Albistea entzun

EKOGRAFIAK

'Baserria', polemika iturri oparo

Juan Luis Zabala -

2021eko martxoak 17

Polemika iturri oparo eta etengabea izan da ETB1eko Baserria saioa sare sozialetan, eta ez motibo bakarrarengatik. Hasieran, baserritarren eta kaletarren arteko bereizketaren egokitasuna jarri zuten zalantzan batzuek, aditzera emanez gaur egun bereizketa horrek ez duela oinarri errealik, ez dagoelako hainbesteko alderik batzuen eta besteen bizimoduen artean. Ildo beretik, euskarazko reality bat egiteko agertoki moduan baserria aukeratu izanak euskara baserriarekin estuegi lotzen duen topiko zaharkitua berritzen duela aipatu zuten beste batzuek. Eta izan da saioak baserriari buruz eman duen irudia gaur egun baserria denarekin bat ez datorrela salatu duenik ere, horretan ere topiko zaharkituetan sakondu duela saioak. Zentzuzkoak iruditu zaizkit hiru ikuspegi kritiko horiek, are gehiago kontuan izanda ETB1ek aspalditik duen joera ia-ia patologiko baten ondorio eta erakusle direla.

Azken orduan beste polemika bat piztu da, lehiakide bat AEBetako Blue Lives Matter mugimendu poiliziafiloaren aldeko jertsea jantzita agertu zelako joan den igandean platoko «negutegian». Kasu horretan, jertseak islatzen duen ideologiari edo ikuspegiari buruz pentsa dezakeguna gorabehera, ez legoke polemikarako inolako aitzakiarik... aurretik beste aldarrikapen batzuk zeuzkaten jantziak debekatu edo zentsuratu izan ez balira ETB1en, hala nola Altsasukoak aske eta Cabacas justizia. ETB1ek aspalditik duen beste joera ia-ia patologiko bat islatzen du auzi honek.

Polemikak aparte utzita, beste ikuspuntu batetik begiratuta interesgarria irudi zait Baserria, hainbat lekutako eta hainbat adinetako baserritarren euskara erakutsi duelako pantailan. Egiaztatu da oraindik ere —Bizkaian eta Gipuzkoan behintzat, akaso Nafarroan ere bai— baserritarren euskara kaletarrona baino berezkoagoa edo senezkoagoa dela —oro har eta salbuespen ugari izan daitekeela onartuta—, baina alde hori gero eta txikiagoa dela eta izango dela aurrerantzean, baserritar gazteenen eta kaletar gazteenen arteko aldea ez delako hain nabarmena arlo horretan, beste arlo batzuetan ere ez den bezala.

Amaitzeko, etorkizunerako proposamen apal bat EITBrentzat: zer moduz hurrengo urtean ETB2ko reality-a Euskal Herriko baserri batean egiten bada eta ETB1ekoa Karibean?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.
Pantailak Euskaraz ekimeneko kideak, manifestua aurkezten, gaur Durangon. ©BERRIA

Euskarazko ikus-entzunezkoen aldeko manifestu bat aurkeztu dute

Urtzi Urkizu

Pantailak Euskaraz taldeak plazaratu du testua, ikus-entzunezkoen arloko eta euskalgintzako zenbait eragileren ekarpenekin. Sektore desberdinetako 35 eragilek eman diote atxikimendua manifestuari. Atzo egin zuten agiriaren aurkezpena.

Kataluniako Heura enpresaren haragi tankerako pintxo beganoak jateko aukera dago azokan, Irunen. ©ANDONI CANELLADA / FOKU

Betiko txistorra ematen du ba!

Urtzi Urkizu

Beganismoari ikusgarritasuna ematen dion jaialdia egiten ari dira asteburuan Irunen, Ficoban: Be Veggie. Askotariko produktu eta zerbitzuak daude 70 erakusmahaitan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.