Albistea entzun
Emakumeen aurkako indarkeriari ez
Emakumeen aurkako indarkeriari ez

Macronek konpromisoa eskatu die alderdiei blokeo politikoa saihesteko

Oposizioari galdegin dio datozen 48 orduetan argitzea «noraino iristeko prest» dagoen. Adierazi du aliantza zabaltzeko lan egingo duela
Emmanuel Macron, atzo, herritarrei egindako hitzaldian.
Emmanuel Macron, atzo, herritarrei egindako hitzaldian. BERRIA Tamaina handiagoan ikusi

Gorka Berasategi Otamendi -

2022ko ekainak 23

Emmanuel Macron Frantziako presidenteak lehen adierazpenak egin zituen atzo bere koalizioak gehiengo osoa galdu zuenetik Asanblea Nazionalean, joan den igandeko bozetan. Herritarrei egindako diskurtso baten bidez eman zituen lehen mezuak hauteskundeek utzi duten agertoki politiko berriari buruz. Helburu argi bat ezarri zuen: blokeo politikoa saihestea. Horretarako, konpromisoa eskatu zien oposizioko alderdiei. «Ikasi behar dugu beste era batera gobernatzen eta legeak egiten».

Macronen iritziz, alderdien arteko akordioak ezinbestekoak izango dira «geldialdia» eragozteko. Hori dela eta, oposizioko alderdiei galdegin die argitu dezatela «noraino iristeko prest» dauden, eta argitu dezatela hurrengo 48 orduetan. Jakinarazi du bera gehiengoa zabaltzeko aliantzak lortzen ahaleginduko dela datozen asteetan.

Presidenteak aurreratu du oposizioa gertu dagoela presidentearekin elkarlanean aritzeko gai «garrantzitsuenetan», eta inflazioari, klima larrialdiari eta langabeziari aurre egiteko neurriak hitzeman ditu udararako.

Macronek bilera sorta bat egin zuen, herenegun eta atzo, oposizioko buruzagiekin, aliantza berri bat lortzeko, baina ez du babesik bildu, lehen zituen aliatuetatik harago. Beraz, oraingoz, proiektuz proiektu bilatu beharko ditu horiek aurrera ateratzeko beharko dituen botoak.

Testuinguru horretan, akordio posibleei buruzko iritzi kontrajarriak azaleratu dituzte presidentearen aliatuek: Macronen ministro batzuk irmo mintzatu dira RN Batasun Nazionala eskuin muturreko alderdiarekin elkarlanean aritzearen kontra —oposizioko lehen indarra da—. «Utz iezadazue guztiz argia izaten. Ezin da inolako elkarlanik egon, ezta behin-behinekoa bada ere, Batasun Nazionalarekin. Ez dugu ideia komunik Batasun Nazionalarekin», adierazi zuen atzo Clement Beaune Europako Gaietarako ministroak Europe 1 irratian. Aldiz, François Bayrou Justizia ministro ohiak ez dio atea itxi eskuin muturrarekin akordioak egiteari. «Harmonia lortu behar dugu sentsibilitate guztiak demokraziaren sinfonian sar daitezen», adierazi zion France Inter irratiari.

Jean-Luc Melenchon Frantzia Intsumisoko buruzagiak gaitzetsi egin du Macronen hitzaldia, eta Elisabeth Borne lehen ministroari eskatu dio aurkez dezala gobernuaren bide orria parlamentuan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pakistango Lahore hirian atzo egin zuten manifestazio bateko irudi bat. ©RAHAT DAR / EFE

NBEk dirua eskatu du emakumeen eskubideen aldeko taldeentzat

Ander Perez Zala

Guterresek esan du gobernuek %50 handitu behar dutela mugimenduentzako funtsa 2026rako. Emakumeen eta nesken kontrako indarkeria giza eskubideen urraketa «nagusitzat» jo du
Margaritis Schinas EBko migrazio politiken burua eta Matteo Piantedosi Italiako Barne ministroa, atzo, Bruselan. ©O. H. / EFE

Migrazio hitzarmen baten beharra berretsi dute EBko kideek

Gorka Berasategi Otamendi

Akordioa 2024ko maiatzerako nahi dute prest. Migratzaileen banaketa zehazteko sistema bat ezarriko luke

Carles Puigdemont Generalitateko presidente ohia eta eurodiputatua, Europako Parlamentuan, Bruselan ©JULIEN WARNAND / EFE

Europako Parlamentuak esan du Puigdemontek «segur aski legez kanpo» eskuratu zuela eserlekua

Mikel O. Iribar

Generalitateko presidente ohiaren defentsak adierazi du sedizio delituaren erreformak «agerian» uzten duela buruzagi independentistek «jazarpen politikoa» pairatzen dutela.

Espainiako Gobernuko presidente Pedro Sanchez, atzo, Espainiako Diputatuen Kongresuan, Madrilen. ©KIKO HUESCA / EFE

Sedizio delitua «europartzeko» asmoa azaldu du Pedro Sanchezek

MIkel O. Iribar

Espainiako presidenteak esan du konstituzioak 155. artikulua duela «etorkizuneko saiakerei aurre egiteko». JxCk «iruzurtzat» jo du PSOEk eta Podemosek aurkeztutako lege proposamena

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.