Albistea entzun

Gernikari aitortza ekitaldi bat egitea galdegin du Espainiako Senatuak

Sanchezen gobernuari eskatu dio «armada matxinoaren erantzukizuna eta kaltea» aitortzeko
Gernikako bonbardaketaren 85. urteurrena oroitzeko ekitaldiak.
Gernikako bonbardaketaren 85. urteurrena oroitzeko ekitaldiak. M. D. V. / FOKU Tamaina handiagoan ikusi

Jon O. Urain -

2022ko maiatzak 12

Espainiako Senatuak gobernuari eskatu dio aitortu dezala Gernikaren (Bizkaia) 1937ko apirilaren 26ko bonbardaketan «armada matxinoaren eta ondorengo gobernu frankistaren erantzukizuna, eragindako kaltea eta oinazea, zibilen aurkako aire eraso guztien sinbolo gisa». Horretarako, gobernuari eskatu dio ekitaldi «esplizitu» bat antolatu dezala Gernikako bonbardaketa oroitzeko, «elkarbizitzaren eta askatasunaren defentsan eta memoria ekintzen markoan».

EAJk aurkeztutako mozio baten erdibideko zuzenketa bat da Senatuan bozkatutakoa, eta aurrera atera da; besteak beste, PSOEk, EAJk eta EH Bilduk adostu dute. Hasierako proposamenaren asmoa zen gobernuak barkamena eskatzea Gernikako herriari, baina azkenean esaldi hori ordezkatu egin dute Gernika «zibilen aurkako aire erasoen ikur» jotzearekin. Era berean, «matxinatu frankistek eta haien aliatuek hiribilduko biztanleriaren, Espainiako II. Errepublikako Gobernu legitimoaren eta Eusko Jaurlaritzaren aurka» egindako erasoa ere gaitzetsi du Senatuak.

Mozioa herenegun eztabaidatu zuten, eta atzoko saioan onartu zuten: aldeko 152 boto jaso zituen —besteak beste, PSOE, EAJ, ERC, EH Bildu eta Geroa Bairenak—, 106 kontra —PP, Vox eta UPNrenak—, eta hiru abstentzio. Herenegungo eztabaidan, Estefania Beltran de Heredia EAJko bozeramaileak azaldu zuen batasuna bilatu dutela zuzenketarekin: «Beharrezkoa da egungo gerraren aurka batasuna erakustea, baina baita iraganeko gerren aurrean ere».

Duela bi aste 85 urte bete ziren Alemaniako Kondor Legioak, italiarren abiazio faxistaren laguntzaz, Gernika bonbardatu zuenetik. Gainera, mende laurdena bete zen Alemaniak eraso horregatik barkamena eskatu zuenetik. Iragan apirilaren 26an, ikusmin handia sortu zuen Espainiako Gobernuak ere ekitaldira ordezkaritza bat bidali izanak eta lore eskaintzan parte hartu izanak. Han izan ziren Denis Itxaso Espainiako Gobernuak Arabarako, Bizkairako eta Gipuzkoarako duen ordezkaria eta Fernando Martin Lopez Memoria Demokratikorako idazkaria. Haiek ere lore sorta bat ekarri zuten, Espainiako banderaren koloreak zituen xingola batekin.

Radio Euskadin gaiaz galdetuta, Eneko Andueza PSE-EEko idazkari nagusiak esan du EAJ «erabat oker» dabilela Pedro Sanchezen gobernuari galdeginez barkamena eskatu dezala; «zentzugabekeria bat» litzateke hori Anduezarentzat, uste baitu egungo gobernua Espainiako bigarren errepublikaren «oinordeko legitimoa» dela. Are, jeltzaleei egotzi die «historia berridazten saiatzea», eta gaineratu du EAJk ere alderdi barruan begiratu behar duela, «bere abizenetako asko» erregimen frankistaren parte izan zirelako.

«Keinu bat»

Baina memoria ekitaldiak egitearen alde agertu da Andueza: «Sinbologia egiten erraza da, eta keinu baten bidez min handia konpon daiteke». Haatik, kexu agertu da Gernika-Lumoko udal gobernuaren jarrerarekin; izan ere, gogorarazi du «bonbardaketaren ondoren fusilatutako bi pertsonak» bi sozialista izan zirela eta horiei erreparazioa emateko ekitaldi bat egin litekeela, baina arbuiatu du udalak ez duela «inolako interesik» hori egiteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Josu Retolaza, artxiboko irudi batean. ©EUSKAL MEMORIA FUNTSA

Hiltzear zela utzi zuten aske

Maddi Ane Txoperena Iribarren

35 urte beteko dira gaur Josu Retolaza euskal preso ohia minbiziak jota hil zenetik. 33 urte zituen. Kartzelan atzeman zioten gaitza, eta aitzinatua izan arte ez zuten libratu.
Gure Esku-ren aurkezpena Baionan ©Berria

Pirinioetako Bidean parte hartzera deitu dute Baionan

Ekhi Erremundegi Beloki

Ipar Euskal Herriko hainbat pertsona ezagunek babestu du Gure Esku-k Kataluniako beste plataforma batzuekin batera antolatutako ekimena

Gure Eskuren agerraldia urtarrilaren 29an, uztailaren 2ko egitasmoa aurkezteko. ©Marisol Ramirez / Foku

Aragoiko presidenteak dio uztailaren 2an ez duela onartuko «zaborrik» Pirinioetan

Jon O. Urain

Gure Esku-k eta Kataluniako eragile batzuek mobilizazioa dute uztailaren 2an; asmoa da Pirinioetako 300 bat tontor argiztatzea.

Josu Urrutikoetxea, 2020an, Parisen, BERRIArentzat ateratako argazki batean. ©Eñaut Castagnet

Espainiako Auzitegi Nazionalak epaiketarako data jarri dio Josu Urrutikoetxeari: 2024ko urtarrila

Maddi Ane Txoperena Iribarren

1987an Zaragozako Guardia Zibilaren kuartelaren aurka egindako atentatua leporatuta epaituko dute, urtarrilaren 9an, 10ean eta 11n. 2.354 urteko kartzela zigorra eskatuko diote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.