Albistea entzun

Uda Euskal Herrian berriro

Bi urteren ondoren, Mendebaldeko Saharako haurrak uda pasatzera etorri dira Euskal Herrira. 8 eta 12 urte arteko ia 150 ume etorri dira, Oporrak Bakean egitasmoari esker.
Irune Arana, bikotekidearekin eta Brahim txikiarekin.
Irune Arana, bikotekidearekin eta Brahim txikiarekin. MARISOL RAMIREZ / FOKU Tamaina handiagoan ikusi

Amaia Jimenez Larrea -

2022ko abuztuak 6 - Eibar

Pandemiak garai latzak ekarri ditu, baita Mendebaldeko Saharako haurrentzat ere. Bi urteko etenaldiaren ostean, Euskal Herrira itzultzeko aukera izan dute, Oporrak Bakean egitasmoari esker. 148 umek Euskal Herriko harrera familiekin igaroko dituzte udako hilabeteak, bi urte hauetan izandako gabeziak asetzeko asmoz. Izan ere, pandemia hasi berritan, gobernuz kanpoko erakundeak eta bestelako boluntarioak saharar errefuxiatuen kanpamentuetatik irtetera behartu zituzten, eta, beraz, ez dute laguntza jasotzerik izan.

«Bi urte hauetan, ziurrenik, egunean otordu bat bakarrik egin dute haurrek», oroitu du Irune Lujanbiok, Afaniseko presidenteordeak. Afanis Arabako haur sahararren harrera familien elkartea da, lurraldeko harrera familien kudeaketaz arduratzen dena. Aurten, Araban hogei familia lortzeko esperantza zuten Afanisen, eta, azkenean, 38 lortu dituzte. Datu horiek «izugarri pozgarriak» direla azaldu du Lujanbiok.

Haurrentzat garrantzitsua da udako hilabeteak Euskal Herrian igarotzea: «Otordu guztiak egiten dituzte, medikuarenera eta dentistarenera joaten dira...», argitu du Afaniseko presidenteordeak. Kanpamentuetan, sarritan, medikura joaten direnean ez dute tratamendurik jasotzeko aukerarik izaten, ez baita botikarik egoten. Lujanbioren hitzetan, aurten umeak «oso txikiak eta argalak etorri dira».

Aurtengo familietako asko berriak dira; izan ere, bi urteren ostean, lehen etortzen ziren haurrek Oporrak Bakean-en parte hartzeko adin muga gainditu dute. 8 urtetik 12 urtera arte etor daitezke. Lujanbiok argi du esperientzia oso aberasgarria dela Mendebaldeko Saharako haur bat harreran hartzea: «Nik eta nire familiak asko ikasi dugu haurrei esker; eskuzabalagoak izaten edota geure burua gehiago irekitzen, esaterako».

«Errepikatzeko modukoa»

Irune Aranak eta bikotekideak lehen aldiz hartu dute parte Oporrak Bakean egitasmoan. Brahim 8 urteko haurra hartu dute harreran. Lehen egunak apur bat gogorrak izan ziren Brahimentzat, baina, astebeteren ondoren, eibartar peto-petoa bilakatu da. «Hain urrutitik etorrita, harrigarria da hemengo bizitzara moldatzeko duten gaitasuna», esan du Aranak.

Brahimen harrera familiak agian hurrengo urtean haurra berriro ekarriko dutela argitu du: «On egiten die hona etortzeak; beraz, errepikatzeko modukoa da esperientzia».

Aranaren hitzetan, umea harreran hartzeko prozesua «oso erraza» izan da, hasieratik ongi eta argi azaldu baitzieten sinatu beharreko guztia. 25 eta 65 urte bitarteko edozein euskal familiak edo norbanakok har dezake parte egitasmoan, bere herriko edo inguruko elkarteren batekin harremanetan jarriz.

Lujanbiok funtsezko bi elementu goraipatu ditu familientzat: «Denbora eta gogoa besterik ez da behar, eta ziur nago errepikatuko dutela!», azaldu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Berdea nola berdatu

Berdea nola berdatu

Enekoitz Telleria Sarriegi

Hosto berdeko barazki eta landareak ohikoak dira entsaladetan. Gero eta aniztasun handiagoa dago: tonu, forma, testura eta propietate ezberdinak dituzte.

 ©ENDIKA PORTILLO / FOKU

«Jaiak gasteiztarron topagune dira»

Unai Etxenausia

Kazetari eta parrandazale moduan ezagutu ditu Fiestrasek Andre Maria Zuriaren festak urteetan. Bizitza osoan bi urtez baino ez du huts egin, eta datozen guztiez «gozatzeko asmoa» daukala iragarri du.
2 ©JAIZKI FONTANEDA / @FOKU

Jana eta edana azkenera arte

Eider Etxeberria Soria

Zeledonen igoerarekin amaitu dira Gasteizko Andre Maria Zuriaren jaiak. Gasteiztarrek azkenera arte zukutu dituzte festa egunak. Txorizoa eta patatak banatu dituzte kuadrillek, eta buruhandi eta erraldoien konpartsak kalejiran ibili dira. Tabernariak gustura daude jaiekin.
Jendeak arabiar jaki tipikoez gozatzeko aukera izan du Gasteizko jaietan. ©JAIZKI FONTANEDA / FOKU

Kulturen arteko elkargune

Unai Etxenausia

Arabiar Azoka antolatzen dute Gasteizko jaietan, eta arabiarren eta euskaldunen arteko topagune bihurtu da. Francisco Juan Ayala plazan jarri dituzte saltoki guztiak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...