«Torturari bide eman ziotenei» erantzukizunak eskatu dizkiete

Nafarroako Foro Sozialak ohartarazi du oraindik argitu gabe daudela Mikel Zabalzaren kasua eta «beste asko». Aitortza eskatu dute
Jose Luis Uriz eta Expe Iriarte, atzo, Iruñean.
Jose Luis Uriz eta Expe Iriarte, atzo, Iruñean. JAGOBA MANTEROLA / FOKU Tamaina handiagoan ikusi

Maddi Ane Txoperena Iribarren -

2020ko azaroak 25

35 urte beteko dira aurten Mikel Zabalza Orbaizetako (Nafarroa) gaztea atxilotu, torturatu eta desagerrarazi zutenetik, eta Nafarroako Foro Sozialak agerraldia egin zuen atzo Iruñean, kasua oraindik ere argitu gabe dagoela salatzeko: «Mikelen kasuak ikerketa gehiago behar du: zalantzaren eta informaziorik ezaren azpian gordeta dago, eta oraindik inork ez du bere gain hartu gertatutakoaren erantzukizuna». Foroak oroitarazi du, halere, «beste kasu asko» ere badirela «egiarik, aitortzarik eta errekonozimendurik» jaso ez dutenak, eta hori alda dadin «mekanismoak» jartzeko deia egin diote «Nafarroako gizarteari». Nafarroako Foro Sozial Iraunkorreko Expe Iriartek eta Jose Luis Urizek hartu zuten hitza atzoko agerraldian, eta, bertzeak bertze, eskatu zuten «torturaren iraupenari bide eman zioten garai hartako arduradun politikoek publikoki aitortzea egindako kaltea».

Bertze hainbat eskaera ere egin zituen Nafarroako Foro Sozial Iraunkorrak atzo: erraterako, 16/2019 Foru Legeari helegiteak jarri zizkieten hiru alderdi politikoei eskatu zieten horiek kentzeko —Poliziaren gehiegikeriei buruzko legea da, eta PPk, C's-ek eta Voxek jarria diote helegitea—. Espainiako Auzitegi Konstituzionalak, joan den uztailean, atzera bota zuen Eusko Legebiltzarrak onartutako antzeko legeari Ciudadanosek jarritako helegitea. Nafarroakoak ebazteko daude.

Biktimak, diskriminatuta

Foro Sozialak salatu du biktima batzuk diskriminatu egiten direla, eta hala ez egiteko eskatu du: «Giza eskubideen urraketa berberek errekonozimendu politiko eta legal bera izan behar dute, kontuan hartu gabe zein izan den biktima horiek eragin dituen indarkeriazko eragilea. Ekidistantziarik gabe eta diskriminaziorik gabe». Ohartarazi dute torturaren biktimek jasaten duten bazterketa «bereziki larria» dela, «errekonozimendu maila urriak» dituelako, nahiz eta biktimen kopurua handia izan: «Milaka pertsonari buruz ari gara».

Nafarroako Polizia gehiegikerien legeak «erronka horri aurre egin nahi zion», Foro Sozialaren arabera, baina auzitegietan katramilatuta egoteak oztopatu egiten du aurrera egitea: «Horrelako egitasmoei oraindik ere jartzen zaizkien oztopoek zaildu egiten dute etorkizuneko bizikidetza demokratikoa eraikitzea eta berriz ez gertatzeko bermeak ezartzea». Norabide horretan, Nafarroako Bake eta Bizikidetza Zuzendaritzari deia egin diote «torturak Nafarroako Foru Komunitatean eragin duenaren argazki osoa eskaini nahi duen lanarekin jarrai» dezan, «egokitzat jotzen dituen mekanismoen bidez». Foro Sozialaren ustez, legegintzaldi honek Nafarroan «bizikidetza demokratikoa eraikitzeko beharrezko baldintzak» betetzen ditu.

Foroak jakinarazi du parte hartuko duela hilaren 28an Mikel Zabalzari Auritzen (Nafarroa) eginen zaion omenaldian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Carlos Bardem aktore, gidoilari eta idazle espainiarra da sinatzaileetako bat. / ©PABLO MARTIN, EFE

Kultur eta hezkuntza munduko 30 pertsonalitatek presoen urruntzea amaitzeko eskatu dute

Edu Lartzanguren

Euskal Herriko, Herrialde Katalanetako eta Espainiako izenak daude sinatzaileen artean. «Iraganeko salbuespenezko logikak» gainditzeko eskatu dute.

Manu Aierdi, iragan otsaileko prentsaurreko batean ©Iñigo Uriz / Foku

Gorenak diligentziak ireki ditu Manu Aierdi ikertzeko

Berria

Andres Palomo del Arco Goreneko magistratuak kaleratutako autoan ezartzen da haren edukia «ikertuari» bidaltzeko eta, Prozedura Kriminalaren legeko 118. artikuluaren arabera, bere eskubideen berri eman diezaiotela. Javier Esparzak berehalako dimisioa eskatu du.

'Proiektatu Iñioren aurpegia' ekimena, iaz, haren heriotzaren zortzigarren urteurrenean. ©Aritz Loiola / Foku

Cabacasen familiak NBEra joko du «justizia bila»

Maite Asensio Lozano

Espainiako Auzitegi Gorenak ez du «auziaren funtsa aztertu nahi» izan, Jone Goirizelaia abokatuak egindako balorazioaren arabera. 

Nafarroako Parlamentuko legebiltzarkide batzuk, gaur. ©Nafarroako Parlamentua

Presoak hurreratzearen alde egin du Nafarroako Parlamentuak

Berria

Geroa Baik, EH Bilduk, Ahal Dugu-k eta Ezkerrak aurkeztu dute mozioa, eta eskaera horrekin bat egin du PSNk; Navarra Sumak, berriz, kontra egin du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna