Albistea entzun

21. Korrika

Pauso babestuagoak

Gero eta eragile gehiagok bat egiten dute Korrikarekin Ipar Euskal Herrian. Jakes Bortairukazken Korrika izan du bertako AEK-ko arduradun gisa. Ekinean jarraitzeko deia egin du.
Errefuxiatuek ere hartu zuten Korrikaren lekukoa Baionan, besteak beste, Etorkinekin elkartearen kilometroan.
Errefuxiatuek ere hartu zuten Korrikaren lekukoa Baionan, besteak beste, Etorkinekin elkartearen kilometroan. BOB EDME Tamaina handiagoan ikusi

Garikoitz Goikoetxea - Berriemaile berezia

2019ko apirilak 9 - Baiona

Aldirik aldi babes handiagoa jasotzen ari da Korrika, eta horren erakusgarri dira Lapurdiko, Nafarroa Behereko eta Zuberoako kilometroak. Lapurdi barnealdea igaro zuen atzo goizean Korrikak, eta igandea osorik egin zuen Ipar Euskal Herrian. Askotariko eragileek hartu zituzten kilometroak, eta gero eta instituzio gehiago biltzen dira lasterketara. «Gero eta sektore gehiago inplikatzen dira. Korrikak benetan indar handia hartu du», adierazi du Jakes Bortairuk, AEKren Ipar Euskal Herriko koordinatzaileak. Berezia izan da 21. Korrika harentzat: erretreta hartuta, azkena du arduradun gisa. Atzo, Lapurdiko azken kilometroetan, furgonetan joan zen hizlari.

Laugarren eguna, igandea osorik egin zuen Ipar Euskal Herrian Korrikak. Jaieguna izanik, jendea erruz bildu zen bide bazterretan: bai herri bakoitzeko bizilagunak, bai beste batzuetatik joandakoak. Gipuzkoar eta bizkaitar emaria nabarmena zen, asteburu pasa joandako jendea. Atzo goizeko bidea jende gutxiagokoa izan zen, eta eskola umeak izan ziren asko.

Hezkuntzaren arrastoak nabaritzen hasiak dira Iparraldean, euskararen ezagutza pixkanaka hasi baita berreskuratzen, urteetako odolustearen ondoren. Baina oraindik bada zer egina franko. «Deus ez da sekula irabazia», ohartarazi du Bortairuk. Joan den astean izan zuten, hain justu, euskarazko irakaskuntzaren aurkako mezu bat: akademiak iragarri du ez duela euskarazko murgiltzea egiteko esperimentazio gehiago onartuko. Hemezortzi eskola publikotan ezarria dute, eta beste zenbaitetan hastekoak ziren. Jada badutenek segitu ahalko dute, baina ez dute berririk onartuko. Erabaki «biziki txarra» dela azaldu du Bortairuk.

Keinutik neurrietara

AEK-ko arduradunaren ustez, nahitaezkoa da Korrikan irudikatutako babes hori neurrietara eramatea, elkar hartzea, akademiak atzera egin dezan. «Herri mobilizazioa beharko da, eta hemengo hautetsiena. Ezinbestekoa da, sekula baino gehiago».

Hautetsi ugarik hartu dute lekukoa Ipar Euskal Herrian: auzapez ugarik, eta beste erakunde batzuetako arduradunek ere bai. Tartean, adibidez, Euskal Elkargoko lehendakari eta Baionako auzapez Jean Rene Etxegaraik. Elkargoak, hain justu, euskarari ofizialtasuna aitortu dio. «Ipar Euskal Herriko lehen instituzio horrek eman du aitorpen bat, eta hori urrats bat da. Ez da gutietsi behar», adierazi du Bortairuk. Euskalgintzak urteetako aldarria du ofizialtasuna, euskarak lege babesa izatea. Aurtengo Korrikan, halere, aurrekoetan baino gutxiago entzun da eskari hori Iparraldeko ibilbidean. «Aukera guti ikusten dugu momentu honetan hor aurrerapausoak emateko».

Bitartean, lanean segitzeko deia egin du Bortairuk: «Euskal Herritik dugu euskara salbatuko, ez Paristik. Bat egin behar dugu Korrika honetan, eta ondoko aste eta hilabeteetan». AEK-ko ardurak uztear, ekinean aritzeko eskatu du: «Segitu behar dugu sasi guzien gainetik eta hodei guzien azpitik aurrera ateratzen, biharamuneko aukera hobeak goaitatu gabe, gure ildoak markatuz. Hori da segurtapen bakarra aurrera egiteko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Atzo goizean antolatutako bi mahai inguruetako bat. ©M. DEL VALLE/ FOKU

Ekotopaketak: egiturazko makur bat zuzentzeko

Iñigo Astiz

Kapitalismoaren dinamikaren ondorio ekologiko eta ekonomikoak elkarrekin aztertu dituzte Ekotopaketen bigarren eguneko goizeko mahai inguruan.

Pantxika Maitia moderatzailea, Jean Baptiste Paoli, Delphine Le Bras, Herve Couture eta Aines Dufau, Ikas-ek atzo antolatu hitzaldian, Baionan. ©BOB EDME

Pedagogia ardatz, indarrak batu

Oihana Teyseyre Koskarat

Hizkuntza gutxituetan ikasmateriala ekoizteko dituzten mugez eta erronkez eztabaidatzeko elkartu dira Korsikako, Okzitaniako, Bretainiako eta Ipar Euskal Herriko adituak, Baionan.

 ©Iñigo Uriz / FOKU

«Gure obsesio izan beharko lukete giza eskubideek»

Edurne Elizondo - Nafarroako Hitza

Kazetaria, idazlea eta ikerlaria. Hitz horiekin osatu du Olga Rodriguez Franciscok bere biografia txikia. Nazioarteko hamaika gatazkaren lekuko izan da. Bazter utzitakoak eraman nahi izan ditu beti erdigunera.

Pentsiodunen Mugimenduak Donostian egindako manifestazioa. ©Jon Urbe / FOKU

Zerbitzu soziosanitario duinak aldarrikatu dituzte pentsiodunek

Iñaut Matauko Rada

Hego Euskal Herriko lau hiriburuetan egin dituzte mobilizazioak, Pertsona Helduen Nazioarteko Egunean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.