Albistea entzun

Pablo Gonzalezek kartzelan segituko du beste hiru hilabetean gutxienez

Kazetariaren abokatuak esan du ez dagoela haren aurkako frogarik. Poloniako Przemysl eskualdeko auzitegiak men egin dio fiskaltzaren eskariari, eta behin-behineko espetxealdia luzatu dio
Pablo Gonzalez askatzeko egindako elkarretaratze bat, martxoaren hasieran, Nabarnizen (Bizkaia).
Pablo Gonzalez askatzeko egindako elkarretaratze bat, martxoaren hasieran, Nabarnizen (Bizkaia). MONIKA DEL VALLE / FOKU Tamaina handiagoan ikusi

Irati Urdalleta Lete -

2022ko abuztuak 24

Poloniako Przemysl eskualdeko auzitegiak hartu du erabakia: luzatu egin du Pablo Gonzalez kazetariaren behin-behineko espetxealdia; horrenbestez, Gonzalezek espetxean jarraitu beharko du beste hiru hilabetean behintzat.

Gonzalez otsailaren 28tik dago preso Polonian. Errusiako zerbitzu sekretuen alde lan egitea egozten diote. Ordea, atzo Gonzalezen abokatu Gonzalo Boyek ziurtatu zuen ez dagoela horretarako arrazoirik. Erabakiaren berri izan aurretik, Radio Euskadi irratian hitz egin zuen, eta nabarmendu zuen haren aurkako frogarik ez dutelako luzatu izan diotela espetxealdia: «Frogaren bat edukiko balukete, jakingo genuke, mahai gainean egongo litzateke». Halaber, salatu zuen oraindik ezin izan dutela kazetariarekin hitz egin.

Behin epaitegiaren erabakia jakinda, ildo beretik jo zuen abokatuak. Twitter bidez, salatu zuen kazetariak inkomunikatuta jarraitzen duela, eta berretsi zuen ez dutela haren aurkako «ustezko frogen» berri. Antzera mintzatu zen Gonzalezen bikotekide Oihana Goiriena. Uste du kazetaria «makurrarazi» nahi dutela, «egin ez duena aitortu dezan». «Behea jo dezala nahi dute». Iragarri du luzapenari helegitea jartzen saiatuko direla, baina uste dute aurreko aldian bezala atzera bota diezaieketela: «Erantzuna lehengo bera izango da, eta beste hiru hilabete itxaron beharko dugu zer gertatzen den ikusteko». Beren egoera ere salatu du: «Oinarrizko eskubideak —Pablorekin zuzeneko kontaktua edukitzea, telefono deiak eta bisitak edukitzea eta konfiantzazko abokatu batek kasua bere gain hartzea— lortzeko borrokan jarraitzea beste biderik ez dugu. Momentuz, galarazten ari dira».

Ebazpenarekin, Poloniako Delinkuentzia Antolatuaren eta Ustelkeriaren Arloko Fiskaltzaren eskaria babestu du epaitegiak. Hain zuzen, fiskaltzak joan den ostiralean galdegin zuen Gonzalezi espetxealdia luzatzea. Zenbait arrazoi eman zituen: prozesuan «iruzur egin» dezakeela; ezkuta daitekeela edo ihes egin dezakeela; eta, zigortuz gero, «zigor handia» ezar diezaioketela. Esan zutenez, «ondo arrazoitutako kezka bati» erantzuten dio eskaerak.

Otsailaren 28tik preso

Gonzalez otsailaren 28an atxilotu zuten, Przemyslen, Errusiak Ukrainari egindako erasoak sortutako errefuxiatu krisiaren berri ematen ari zela. Errusiako zerbitzu sekretu militarrarentzat lan egitea leporatzen diote, eta hamar urteko kartzela zigorra jar diezaiokete horregatik. Atxilotu zutenean, hiru hilabeteko espetxe zigorra ipini zioten, eta beste hiru hilabete luzatu zioten maiatzaren amaieran.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kontseiluko kide diren eragileetako ordezkariak, atzo, Durangoko San Agustin kulturgunean. ©MARISOL RAMIREZ / FOKU

Eskisabelek adostasuna eta «letra larriko politika» aldarrikatu ditu

Julen Aperribai

Euskararen biziberritzea «justiziari eta kohesio sozialari» lotutako auzia dela adierazi du idazkari nagusiak, eta aurreratu du balio horiekin bat egiten duten guztiekin ados jartzea izango duela xede.
ESIko kargugabetzeen harira egindako protesta, atzo, Donostian. ©JAVIER ETXEZARRETA / EFE

Egunero elkartuko dira ESIkoak, kargugabetuak berriz integratu arte

Oihana Teyseyre Koskarat

Osakidetzako krisia dela eta, elkarrizketarako «prest» agertu da Bingen Zupiria, baina adierazi du badirela «leku egokiak» mintzatzeko, hedabideetatik kanpo
EH Bilduren hezkuntza konferentzian aritutako hizlariak. ©MONIKA DEL VALLE / FOKU

Hezkuntza itunak «jauzia» ekartzea nahi du EH Bilduk

Gotzon Hermosilla

Hezkuntza konferentzia egin du Bilbon. Lege berriak koalizioaren ustez ekarri beharko lituzkeen urratsak zerrendatu ditu Otxandianok
 ©MARISOL RAMIREZ / FOKU

«Ume batek 3 urterekin ez badu hitz egiten, ja hasi behar da lantzen»

Irati Urdalleta Lete

Gutxi gorabehera bi urteko desfasea atzematen ari dira umeen hizketaren garapenean. Horrek izan ditzakeen ondorioez ohartarazi du Rodriguezek: «Hiztegi gutxiago daukate, ezagutza gutxiago dute...».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Irati Urdalleta Lete

Informazio osagarria

Iruzkinak kargatzen...