Albistea entzun

Klima larrialdiari aurre egiteko politika publikoak aldatzea exijitu du ELAk

Sindikatuak adierazi du klima aldaketara egokitzeko neurriak ez direla arlo pertsonalean hartu behar. Hainbat puntutako plana proposatu du osasungintzari, lurralde antolaketari eta nekazaritzari dagokienez
San Martin Unxen, ekaineko sutearen osteko egoera.
San Martin Unxen, ekaineko sutearen osteko egoera. ANDONI LUBAKI / FOKU Tamaina handiagoan ikusi

Javi West Larrañaga -

2022ko abuztuak 4

Politika publikoak aldatzeko eskatu du ELA sindikatuak, gizarteak ez ditzan klima larrialdiaren ondorioak «hain modu larrian» pairatu. Ohar bidez esan duenez, azken asteetako bero bolada eta suteen ostean, «inor gutxi ausartzen da» esaten ez dagoela klima aldaketarik. Sindikatuaren arabera, jadanik ezin da klima aldaketa geldiarazi, baina gizartea «ondorioetara egokitu» daiteke. Horretarako, baina, politika publikoak «egokitzea» exijitu du, eta azpimarratu du neurriak ez direla arlo pertsonalean hartu behar: «Instituzioetatik behin eta berriz gure ardura balitz bezala eskatzen zaizkigu [neurriak]».

Hainbat puntutako plana proposatu du sindikatuak: Lurralde Antolaketarako plangintzak uholde arriskuetara egokitzea, herri eta hiriak «udako beroetan eta neguko hotzetan» bizigarriak izateko diseinatzea, etxeak birgaitzera derrigortzea eta diruz laguntzea termikoki ondo isolatuta egoteko, larrialdi zerbitzuak baliabide gehiagoz hornitzea, «gero eta sarriago» gertatuko diren larrialdiei aurre egiteko, eta osasungintza publikoaren plangintza egokia egitea udan eta neguan.

Erresilientzia handiagoa

Horrez gain, nekazaritzan ere ipini du arreta ELAk. Nekazaritza politikak «egoera berrira» egokitzeko eskatu dute, eta kontuan hartzeko ekoizpenean aldaketak egongo direla tenperatura eta hezetasun aldaketengatik. «Aldaketa hauek egiteko, gobernuek laguntza tekniko eta ekonomikoak eman beharko dituzte, betiere eredu agroekologikoan sakonduz eta eredu intentsiboak baztertuz», esan dute oharrean.

Sindikatuaren arabera, ingurune naturala hobeto kontserbatuz gero, «erresilientzia handiagoa» izango du gizarteak «uholde, sute, eta izurriteei aurre egiteko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Poliziak, gaur goizean, Getxoko Itzubaltzeta auzoan. ©Marisol Ramirez / FOKU

Getxoko Itzubaltzeta auzoko Nagusien Etxea hustear da Ertzaintza

Berria

Hainbat lagun bertaratu dira hustu ez dezaten exijitzera. Espazio hori erretiratuentzako eremu bat da egun, eta euskaltegi bat ere badu.

Indarkeia matxistaren aurkako protesta bat, Getxon, artxiboko irudian ©berria

Algortako mugimendu feministako bi kide ikertzen ari dira desobedientzia delitu larriagatik

Irati Urdalleta Lete

Algortako Portu Zaharreko jaietan ziztatu egin zutela salatu du neska batek. Ertzaintzaren arabera, ez zioten utzi neska artatzen; mugimendu feministako kideek ziurtatu dute ertzainekin adostu zutela nola jokatu. Prentsaurrekoa egingo dute 18:00etan; herritarrei bertaratzeko eskatu diete.

Osasun langile bat koronabirusa antzemateko test bat egiten, Nafarroan. ©JAGOBA MANTEROLA / FOKU

Koronabirus datuek hobera egiten jarraitzen dute Nafarroan

Iñaut Matauko Rada

Azken astean 353 kasu positibo antzeman dituzte, joan den astean baino %52 gutxiago. Lau astez jarraian behera egin du intzidentzia metatuak.

Bilboko konpartsek egindako agerraldia, atzo. ©MONIKA DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.