Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Navarra Sumaren hesia gaindituta, aurrekontuei bidea eman diete

Gaur amaituko da zuzenketa partzialak aurkezteko epea; 14 milioi euroko ituna lotuta dago
Elma Saiz gobernuko Ekonomia eta Ogasun kontseilaria Navarra Sumako parlamentariei begira.
Elma Saiz gobernuko Ekonomia eta Ogasun kontseilaria Navarra Sumako parlamentariei begira. IÑIGO URIZ / FOKU Tamaina handiagoan ikusi

Joxerra Senar -

2021eko azaroak 26 - Iruñea

Hamar urtez, aurrekontuen eztabaidek UPNren eta Navarra Sumaren bakardade politikoa islatu dute. Barcinaren agintaldiko azken hiru urteetan ez zituzten aurrekontuak aurrera atera, eta, ondorengo legealdietan, Barkosen eta Txibiteren gobernuek aurkeztutakoei jarritako osoko zuzenketek ezezko irmoak jaso dituzte. Atzo ere bai. Nahiz eta aldez aurretik aukerarik ez zuela jakin, Navarra Sumak 2022ko aurrekontuak atzera botatzeko eztabaida proposatu zuen, eta ate hori irmo itxi zuten PSNko, Geroa Baiko, EH Bilduko, Ahal Dugu-ko eta Ezkerrako 30 parlamentariek. Modu horretan, lege proiektuak gainditu du tramitazioan aurrera egiteko lehen hesia.

Helmuga abenduaren 23ko osoko bilkura izango da. Bide horretan hurrengo urratsa gaur egingo da, eguerdian amaituko baita zuzenketa partzialak aurkezteko epea. Bost taldeek hitzartu dute ezohiko gastuei aurre egiteko kontingentzia planetik 14 milioi euro hartu eta zuzenketak finantzatzeko erabiltzea: bakoitzaren ordezkaritzaren arabera banatuko da dirua. Atzo, batera aurkeztuko zituzten zuzenketen edukia eta kopurua negoziatzen aritu ziren.

Eztabaidaren hasieran, Elma Saiz Ekonomia eta Ogasun kontseilariak nabarmendu zuen «aurrekontu onak eta erabilgarriak» direla. Orotara, 5.273 milioiko gastu eta inbertsioa izango dute, «inoizko handiena». Lehentasunen artean aipatu zuen ehun eurotik 54 gizarte arlorako izango direla. Azpimarratu zuen Europako funtsetatik gutxienez 166 milioi euro jasoko direla. «Eta honi guztiari ezetz esan nahi dio oposizioko talde nagusiak. Ez duzue nahikoa Nafarroa beltz bat marraztearekin; inoiz baino beharrezkoagoak diren aurrekontuok ere eraitsi nahi dituzue».

«Ahulak zarete»

Navarra Sumako Maria Jose Valdemororen arabera, «ez dira Nafarroak behar dituen aurrekontuak», besteak beste, aurtengo hazkunde ekonomikoa gobernuak egindako aurreikuspenaren «azpitik» geratuko delako, «nabarmen». Esan zuen ez dutela ikuspegi estrategikorik, euskararentzako diru sailak nabarmen handitzen dituela PAI programaren kaltetan, eta bost alderdiren babesa behar izateak «euren nahien gatibu» egiten duela gobernua. Alta, batik bat EH Bilduren babesa bilatzea aurpegiratu zion: «Ahulak zarete. Uste duzue dena kontrolatzen duzuela, baina boterean egotearen truke dena saltzeko gai zarete, baita arima ere».

PSNko Ramon Alzorrizek erantzun zion «lasai» daudela, aurrekontuak aurrera aterako direlako. «Behin eta berriz eskatzen baduzue ere, iragana ez da itzuliko. Behin eta berriz ari zarete PSNren zati bat defendatzen, baina zuek gobernutik bota gintuzuen guztiok. Ez ahaztu hori inoiz».

Geroa Baiko Uxue Barkosek gogorarazi zion Nafarroak zazpi urtez jarraian aurrekontuak izango dituela, UPNren azken legealdiko hiru urteetan ez bezala. Ustezko ikuspegi estrategiko falta irmo ukatu zuen, eta euskara gizartearen konfrontaziorako erabiltzea gaitzetsi: «Ez erabili zifrak testuingururik at; ez erabili euskara zatitzeko».

EH Bilduko Bakartxo Ruizen arabera, «aspergarria eta etsigarria» da Navarra Sumaren diskurtsoa: «Zuen posizioa jantzi behar duzue, mundua zuen kontra eta zuek munduaren kontra». Haren ustez, Navarra Sumak «Voxek bezala» jarduten du.

Ahal Dugu-ko Mikel Builek adierazi zuen ez zirela eurek nahiko lituzketen aurrekontuak, baina bai bost talderen artean adostutakoak. Esan zuen zementuan inbertitzen dutela, baina «eskolak, osasun etxeak eta zahar etxeak eraikitzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

EAJren burukideak, BECeko Batzar Nagusian ©Monika del Valle / Foku

«Egoera berriaren erronkei» erantzun nahi die EAJk

Gotzon Hermosilla

Jeltzaleak VIII. Batzar Nagusia egiten ari dira Barakaldoko BECen

Maddalen Iriarte EH Bilduko bozeramailea, atzo, Eusko Legebiltzarrean. ©JAIZKI FONTANEDA / FOKU

«Aukera bat» aurrekontuei

Jon O. Urain

EH Bilduk ez dio osoko zuzenketarik jarri Jaurlaritzaren aurrekontu proiektuari, «elkarrizketarako borondate zintzoa» erakusteko. Eskertuta erantzun du Urkulluk: «Bide berri bat irekitzen da»

Igandean egin ziren kontzejuetako hauteskundeak. Irudian, Añuako herritarrak botoa ematen. ©ARABAKO KONTZEJUEN ELKARTEA

Arabako kontzejuen %24k izango dute emakume bat lehendakari

Edurne Begiristain

Kontzejuetako administrazio batzarretako ordezkariak aukeratu dituzte. Finantzaketa, digitalizazioa, emakumeen parte hartzea eta despopulazioa izango dituzte erronka nagusi

Olatz Garamendi Gobernantza Publiko eta Autogobernu sailburua ©Raul Bogajo / FOKU

Garamendik ez du parte hartuko Autonomia Erkidegoetako Presidenteen Konferentzian

Oihane Puertas Ramirez

Adierazi du Espainiako Gobernua hitzartutako «aldebiko akordioak behin eta berriz ukatzen» ari dela, eta Sanchezen Gobernuari eskatu dio bete dezala Eusko Jaurlaritzarekin «hitzartutakoa». Garamendik nabarmendu du ez dutela onartuko «Eusko Jaurlaritza gutxiestea».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.