Albistea entzun

Dena prest Hatortxu Rock jaialdirako

11 talde arituko dira Atarrabiako (Nafarroa) Entrecementerios gunean, bihar. Bertan emango du Vendettak azken kontzertua, gaur
Belako taldea ere Hatortxun arituko da bihar.
Belako taldea ere Hatortxun arituko da bihar. MARISOL RAMIREZ / FOKU Tamaina handiagoan ikusi

Amagoia Gurrutxaga Uranga -

2018ko abenduak 28

Hatortxu Rock jaialdia egingo dute bihar Atarrabian (Nafarroa), Entrecementerios gunean, Urak eginen du bide lelopean. 16:00etan irekiko dituzte ateak, eta ordu erdi geroago hasiko du emanaldia lehen taldeak: McOnak-ek. Urtebetetik gora egin dute geldirik, eta, tarte horretan, taldean aldaketa batzuk egin, eta disko bat grabatu dute: Gure naufragioak. Hatortxun aurkeztuko dituzte lan horretako kantak.

Segidan etorriko dira Kaleko urdangak (17:35), Belako (18:40), Mafalda (19:55), Des-Kontrol (21:30), The Baboon Show (22:45), Non Servium (00:00), Talco (01:15), Auxili (02:30), Zartako-K (03:45) eta Iruñerria Jamaica Clash (05:00). 11 talde, guztira: Euskal Herrikoak sei; Herrialde Katalanetakoak Mafalda eta Auxili; Espainiakoa Non Servium; Italiakoa Talco; eta Suediakoa The Baboon Show. Musika estilo asko bildu dituzte egitarauan: ska, rock, indie, post-punk...

1999an sortu zuten Hatortxu Rock jaialdia, euskal presoek, iheslariek eta deportatuek bizi duten egoera salatzeko, eta sakabanaketa sufritzen duten presoen senide eta lagunei laguntza ekonomikoa emateko. Hemeretzi urteren ostean, berdin jarraitzen dute bi xedeek, jaialdiko antolakuntzako Aitor Agirrezabalek duela egun batzuk nabarmendu zuenez: «Euskal Herrian tresna asko ditugu preso politikoen eskubideen defentsan lan egiteko, eta Hatortxu Rock beste bat da: festa giroan eta musikaren bitartez, etxean behar eta nahi ditugula aldarrikatzeko modu bat da».

700 bat boluntario arituko dira lanean jaialdia behar bezala egin dadin, eta hilaren 14an amaitu ziren biharko sarrerak.

Vendettaren agurra, gaur

Hamar urteko ibilbidea egin ondoren, Zartako-K taldeak azken kontzertua emango du bihar Hatortxun. Bezperan, beste talde batek esango die agur oholtzei Atarrabiako Entrecementerios gunean: Vendettak. 20:00etan da hastekoa gaurko kontzertu hori.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ahomentan: Agertoki berri baterako lanak

Agertoki berri baterako lanak

Itziar Ugarte Irizar

Badira zenbait auzi behin eta berriz agertzen direnak kulturgileen ahotan, maiz urgentzia forman; dela sortzaileen prekaritatea, dela euskal kulturaren bazterreko egoera. Epe motzean horiek beste leku batean ezartzeko mugimenduak bidean dira, baina badira askatu gabeko eztabaidak ere.

Joxean Muñoz Otaegi eta Amagoia Gurrutxaga Uranga, Donostian. ©Maialen Andres, FOKU

Agertoki berri baterako lanak

Itziar Ugarte Irizar

Badira zenbait auzi behin eta berriz agertzen direnak kulturgileen ahotan, maiz urgentzia forman; dela sortzaileen prekaritatea, dela euskal kulturaren bazterreko egoera. Epe motzean horiek beste leku batean ezartzeko mugimenduak bidean dira, baina badira askatu gabeko eztabaidak ere.

Hazia musikaleko dantzariak, entseatzen, Errenteriako Dantzagunean (Gipuzkoa). ©ANDONI CANELLADA / FOKU

Kooperatiben aitzindariaren fruitua

Andoni Imaz

Gontzal Mendibil musikariak Jose Maria Arizmendiarrieta kooperatiben sustatzailearen bizitza kantu bihurtu du, 'Hazia' musikala sortzeko. Datorren irailaren 17an estreinatuko dute, Arrasaten.

'Orelhas' irudia. ©Alex Rozados.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...