Noiz sortua: 2015-09-26 00:30:00

Badator Emakumeen Mundu Martxa

Tafallatik sartuko da etzi karabana feminista Euskal Herrira.

Ekitaldi nagusia Bilbon eginen dute; parte hartzera deitu dute antolatzaileek
Euskal Herriko Emakumeen Mundu Martxako plataformako kideak, atzoko aurkezpenean.
Euskal Herriko Emakumeen Mundu Martxako plataformako kideak, atzoko aurkezpenean. IDOIA ZABALETA / ARGAZKI PRESS

Edurne Elizondo -

2015eko irailak 26

Kurdistandik Euskal Herrira. Martxoaren 6an jarri zen martxan Emakumeen Mundu Martxa, eta etzi ailegatuko da Nafarroara. Tafallara, zehazki. 10:30ean eginen diote harrera karabana feministari herri horretan, besta giroan; kalejira eta hamaiketakoa eginen dituzte, bertzeak bertze.

Astebeteko egitaraua prestatu dute Euskal Herriko plataformako kideek, mundu martxak hemen eginen dituen 25 geldialdietarako. Etzi hasi, eta urriaren 4koa izanen da azken eguna; ekitaldi nagusiaren eta agurraren eguna, Bilbon, hain zuzen ere. Galiziarako bidea hartuko du handik Emakumeen Mundu Martxak.

«Oso ekitaldi eferbeszentea da; bost urtetik behin ematen digu aukera bat egiteko, elkarrekin lan egiteko; sortzen diren dinamikak, gainera, ez dira mundu martxarekin amaitzen; lan horrek badu segida. Oso emozionala da; tokikoa global bilakatzen da, eta sortzen den lotura hori sentitzen dugu». Horixe nabarmendu zuen Saioa Iraola antolatzaileak, atzo, Iruñean egindako aurkezpenean. Astelehenean izanen da karabana feminista Nafarroako hiriburuan. Arratsaldez ailegatuko da, eta abortatzeko eskubidearen aldeko aldarria izanen du protagonista. Hiriburuetan ez ezik, Leitzan, Hazparnen, Hondarribian, Hernanin, Errenterian, Agurainen, Durangon edota Igorren ere hartuko dute mundu martxa, bertzeak bertze, ibilbidea urriaren 4an Bilbon amaitu baino lehen. Jarduera guztietan, eta, batez ere, Bilboko ekitaldi nagusian parte hartzera deitu dituzte antolatzaileek herritarrak.

Emakumeen Mundu Martxak astebete eginen du Euskal Herrian. Bide hori prestatzen aspaldi hasi ziren hemengo plataformako kideak, hala ere, herriz herri. Lan horrek lau ildo nagusi izan ditu: sistemen arteko indarkeria, bizitzaren iraunkortasuna, gorputzak eta sexualitatea, eta aniztasunaren kudeaketa. «Egindako lanarekin oso pozik gaude», nabarmendu zuen Kattalin Minerrek atzo. Plataformak era askotako taldeak hartu dituela gaineratu zuen, eta egindako lanak denen kezkei eman nahi izan diela erantzuna. Denak hartu nahi izan dituela kontuan. Sistemen arteko indarkeriaren atala jarri zuen adibide, eta indarkeria matxistarekin batera, arrazakeria, lesbofobia eta bertze ere jorratu dituztela azaldu zuen Minerrek.

Elikadura burujabetza

Bertzelako hartu-emanak ekarri ditu Emakumeen Mundu Martxa prestatzeko lanak. «Emakume baserritarrekin sortu dira aliantzak, adibidez». Aurtengo martxak, hain zuzen, elikadura burujabetzaren auziari egin dio so, bereziki. Euskal Herrian prestatu dituzten ekitaldietan ere badu isla gai horrek: hazien bankua osatuko dute, herriz herri jasotako laginekin, eta Galiziara bidaliko dituzte, karabana feminista herri horretarantz abiatzen denean. «Errenterian, berriz, baso feminista egin dute, eta urriaren 1ean inauguratuko dute», erantsi zuen Kattalin Minerrek.

Azken hilabeteotan erakunde eta norbanako anitzek eman diote babesa eta atxikimendua Emakumeen Mundu Martxari. «Ekainean jarri genuen kanpaina martxan, eta ia ehun kolektibok eta ehunka norbanakok egin dute bat gurekin», erran zuen Minerrek.

Datu horiek argi erakusten dute mundu martxak babes handia duela Euskal Herrian, plataformako kideen hitzetan. «Ezin dugu ahaztu mundu martxaren harira sortutako taldeek lanean jarraitzen dutela mundu martxa amaitu eta gero; plataformarik handiena da, finean», erantsi zuen Josebe Iturriozek, mundu martxak duen garrantzia nabarmentzeko.

Emakumeen Mundu Martxarako, hain zuzen ere, abestia eta bideoa prestatu dituzte aurten Euskal Herriko plataformako kideek. Bandera moreak izena du kantak. Uxue Alberdik idatzi ditu hitzak, eta, musika, berriz, Perlak taldearena da. Karabana feminista laguntzeko propio sortutako lana da. Musika, martxan jarraitzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Edurne Elizondo

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna