EKOGRAFIAK

Etsitzeko zein fedea izateko

Juan Luis Zabala -

2021eko urtarrilak 13

Hau da nire lana, askotan gogaitarazi egiten badu ere. Nire ikuspuntutik begiratuta, ez dago helburu bat lanbide honetan. Nire asmo bakarra da jendeak bihar, gau honetako gure debatea ikusi ondoren, atzo baino pixka bat gehiago jakitea beren bizitzak gidatzen dituzten indarrei buruz». Catalin Tolontan errumaniar kazetariak telebistako debate batean esandako hitzak dira, Alexander Nanauren Collective film dokumentalean (HBO, 2020) jasoak. Antzera mintzatu zen duela gutxi Tolontan Urtzi Urkizuk orrialde hauetarako egindako elkarrizketan: «Horretaz mintzo da Collective dokumentala: ez uztea korronteari eramaten, eta gure bizitzak erabakitzen dituztenengandik urruntzea. Gizarte gisa ere bai».

Collective aretoko sutean erredurak izandako biktimetako asko erietxean hil ziren hurrengo egunetan. Susmoak piztu zituen hildakoen kopuru handiegiak, erietxeratutako batzuen erredurak ez baitziren bereziki larriak. Tolontanek eta Gazeta Sporturilor kirol-egunkariko bere lankideek Errumaniako osasun publikoaren barruko ustelkeria ikertu eta salatu zuten, eta agerian utzi Errumaniako erietxe askotan erabilitako desinfektatzeko produktuak diluituz egindako iruzurrak ondorio hilgarriak izan zituela kasu askotan. Tolontanek eta taldekideek ez ezik, Vlad Voicolescu Errumaniako Osasun ministro berriak ere baimena eman zioten Alexander Nanau zuzendariari beren eguneroko lanetan eta gatazketan filmatzeko, eta baimen hori oso ondo baliatu zuen Nanauk eskuarki oso urrundik ikusten diren errealitate batzuk ikusleari bertatik bertara erakusteko. Europako dokumentalik onenaren EFA saria jaso zuen iaz Collective-k.

Osasun arloko zerbitzuen eta langileen premia eta garrantzia nabarmendu digu, besteak beste, COVID-19aren pandemiak, baina lehendik ere jakinekoa zen osasun zerbitzuak direla gure gizartearen aberastasunik handienetakoa. Horrek bereziki mingarria egiten du Collective-k salatzen duen iruzurra, eta baita, aldi berean, bereziki laudagarria dokumentalean lanean ageri diren kazetarien lan tematia, kasu askotan boterearen eta korronte nagusien kontrakoa. Gizakiaz etsitzeko eta gizakiarengan fedea izateko, bietarako motibo sendoak eskaintzen ditu Collective-k. Bizitzak bezala.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©RAUL BOGAJO / FOKU

«Dena gelditu zen Gasteizen Martxoaren 3an; egunak historia markatu zuen»

Amaia Ramirez de Okariz Kortabarria

Hainbat borrokarekin «konprometitua» egon dela adierazi du Razkinek, hala nola euskalgintzarekin eta langile mugimenduarekin. Lantegietan egin du lan; baita Osakidetzako euskara zerbitzuan ere.
Txillardegiren horma irudia eta haren senitartekoak, atzo, Donostian egindako omenaldian. ©JUAN CARLOS RUIZ / FOKU

Loratu dadin txilarra berriz

Enekoitz Telleria Sarriegi

Jose Luis Alvarez Enparantza 'Txillardegi' hil zenetik bederatzi urte bete ziren ostegunean. Txillardegi Udal Liburutegia herri egitasmoak omenaldia egin dio Donostian, senitarteko eta lagunez inguratuta.
 ©HAMAIKA TELEBISTA

«Begi berriekin ezagutu ahalko dugu Nafarroa»

Jakes Goikoetxea

Nafarroa ezagutzen ez duenaren baina ezagutzeko jakin-mina duenaren begiradarekin erakutsiko du herrialdea Khris Maansrik, Hamaika Telebistako 'Nafar away' programa berrian, astelehenetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.