Albistea entzun

PP ituna lortzen saiatuko da EAEko kontuen onarpena «errazteko»

Osoko zuzenketarik ez die aurkeztuko Eusko Jaurlaritzaren aurrekontuei.

EH Bilduk «murrizketa eredua» hitzartzea egotzi die EAJ eta PSEri, eta osoko zuzenketa aurkeztu du
Joseba Egibar (EAJ) eta Anton Danborenea (PP), iazko urtarrilean, Eusko Legebiltzarrean.
Joseba Egibar (EAJ) eta Anton Danborenea (PP), iazko urtarrilean, Eusko Legebiltzarrean. JUNANAN RUIZ / ARGAZKI PRESS

Erredakzioa -

2014ko abenduak 4 - Gasteiz

PPk ez dio osoko zuzenketarik aurkeztuko Eusko Jaurlaritzaren 2015eko aurrekontu proiektuari. «Akordioari aukera bat» eman nahi dio taldeak, eta kontuen onarpena «errazten» ahaleginduko da. Aurrekontu proiektuaren kontra egonagatik, aurkako botorik ez dute emango popularrek, eta gobernuarekin kontuak «hobetzea» ekarriko duen akordio bat lortzen saiatuko dira, Anton Danborenea PPko legebiltzarkideak jakinarazi duenez. Horretarako, berrehun milioi euroko balioa duten 648 zuzenketa partzial aurkeztu dituzte, gehienak «enplegua» sortzeko.

PPren eta Jaurlaritzaren arteko elkar ulertzea ez da berria. Joan den urtean, kasurako, PPk ez zuen osoko zuzenketarik aurkeztu aurrekontu proiektuaren aurka, eta Iñigo Urkullu Jaurlaritzako lehendakariak PSEri eta PPri esker lortu zuen bere agintaldiko lehen kontuak aurrera ateratzea. Abstentziora jo zuten bi taldeek, gobernuak haiekin adostutako 28 milioi euro inguruko zuzenketa gutxi batzuen truke.

Aurten ere aurrekontuetan akordioa lortzeko prest dagoela jakinarazi dio PPk Jaurlaritzari, Josu Erkoreka gobernuko eledunak baieztatu duenez. Erkorekaren arabera, bi baldintza jarri ditu taldeak kontrako botorik ez emateko: gizarte zerbitzuei eustea eta suspertze ekonomikoa indartzea. Jaurlaritzak begi onez jaso ditu, eta negoziatzeko ateak irekita dauzkala esan dio PPri.

Nolanahi ere, sozialistekin akordioa itxita dauka Urkulluren gobernuak, eta ez du beste talderen beharrik kontuak aurrera ateratzeko. Jaurlaritzarekin ez ezik, Bizkaiko Aldundiko aurrekontuak onartzeko ere akordioa egina dute PSEk eta EAJk. Hala ere, Idoia Mendia PSEko idazkari nagusiak ohartarazi du bere taldea ez dela «ardatzen laguna» eta beren egitekoa «hiritarren beharrei erantzutea» delako babestuko dutela Urkulluren gobernuaren proiektua. Mendiaren esanetan, kontuak «hobetzen» saiatu dira sozialistak, zuzenketa partzialak aurkeztuta. Gogoratu du Jaurlaritzari baldintza gisa jarri ziola 150 milioi euro sartzea ikerketan, berrikuntzan eta enpleguan, eta gerora beste 35 milioi euroren zuzenketak aurkeztu dituztela. Horrez gain, PSEk gobernuari eskatu dio «ia hilero» bilerak izateko, aurrekontuen garapena «kontrolatzeko».

EAJ, «gero eta urrunago»

EH Bilduren ustez, Jaurlaritzak nahiago izan du PSErekin «murrizketa eredua» hitzartu, eurekin «burujabetza ekonomikoan» eta «gizarte babesean» sakondu baino. Osoko zuzenketa ez ezik, 225 zuzenketa partzial ere aurkeztu dizkio aurrekontu egitasmoari: guztira, 702 milioiko balioa dute. Leire Pinedo, Dani Maeztu eta Unai Urruzunok salatu dute gobernuaren aurrekontuak «gero eta urrunago» daudela herritarren «oinarrizko beharretatik» eta ulertezina dela lehentasun nagusia defizit muga «zorrotz» betetzea izatea.

UPDk ere osoko zuzenketa jarri die kontuei, eta 326 partzial aurkeztu ditu. Gorka Maneiroren iritzian, aurrekontu egitasmoak badauka «alternatiba».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manifestaziora deitzeko egindako agerraldia, apirilean. ©IDOIA ZABALETA / FOKU

Torturaren biktimen aitortza eskatuko dute Iruñean

Iosu Alberdi

Manifestazioa 18:00etan abiatuko da, autobus geltokitik. Kultur arloko 200 norbanakok baino gehiagok babestu dute protesta
 ©IñIGO URIZ / @FOKU

«Amorrua eta pena dugu, altxor ekologiko bat galdu dugulako»

Joxerra Senar

Garesen eta Izarbeibar eskualdean oso une zailak bizi izan zituzten asteburuan. Behin sutea itzalita, basoen %90 galdu dituztela esan du Mendok, eta berriz landatzeko plan berezia eskatu du: «Suaren ondorioak orokorrak dira».

Euskal herritarrek 154 gailur piztuko dituzte Pirinioetako Bidean

Euskal herritarrek 154 gailur piztuko dituzte Pirinioetako Bidean

Jon O. Urain

Astebete falta da erabakitzeko eskubidearen aldeko mobilizaziorako, eta hasieran iragarritakoak baino berrogei gehiago izango dira euskal herritarrek argiztatutako gailurrak.

Latasa Getaria, bere aurkako epaiketan. ©Auzitegi Nazionala

Gorenak atzera bota du Kubatiren eta Latasaren absoluzioa

Iosu Alberdi

Auzitegi Nazionalak absolbitu zituen, 1986ko atentatu batekin zerikusirik ez zutelakoan. Gorenak uste du ez zela «azalpen nahiko» eman.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...