Albistea entzun

Protokoloan proiektu pilotu izanen dira Hendaia, Uharte eta Arrigorriaga

Euskalgintzaren Kontseiluarekin hitzarmena izenpetu dute hiru herriko etxeek Hizkuntza Eskubideak Bermatzeko Protokoloaren udal garapena aitzina eramateko
Herriko etxeetako eta Kontseiluko ordezkariak, atzo, Hendaiako herriko etxean.
Herriko etxeetako eta Kontseiluko ordezkariak, atzo, Hendaiako herriko etxean. GUILLAUME FAUVEAU Tamaina handiagoan ikusi

Ekhi Erremundegi Beloki -

2021eko apirilak 15

Hizkuntza Eskubideak Bermatzeko Protokoloaren udal garapenean proiektu pilotu izateko hitzarmena izenpetu dute Hendaia (Lapurdi), Arrigorriaga (Bizkaia) eta Uharteko (Nafarroa) herriko etxeek Euskalgintzaren Kontseiluarekin. Diagnostiko bat eginen dute herri bakoitzean, eta hizkuntza politikarako lerro nagusiak definituko dituzte. Euskal Herriko hiru administrazioetan proiektuaren baliagarritasuna aztertzeaz gain, etorkizunari begira proiektua beste herriko etxeetan aplikatu ahal izateko irizpideak zehaztea da asmoa.

2016an aurkeztu zuen Kontseiluak Protokoloa, Europako 30 hizkuntza komunitate baino gehiagoko 120 gizarte eragileren babesarekin. Azken urteetan, tokiko administrazioei egokitutako dokumentua landu du, eremu administratibo bakoitzeko legediari egokituta. Ipar Euskal Herrian herriko bozen kanpainarekin batera aurkeztu zuten, eta hainbat zerrendak hartu zuen hura betetzeko engaiamendua; horietarik 21 boterean dira. Hendaia izanen da engaiamendua betetzen lehena. «Badira 20 urte baino gehiago euskararen aldeko hizkuntza politika lantzen dugula», ohartarazi du Kotte Ezenarro auzapezak, Ipar Euskal Herriko lehen hizkuntza teknikaria haien herrian izan zela azpimarratuta. «Gure hizkuntza politikarako hausnarketa aberastuko dugu».

Orain dela 31 urte sortu zuten euskara zerbitzua Uharteko Udalean, eta urtez urte euskaldunen kopurua emendatzen ari da. Edorta Beltzunegi alkateordearen hitzetan, «zalantzarik gabe» jo zuten parte hartzera, ikusteko herritarren hizkuntza eskubideen bermeari begira «udala zenbateraino dagoen prest», eta zein neurri har ditzaketen ebaluatzeko. Uharte Nafarroako legeak ezarritako eremu mistoan kokatzen dela nabarmendu du Kontseiluak, eta horrek beste ikuspegi bat izatea ahalbidetuko diela.

Bilbaok erran du Arrigorriaga, berriz, «euskarak juridikoki aldekotasuna duen lurraldean» dela, eta aukera izanen dela halako udal batean «zer falta den eta zer dagoen egiteko definitzeko». Maite Ibarra alkateak erran du «bateragarria» dela eraman nahi duten lan dinamikarekin, eta herriko euskalgintzarekin bide berriak urratzeko aukera ere aipatu du. «Eragile ezberdinen arteko elkarlanak emaitza oparoak eskainiko dizkigu».

Hiru errealitate

Bi fasetan igaroko da Kontseilua eta herriko etxeen arteko proiektua. Lehenik diagnostiko bat osatuko dute, hautetsien, teknikarien eta herriko euskalgintzako eragileen parte hartzearekin; ondoren, dokumentu hori oinarri hartuta, hizkuntza politikarako lerro nagusiak definituko dituzte.

Hiru herriko etxeak eskertu ditu Paul Bilbaok, eta hitzarmena Hendaian izenpetzearen garrantzia azpimarratu du. «Ipar Euskal Herrian euskarak duen aitortza juridiko falta ez da oztopo borondatea egonez gero urratsak egiteko». Herriko etxeetan egiten ari diren «lan handia» azpimarratu du.

Gaur egun Euskal Herria zatitzen duten hiru eremu administratiboetako herriko etxeak izanen dira Protokoloaren gauzapenean proiektu pilotu. «Oso esanguratsua» iruditzen zaiela adierazi du Bilbaok, errealitate juridiko-administratiboak desberdinak direlako. «Kontseiluak mahai gainean tresna bat jarri du, gure ustez lagungarria izan daitekeena etorkizuneko hizkuntza politiketan urrats ausartak egiteko. Orain, hori garatzea dagokigu, eta ikusiko dugu zer emaitza ekarriko duen. Baina zinez uste dugu herriko etxe eta udaletan hizkuntza eskubideak ardatz izango dituzten politiketan laguntzeko gidalerro bat ekar dezakeela».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Maria Txibite lehendakaria, artxiboko irudi batean. ©IDOIA ZABALETA / FOKU

Maria Txibite: «Pandemia amaitu? Esan dezakeguna da transmisioa apaldu dela, eta apaltzen segitu behar dugula»

Ion Orzaiz

Nafarroako Osasun Departamentuko iturriek BERRIAri azaldu diote izurriari neurria hartzeko parametroak «positiboak» direla, «eta horrek neurrien arintze bat ekarriko duela, ezusterik ezean»

Adingabeen Sansoheta zentroa, Gasteizo kanpoaldean. ©Juanan Ruiz / FOKU

Hamar pertsona auzipetu dituzte Arabako Aldundiaren zaintzapeko nerabeen ustezko prostituzioaren aferan

Edu Lartzanguren

Besteak beste, ustelkeria, sexu abusua eta adin gabekoeipornografia erakustea leporatzen diete akusatuei, Gasteizko Sansoheta zentroan bizi ziren 14 eta 17 urte bitarteko neska eta mutil batzuek 2016an eginiko salaketaren harira.

Matematika klasea Estitxu Robles kolegioan. ©Patxi Beltzaiz
Txakur batzuk txakurtegi batean ©Manuel Bruque/ Efe

Animalien babeserako lege proposamena tramitatzeari ekingo dio Eusko Legebiltzarrak

Edurne Begiristain

EH Bilduk eta EP-IUk uste dute EAJren eta PSEren lege proposamena hankamotz geratzen dela, eta animaliak babesteko lege integral bat eskatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna