Albistea entzun

Agurra iragarri du Barcinak, eta UPNk kongresua ahalik eta azkarren egitea nahi du

Alderdiaren presidentetza ere utziko du, «etsenplu eman behar delako».

Gizartearen erronken aurrean estrategia berritu behar dela deritzo
Yolanda Barcina, iazko abuztuan, UPNk Cadreitan egindako ekitaldian.
Yolanda Barcina, iazko abuztuan, UPNk Cadreitan egindako ekitaldian. IÑIGO URIZ / ARGAZKI PRESS

Joxerra Senar -

2015eko ekainak 27 - Iruñea

«Zerbitzua ematera etorri naiz eta ez zerbitzatua izatera». Hitz horiekin, Yolanda Barcina jarduneko Nafarroako lehendakariak iragarri du laster UPNko presidente izateari utziko diola. Politikagintzaren lehen lerroan hemeretzi urtez izan ostean, Nafarroako Unibertsitate Publikora itzuliko da. Behin-behinean UPNko presidente izaten jarraituko du, baina «ahalik eta azkarren» alderdiak kongresua deituko duela aurreratu du. Bere ustez, kongresuan UPNk «mezuak eta estrategiak gizartearen erronka berrietara egokitu behar ditu».

UPNk urteroko ohiko batzarra deitua zuen atzo Iruña Park hotelean. Barcinak hitz egin aurretik, makina bat militantek parte hartu zuten. Kazetariek ezin izan zuten sartu, baina atez kanpo eztabaida bizia sumatzen zen. Baten batek «alderdiaren alde gehiago» egin behar zela ere bota zuen. Printzipioz Barcinaren interbentzioa 20:00etarako espero bazen ere, afiliatuen parte hartze handiaren ondorioz, ordubete eta hogei minutuz luzatu zen azkenik.

Barcinak ordura arte izandako eztabaida bizia txalotu zuen, eta aspaldiko batzarrik parte hartzaileena izan zela nabarmendu zuen. Azpimarratu zuen UPNk «alderdi indartsuagoa» izan behar duela, eta proiektuari«bultzada berria emateko» estrategia egokitu behar dela deritzo.

Azken egunetan eztabaida egon da UPNren inguruetan ezohiko kongresua aurreratzeko aukerari buruz. Dena den, ez da zehaztu deialdia hauteskunde orokorren aurretik edo ondoren egin behar den. Barcinak ez zuen zehaztu, baina bai esan zuen «ahalik eta azkarren» izan behar duela. «Ideien eta estrategien kongresua izan behar du, eta ez pertsonena. Edukiei buruz pentsatu behar dugu eta ez pertsonei buruz». Espainiako Gorteetarako bozei begira hautagaien aukeraketa primarioen bitartez egin beharko dela aurreratu zuen.

Orain arteko irakurketekin alderatuta, hauteskundeen inguruko analisiak autokritika zantzu batzuk izan zituen. Bozak irabazi arren, gehiengoak ez osatzeko ezintasunak «ondorio negargarriak» izan ditu. Zinegotzien %15 galdu dituzte, eta 45 udal izatetik 25 izatera pasa dira, tartean esanguratsuenak. Barcinaren arabera, «uzta ona izan ez bada ondo erein ez den seinale».

Beste arrazoien artean aipatu du Espainian aldaketaren aldeko eskaria «orokorra» izan zela eta «zarata horrek» kalte egin diola UPNri. Bigarrenik, krisiak «erabaki gogorrak hartu dituztenak kaltetu ditu». Hirugarrenik, ustelkeriaren irudipen orokorrak kalte egin die. Barcinak argi utzi du Nafarroan ez dela ustelkeriarik, baina «batzuk ahalegin berezia egin dute hori Nafarroako Kutxarekin erlazionatzen». Amaieran bere agurra iragarri du eta promesa bat egin du: «Esfortzua egingo dut Nafarroako eta UPNko lehendakari ohi ona izateko».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera
Senpereko herrriko etxeko oposizioak ere dimititu egin du

Senpereko herrriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.