Albistea entzun

Eusko Legebiltzarrak euskarazko hedabideak «babesteko» eskatu du

EH Bilduk Jaurlaritzari egotzi dio «erdarazko hedabide handiak» lehenestea diru laguntzetan
Egunkariak salgai Donostiako kiosko batean.
Egunkariak salgai Donostiako kiosko batean. GORKA RUBIO / FOKU Tamaina handiagoan ikusi

Edurne Begiristain -

2022ko abenduak 2 - Gasteiz

EH Bilduren ekimenez, Eusko Jaurlaritzak hedabideei ematen dizkien diru laguntzen inguruan eztabaidatu zuten atzo Eusko Legebiltzarrean. EH Bilduren izenean, Jasone Agirrek «gaztelaniazko komunikabide handiak» babestea leporatu zion Eusko Jaurlaritzari, eta eskatu zion erabakitzeko zein den bere «apustu estrategikoa». Hala, galdegin zion hedabideei ezohiko diru laguntzak banatzean aintzat har ditzala bereziki euskarazko hedabideak, eta aurtengo diru laguntzen aginduan baldintza berriak ezar ditzala tokiko eta euskarazko hedabideekin batera adostuta.

EH Bilduren ekinbideak ez zuen babes nahikorik jaso: EAJk, PSE-EEk, PP+C's-k eta Voxek aurka bozkatu zuten, eta abstentziora jo zuen Elkarrekin Podemos-IUk. Ekinbide horren ordez, EAJk eta PSE-EEk hitzartutako osoko zuzenketa bat onartu zuten. Haren bitartez, legebiltzarrak adierazi du euskarazko hedabideak «bereziki» babestu behar direla, «euskal komunikazio ekosisteman daukaten garrantziagatik», eta herritarrek euskaraz informatzeko duten eskubidea bermatzen dutelako. Bestalde, Jaurlaritzari eskatu zioten euskarako hedabideei «babesa» emateko, eta diru laguntzak emateko orduan sektorearen egoerari «arreta» jartzeko.

Banaketa, «zalantzazkoa»

Eusko Jaurlaritzak bost milioi euroren diru laguntza zuzenak banatu zituen iaz Araba, Bizkai eta Gipuzkoan argitaratzen diren paperezko egunkari eta irratien artean, pandemiak eragindako kalteak arintzeko. Diru banaketa horretatik at geratu ziren, ordea, egunkari digitalak, aldizkari orokorrak eta espezializatuak, tokiko hedabideak eta herri telebistak. EH Bilduko legebiltzarkideak atzo salatu zuen banaketa egiteko moduak berak «zalantza asko» sortu zituela arlo juridikoan, baina batez ere «ezinegona» eta «kezka» eragin zuela bost milioi euroetatik euskal hedabideek %6,6 baino ez jaso izanak, eta euskarazko komunikabide txikiak laguntzetatik at geratu izanak.

Aurtengo laguntzen aginduan zuzendu egin dira arlo juridikoan izandako arazoak, baina, Agirrek ohartarazi zuenez, «ez dirudi aurten banatuko diren sei milioi horien zati handirik helduko denik euskarazko komunikabideetara». Haren ustez, dekretuaren baldintzak moldatzen ez badira, aurten ere diru banaketa horretatik kanpo geratuko dira euskarazko hedabideak, tokikoak, herri telebistak, eta hainbat egunkari digital eta aldizkari.

Gustavo Angulo Elkarrekin Podemos-IUko legebiltzarkideak azpimarratu zuen egungo diru laguntzen ereduak «trabak» jartzen dizkiela tokiko hedabideei. Gogoratu zuen pandemiaren krisiak kolpe handia eman ziela hedabideei, eta bost milioi euroren laguntzak komunikabide gutxi batzuen artean banatu zirela, txikienak kanpoan utzita. «Jaurlaritzaren politika motz geratu zen, eta hedabide handiei mesede egin zien». Aurten berriro ere eredu bera baliatu izana deitoratu zuen, «hedabide txikienak albo batera utzita eta irizpide kuantitatiboak lehenetsita».

PSE-EEren izenean, Alberto Alonsok Eusko Jaurlaritzak komunikabideentzako gordetako diru laguntzak aletu zituen, eta argi adierazi zuen: «Administrazioak ez ditu alde batera utzi euskarazko hedabideak».

Garikoitz Mendizabal jeltzaleak, berriz, balioa eman zion Jaurlaritzak eta beste erakundeek euskal komunikabideei ematen dizkien laguntzen irizpideari. Haren ustez, euskarazko ekosistema «sendo» bat dago, eta euskarazko komunikabideak ez daude «larru hutsik». Uste du «inoizko diru laguntzarik handienak» jasotzen ari direla euskarazko hedabideak, eta Eusko Jaurlaritza «sekulako ahalegina» egiten ari dela. «Eztabaida lokaztu izana» egotzi zion EH Bilduri, halaber.

PP+C's alderdiaren izenean, Carmelo Barriok euskarazko hedabideentzako diru laguntzak kritikatu ditu. «Dirutza jartzen da euskal hedabideetarako», salatu zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sindikatu Medikoko ordezkariak, atzo, Iruñean egin zuten agerraldian. ©AITOR KARASATORRE / FOKU

Sindikatu Medikoak ezezkoa eman dio Osasunbidearen eskaintzari, eta eskaerak gogortu ditu

Ion Orzaiz

Sindikatu ultrakontserbadorea ez da azaldu Nafarroako Gobernuarekin zuen bilerara, eta esan du biharko greba deialdiari eutsiko diola «eskaintza zoragarri bat jaso ezean»

Mutilentzat bakarrik den Erain ikastetxea, artxiboko irudi batean ©Gorka Rubio/ Foku

Eusko Jaurlaritzak finantzaketa etengo die ikasleak sexuaren arabera banatzen dituzten ikastetxeei

Edurne Begiristain

Jokin Bildarratzek esan du «ahalik eta modu adostuenean» egin nahi dutela prozesua, eta ikastetxeekin harremanetan direla. Eusko Jaurlaritzak halako sei ikastetxe ditu itundurik.

Araban %70eko jarraipena izaten ari da greba, letradu elkarteen arabera. ©Juanan Ruiz / Foku

Epaitegiak «kolapsatuta», letraduen grebaren ondorioz

Maite Asensio Lozano

Hego Euskal Herriko letraduek astea bete dute gaur greba mugagabean. Soldatak igotzeko eskatu diote Espainiako Justizia Ministerioari.

Galduriko emakumea bilateko operazioan parte hartu duen lagileetako bat. ©SOS Deiak

Hilda topatu dute Loiun galduriko emakumea

Berria

Igandetik ari ziren 78 urteko andrearen bila.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.