Noiz sortua: 2020-03-05 00:30:00

Koronabirusa eta pneumonia zituen 82 urteko gizon bat hil da Bizkaian

Gaixotasun kronikoak zituen hildako gizonak, eta atzo baieztatu zen koronabirusean ere positibo eman zuela. Euskal Herrian, 23 pertsonari atzeman diete gaitza, eta 250 lagun daude bakartuta
Langile bat koronabirusarengatik Napoliko San Paolo estadioa garbitzen, atzo, Italian.
Langile bat koronabirusarengatik Napoliko San Paolo estadioa garbitzen, atzo, Italian. CIRO FUSCO / EFE

Arantxa Iraola - Irati Urdalleta Lete -

2020ko martxoak 5

Koronabirusaren proban positibo eman duen 82 urteko gizon bat hil da Bizkaian, Eusko Jaurlaritzako Osasun Sailak jakinarazi duenez. Gaixotasun kronikoak eta pneumonia zituen hildakoak, eta koronabirusa ere bazuela atzo bertan baieztatu zuten. Euskal Herrian birus hori zuen lehen hildakoa da.

Atzo, egun osoan, bost kasu gehiago baieztatu zituzten hiru Araban eta bana Bizkaian eta Lapurdin. Horrenbestez, guztira, 23 pertsona daude kutsatuta Euskal Herrian. Araban dago gaixo gehien. Hain zuzen, hamasei pertsona daude kutsatuta, eta horietako bost ospitalean daude. Gasteizen ospitalera eraman behar izan dutenetako bat «larri» dagoela onartu du Nekane Murga Eusko Jaurlaritzako Osasun sailburuak; koronabirusaz gain, beste hainbat patologia ere badituela esplikatu du. Bizkaian, berriz, bost kasu atzeman dituzte. Azken jakinarazpena adineko gizon batena izan da, gaixotasun kronikoak zituenarena, eta positibo eman ostean hil dena. Lurralde horretan, pertsona batek ospitalean jarraitzen du. Gipuzkoan, bi pertsonak daukate birusa, eta horietako batek ospitalean segitzen du. Nafarroan bi kasu daude, biak ospitalean, eta Lapurdin, zehazki Baionan, kasu bat baieztatu dute.

Koronabirusaren eboluzioaren berri emateko momentu horretan hamazazpi kasu zeuden baieztatuta Araban, Bizkaian eta Gipuzkoan agerraldi bat egin zuen atzo eguerdian Murgak Zaintza Epidemiologikoko arduradun Txema Arteagagoitiarekin. Azaldu zutenez, 250 pertsona inguru daude bakartuta, pertsona birusdun bat ondoan izatearen ondorioz haiei ere gaitzaren sintomak ager dakizkiekeelakoan.

Horien artean ehun bat osasunaren arloko profesionalak dira; izan ere, gaitza erruz zabaldu da Gasteizko Txagorritxu erietxean eta hiriko beste zenbait osasun etxetan, hango langile bat eritu eta gero. Hala ere, sailburuak esan du osasun zerbitzuan egindako «berrantolaketaren» ondorioz osasun arta «bermatuta» dagoela. Adierazi du, halaber, Osakidetzak zenbatutako kasuez harago, Arabako kasuekin lotuta badaudela beste bi ere, Espainian: Errioxan eta Gaztelan.

Kasuen ugaritzea ez da Osakidetzarentzat, hala ere, oraindik aparteko neurriak hartzen hasteko motibo. «Euste fasean gaude». Hala, orain arte emandako garbitasun neurriak gogora ekarri zituen: eskuak sarri garbitzea, berriz erabili ezin diren musuzapiak erabiltzea, eta eztula eta doministiku egitean ahoa ondo tapatzea. Osasun langileentzat hainbat jarraibide indarrean daudela esan zuen, eta lanerako irizpideak zuzendu dituztela «zentro soziosanitarioei» begira ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

Haur bat, jolas parke baten ondoan, Zarautzen. / ©Gorka Rubio, Foku

Espainiako Gobernuak eguneko udalekuak baimenduko ditu hirugarren fasean

Jon Ordoñez Garmendia

70 urtetik gorakoentzako ordutegiak desagertu egingo dira. Gehienez hogei pertsona elkartu ahal izango dira, baina ezingo da probintziatik atera oraindik.

Donostiako Zurriola hondartza, atzo. ©Gorka Rubio / FOKU.

Murgak dio ezin direla errepikatu hondartzetan ikusi diren irudiak

Maddi Ane Txoperena Iribarren

Jendea ez pilatzeko eta hondartzak modu «dinamikoan» erabiltzeko eskatu du Eusko Jaurlaritzako Osasun sailburuak. Era berean, galdegin du aisialdirako bada ez erabiltzea garraio publikoa «jende asko dagoenean».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna