanak amaituko ditu irailean

Logroñoko San Mateo torneoan bukatuko du bidea ETBrekin. 23 urtean, 6.000 pilota partida baino gehiagoren kontakizuna egin du
GARI GARAIALDE / ARGAZKI PRESS Tamaina handiagoan ikusi

Urtzi Urkizu -

2019ko uztailak 18

Xabier Euzkitzek beste bikotekide bat izango du urritik aurrera ETB1eko pilota emankizunetan. 23 urte luzez, haren alboan Joxean Tolosa pilotari ohia aritu da esatari lanetan, baina ETBk aldaketak egingo ditu datorren denboraldian pilota emankizunetan, eta Amezketakoak (Gipuzkoa) ez du jarraituko. Tolosak irailaren 29an egingo ditu azkeneko esatari lanak, Logroñoko (Espainia) San Mateo torneoko finalean. Ez dago horren inguruko adierazpen ofizialik, baina BERRIAk baieztatu du hala izango dela. Urritik aurrera, lau eta erdiko txapelketan, beste esatari bat arituko da Euzkitzerekin batera. Tolosak 63 urte ditu; urrian beteko ditu 64.

ETBk duela hilabete batzuk jakinarazi zion Tolosari aldaketak egiteko asmoa. Erabakia berretsi zuen gero. ETBk ez du horren inguruko jakinarazpen ofizialik egin, eta, atzo, El Diario Vasco egunkariak argitaratu zuen hilaren amaieran egingo duten bilera batean iritsiko dela «behin betiko erabakia» Tolosaren jarraipenaren eta pilota emankizunen inguruan. ETBren jakinarazpen ofiziala publiko egiten ez den bitartean, Tolosak ez du adierazpenik egiteko asmorik. Bitartean, ostiral gauetan eta igande arratsaldetan pilota emankizunetako lanarekin jarraituko du Tolosak.

Amezketan jaiotako pilotari ohiak 1996an hasi zituen esatari lanak ETBn. Urteotan, 6.000 partidatan baino gehiagotan aritu da esatari. Izan ere, ETBk urtean 110 jaialdi inguru ematen ditu.

Pilotari gisa, buruz buruko txapelketako lau final jokatu zituen Tolosak: laurak Retegi II.ren aurka, eta 1989koan txapela lortu zuen. Binakako txapelketa, berriz, hirutan irabazi zuen: 1982an, 1987an eta 1989an.

Larunbat arratsaldeetako jaialdietan, bestetik, Josetxo Lizartza aritzen da esatari, Jokin Errasti pilotari ohiarekin batera.

Halaber, azkeneko denboraldiko pilota txapelketa nagusien finaletan, Pedro Mari Goikoetxea kazetariak solaserako tarte bat gidatu du. Tarte horietan, Abel Barriola, Mikel Idoate eta Juan Mari Juaristi Atano XIII.a aritu izan dira finalen osteko analisia egiten. Bai Barriola bai Idoate pilotari profesionalak izan dira —lehenak 2017an hartu zuen erretiroa, eta bigarrenak, 2016an—.

Euskadi Irratian pilotalekuetako ahots beterano bat isildu berri da: Iñaki Elorzak sanferminetan hartu zuen erretiroa; Euskadi Irratiaren hasieratik ari zen. Ondorioz, denbora gutxian, EITBko pilota emankizunen bi ahots mitiko desagertuko dira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna