Albistea entzun

Herriko bozak Ipar Euskal Herrian. Biharamuna

Herriko bozen hirugarren itzulia: Euskal Elkargoko lehendakariaren hautaketa

Ondoko asteetan jokatuko da Euskal Elkargoko lehendakari izateko lehia. Alain Iriartek erran du gogoa duela, eta Jean Rene Etxegarairen hautagaitza ere espero da. Errepublikanoak ere antolatzen ari dira
Jean Rene Etxegarai, igandean, emaitzak jaso ondoren.
Jean Rene Etxegarai, igandean, emaitzak jaso ondoren. GUILLAUME FAUVEAU Tamaina handiagoan ikusi

Ekhi Erremundegi Beloki -

2020ko uztailak 1 - Baiona

Uztailaren 17an eginen dute Euskal Elkargoaren lehen biltzarra Baionan, eta lehendakaria hautatzeko bozkatuko dute bertan. Hautagaitza bat baino gehiago izanen dela espero dute.

Galdera egin zaion bakoitzean erantzun argi bat ematea saihestu du Jean Rene Etxegarai orain arteko lehendakariak. Baionako auzapez izateko kanpainan «zentratua» zela zioen; ez zuela bestelako lehentasunik. Igandean bozen %53,8 lortuta, Baionako auzapez karguarekin batera orain arte zuen pisu politikoa atxikitzea lortu du. Aurki iragarri beharko luke bere hautagaitza, eta badirudi hasi dela diskurtsoa prestatzen: Elkargoan sor litezkeen zati politikoen kontra mintzatu da Sud Ouest egunkarian, 2017an izan zuen bateratzaile rolari atxikiz.

Parean, Miarritze, Angelu eta Donibane Lohizuneko LR-ko auzapezak ados eman litezke. «Abertzaleen bultzada bat bada. Antolatuak dira, mezu politiko batekin. Gure aldetik ere antolatzearen aldekoa naiz», adierazi du Claude Olive Angeluko auzapezak Sud Ouest-en ere.

Alain Iriart Hiriburuko auzapez eta EH Baiko kidea lehendakari izateko «prest» agertu da, eta erran du «pentsatzen» ari zela hautagaitza aurkeztea. Uztailaren 9an eginen du biltzar nagusia EH Baik, eta bertan erabakiko dute Iriarten hautagaitza babestu ala ez. «Elkarrekin ikusiko dugu ea Iriarten gogoetak eta EH Bai mugimenduaren gogoeta eta erabakiek bat eginen duten», adierazi zuen Iker Elizalde EH Baiko zuzendaritzako kideak igandean, argi utzita Etxegarai eta Iriarten artean hautatu behar balu abertzalearen alde eginen lukeela. Hego Lapurdin lortu emaitza onen ondotik, Filipe Aramendi Urruñako auzapez hautatuak erran du hautagaitza aurkeztu beharko litzatekeela. EH Baiko kideek izanen dute azken hitza.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Terrorismoaren Biktimen Oroimenezko Zentroa, Gasteizen ©jaizki fontaneda / FOKU
«Utopien funtzioa energien aktibazioa da»

«Utopien funtzioa energien aktibazioa da»

Jon O. Urain

Nola irudikatu gizarte hobeak, ipar gisa hartu eta bideari ekiteko. Utopiak ez dautza gatazkarik ezean, Martinezen ustez, gatazka «modu justuagoan» kudeatzean baizik. Gizarte hobeak ez baitira «zerutiarrak»: «Beti egongo dira egitekoak».

 ©J. DANAE / FOKU
Jose Maria Aznar eta Felipe Gonzalez Espainiako gobernuburu ohiak, maiatzean, Madrilen. ©BALLESTEROS / EFE

BASOARTE ZARBATSUA

Iosu Alberdi

Espainiako Gobernuak desklasifikatu zituen lehen agiri sekretuak GALen ingurukoak izan ziren, 1997. urtean. Halere, zenbait dokumentu ezkutuan mantentzea erabaki zuen Moncloak, «estatuaren segurtasunaren» izenean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...