Albistea entzun

Martxoaren 8rako grebara deitu dute Ipar Euskal Herriko sindikatuek

Mugimendu feministak eguerdirako deitu du protestara, Baionako ospitaletik. «Krisi sanitario, ekonomiko eta sozialaren biktimak» oroituko dituzte. LABek sektore feminizatuen aitortza galdegin du
BOB EDME / IPARLA Tamaina handiagoan ikusi

Maddi Ane Txoperena Iribarren -

2021eko martxoak 3

Ipar Euskal Herriko sindikatu nagusiek (LABek, CGTk, Solidairesek eta FSUk) greba deialdia egin dute Martxoaren 8rako, eta mugimendu feministak ere bat egin du lanuztearekin. Aitzineko urteetan Hego Euskal Herrian ere egin bezala, zaintza lanak ikusarazi nahi dituzte greba deialdiarekin. LABek, erraterako, sektore feminizatuen «duintasuna eta aitortza» galdeginen ditu.

Mugimendu feministak eguerdirako deitu du protesta nagusira: Baionako ospitaletik hasiko dute manifestazioa, 12:00etan, eta Merkatuko Plazaraino eginen dute ibilbidea, tartean hainbat hitzartze eginda. Horietan «krisi sanitario, ekonomiko eta sozialaren biktima izan diren emazteak» omenduko dituzte, eta «Frantziako Estatuak, kapitalismoak, Frantziako Hezkuntza Ministerioak eta Elizak» emakumeen aurka egindako «bortizkeriak» salatuko dituzte.

Bagera, Emazteek Diote, Ipar Euskal Herriko Asanblada Feminista, Itaia, PAF, Planning Familial eta Zutik taldeek egin dute karrikara ateratzeko deia, elkarrekin. Nabarmendu dute 2021ean ere «bortizkeria sexistak, sexu erasoak eta zapalkuntza ekonomiko eta instituzionalak jasaten» dituztela emakumeek, eta diskriminazio horiek handiagoak direla emazte migranteen kasuan. Mugimendu feministak ohartarazi duenez, halaber, emakumeen «gorputzari begirako erabakiak hartzeko eskubidea» ez da «erabatekoa» oraindik, haurdunaldi lagunduari buruzko eztabaidak lekuko. Soldata arrakala ere gaitzetsi dute, eta salatu dute etxeko eta zaintza lanak «emakumeon gain» direla gaur-gaurkoz, «hein handi batean». «Generoan oinarritutako hezkuntzak sistema betikotzen» duela ere deitoratu dute, «heteronormatibitatearen zerbitzuko delarik».

Emazteak, «ikusezin»

COVID-19aren pandemiaren testuinguruan emazteak «ikusezinak» direla salatuko du mugimendu feministak: «Koronabirusak sortutako krisiak argiki frogatu du emazteok ikusezin egiten gaituztela, nahiz eta jendartean beharrezkoak diren arloetan gehiengoa izan. Diskriminazioak etengabekoak dira, sektore horietan bereziki».

LAB sindikatuaren hitzetan ere, emakumeek egiten dituzten lanek «sostengatzen» dituzte bizitzak, eta hori salatu eta ikusarazteko egin dute grebarako deialdia astelehenerako. Sektore feminizatuetan lan baldintzak hobe daitezela eskatuko dute; LABen ustez, horrek ekarriko bailuke jarduera horien zinezko aitortza.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Janssen txertoaren banaketa atzeratu egin dute EBn, AEBetako tronbo kasuak argitu artean

Janssen txertoaren banaketa atzeratu egin dute EBn, AEBetako tronbo kasuak argitu artean

Arantxa Iraola

AEBetako CDC eta FDA osasun erakundeek txertoa jartzeari uzteko eskatu dute, hainbat tronbo kasu «arraro eta larrirekin» lotura dutelakoan. Osakidetza bihar da lehen dosiak jasotzekoa.

Aurtengo Herri Urrats edizioa aurkezteko pentsaurrekoa egin dute goizean, Kanbon. ©Guillaume Fauveau

30 Herri Urrats Ttiki eginen dituzte maiatzaren 9an, herriz herri

Oihana Teyseyre Koskarat

Egoera sanitarioagatik ikastola bakoitzak bere egitaraua prestatuko du Boga lelopean. Seaskak, bestalde, ikastola bat irekiko du Bardozen, irailean. 

Labiren batzorde teknikoaren bileraren buru izan da gaur Iñigo Urkullu lehendakaria ©Adrian Ruiz de Hierro /Efe

Urkulluk baztertu egin du, oraingoz, Labiren bilerara deitzea

Edurne Begiristain

Eusko Jaurlaritzak uste du indarrean dauden neurri murriztaileak betetzea nahikoa dela birusaren hedapena eteteko.

Guardia Zibila Nafarroaren mugetan kontrolak egiten, artxiboko irudi batean. ©RAQUEL MANZANARES, EFE

Nafarroako lau herri itxiko dituzte: Arbizu, Etxarri Aranatz, Lodosa eta Alesbes

Uxue Rey Gorraiz

Herriak ostegunetik egonen dira itxita, eta neurria bi astez izanen da indarrean, gutxienez. Gainera, testak egitera deitu dituzte Etxarri Aranazko eta Alesbesko hainbat herritar.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.