Noiz sortua: 2019-03-06 00:30:00

ETB1 kateak 'Sukaldaria' saioa estreinatuko du bihar gauean

Joseba Argiñanok 'Historias a bocados' saioaren formatu bera erabiliko du, euskaraz. ETB2n beste saio bat egingo du hilaren 16tik aurrera
Joseba Argiñano ETB1en ere arituko da; bihartik aurrera, <em>Sukaldaria</em>-n.
Joseba Argiñano ETB1en ere arituko da; bihartik aurrera, Sukaldaria-n. ETB Tamaina handiagoan ikusi

Urtzi Urkizu -

2019ko martxoak 6

Joseba Argiñano gozogile eta sukaldariak (Zarautz, Gipuzkoa, 1985) Euskal Herriko hainbat txoko bisitatuko ditu, bertako bizilagunen istorioak eta gastronomia ezagutzeko asmoz. Hori da ETB1eko Sukaldaria saio berriaren ardatz nagusia. Funtsean, Argiñanok berak aitortu duenez, ETB2ko Historias a Bocados saioan egiten duena egingo du euskarazko programan. ETB1ek bihar estreinatuko du saioa, 22:35ean.

Aurreneko atalean, Argiñano Orozkon (Bizkaia) ibiliko da. Julia Barberena 77 urteko okinarekin izango du lehen hitzordua. Baserrian era guztietako ogiak egiten ditu, eta aurkezle bera lanean jarriko du. Ogia egiten amaitu ostean, bere espezialitatea prestatzen erakutsiko du: euskal pastela. «Sekulako artista da Barberena», adierazi du Argiñanok. Saioko beste protagonista bat Felix Muguruza filologoa izango da. Txintxiburduntzia izeneko errituala erakutsiko dio Argiñanori. Bestalde, Jose Mari Olabarria 83 urteko artzainarekin mintzatuko da aurkezlea. Haren emazte Josefina Petralandak indabak prestatuko ditu, eta bi gizonek txorizoa gehituko diete. Giro onean bazkalduko dute, Olabarria artzain bizitzari buruz mintzatzen den bitartean. «Orozko inguruko azken artzaina da bera».

Saio berri bat ETB2n ere

Oraingoz, Sukaldaria saioko lau atal grabatuko dituzte. «Tokiko gastronomia eta ohitura ezagutuz joango gara», esan du Argiñanok. Kamera aurrean euskaraz gaztelaniaz baino hobeto sentitzen dela gaineratu du gozogileak: «Lehen programa da euskaraz egiten dudana. Erdarakadak aterako zaizkit, agian, baina ni euskaraz oso ondo sentitzen naiz».

Gaztelaniazko katean ere jarraituko du Argiñanok. Izan ere, hilaren 16an ETB2k Escapadas con Joseba Argiñano programa estreinatuko du. «Historias a Bocados baino dinamikoagoa izango da. Hiru elkarrizketatu izan beharrean, pertsonaia bakar bat izango da protagonista atal bakoitzean. Bestalde, atal bakoitzean toki gehiagotara joango gara». ETB2ko saio berriko aurreneko atalean, protagonista Javier Clemente futbol entrenatzailea izango da. Zarautzen (Gipuzkoa) jarriko dute zita, eta gero hainbat txokotara joango dira. «Hamaiketako eder bat egingo dugu. Nire senide batzuk ere azalduko dira atal horretan: amarekin eta izebarekin, Kirkilla-Enea jatetxera joango gara, eta anaia batek hotela erakutsiko digu».

Argiñanok ez daki telebistan luzaroan arituko den. Orain «gustura» dago, behintzat: «Herriz herri ibiltzea oso aberasgarria izaten ari da». Nova katerako gozogintzari buruzko saio bat egin zuen, baina ETBn gehiago gozatzen ari dela aitortu du: «Asko ikasten ari naiz, eta oso pozik ari naiz herriak ezagutzen».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna