Albistea entzun

EKOGRAFIAK

Dailobit

Lander Arretxea -

2022ko azaroak 30

Zutabe honek ez du balio soilik telebistaz hau edo bestea esateko. Eraman zaitzake, dirudienez, telebista barrura ere. Eta ez sektorera edo industriara, ez: pantaila barruraino diot; fokoen aurrera, lehen lerrora. Pare bat asteko tartean, Hitzokei saioan izan da Aritz Galarraga Humanitatearen une gorenak liburua aurkezten. Gauza bera egin du —tira, beste liburu bat aurkeztu du, Euskalia eleberria— Mikel Alvarez ekografista ohiak.

Denen artean, saltorik egonkorrena egin duena Leire Palacios da, ordea. Munduko Plazan saioa aurkeztu zuen iaz, eta ETBk egin duen Dailobit saioko gidari ere bada, Alessandro Rutta kazetari euskaldun italiarrarekin eskuz esku.

Makina bat saio eta dokumental egin dira antzeko galderei segika: zer diote euskaraz berriki ikasi dutenek? Horren zaila al da? Nola irauli euskararen gainean ditugun aurreiritzi atzerakoienak? Bada, Dailobit-ek, telebista berrasmatzen itsutu gabe bada ere, ahalegin horiek ohi dutena baino pieza natural, atsegin eta deigarriagoa sortzea lortu du. Batetik, elkarrizketatuek benetan dutelako zer kontatua: Laura Re, Dylan Inglis edo Dani Alvarezenak entzuteko moduko testigantzak dira, besteak beste. Baina baita bi aurkezleek —eta sarrerak idazten dituzten gidoilariek— egindako lan onagatik ere.

Haien paperak baditu, gutxienez, eskasian dauden bi bertute: bata, antzerkia jolas bihurtzeko gaitasuna. Atalei edo azpi-atalei sarrera emateko egoera fikzionatuak erabiltzeko joera nagusi da ETBn, baina gutxik lortzen dute Dailobit-eko aurkezleek transmititzen duten patxada eta naturaltasuna. Jolasean parte hartzen dute, eroso, testu bat zehatz-mehatz esateko ahalegina bigarren planoan utzita.

Are nabarmentzekoagoa da bigarren bertutea: kazetari sena dute biek ala biek, eta benetako elkarrizketak egin dituzte, parekoa entzunez eta horretara egokituz, gidoiarekin itsutu gabe. Eta eskerrak. Ikuslearen begietan, esaten dena bezain garrantzitsua baita berriketaldiaren giroa sinesgarri suertatzea.

Hori esanda, banoa, telebistan agertzeko deitzen banaute, ondo gera daitezkeen jertse edo alkandorak hautatzera. Ez zaizkie gai asko geratzen, eta auskalo, ez litzateke harritzekoa laster telefonoak jotzea: «Ur handitan saioan Erremerreak egitekoak gara. Parte hartu nahi zenuke?».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.