Albistea entzun

Batera aritzeko deia

Euskal Herriko, Herrialde Katalanetako eta Galiziako hamar indar subiranistak autodeterminazioa aldarrikatu dute. EAJk ez du bat egin adierazpenarekin
Adierazpenaren sinatzaileak, atzo, Bartzelonan.
Adierazpenaren sinatzaileak, atzo, Bartzelonan. JESUS DIGES / EFE Tamaina handiagoan ikusi

Gotzon Hermosilla -

2019ko urriak 26

Euskal Herriko, Herrialde Katalanetako eta Galiziako hamar indar subiranistak agiri bateratu bat aurkeztu dute Bartzelonako Llotja de Mar etxean (Katalunia), buruzagi independentista katalanen kontrako epaia kaleratu osteko egoera aztertzeko. Adierazpen horretan, «adostasun politikoa lortzeko beharrizana» nabarmendu dute sinatzaileek, eta bost puntu proposatu dituzte jarduteko batasun horren ardatz gisa, tartean, autodeterminazio eskubidea eta «preso politikoen askatasuna eta erbesteratuen itzulera».

EH Bildu, BNG, Crida Nacional, CUP, Democrates, Esquerra Republicana, Esquerra Valenciana, Mes per Mallorca, Mes per Menorca eta PDeCAT-Junts per Catalunya talde subiranistek izenpetu dute adierazpena. EH Bildutik Arnaldo Otegi koordinatzaile nagusia eta Maddalen Iriarte Eusko Legebiltzarreko EH Bilduko bozeramailea egon dira Bartzelonako ekitaldian.

Sinatzaileek diotenez, egunotan egiaztatu da «ezinezkoa» dela Espainiako Estatuaren «erabateko demokratizazioa», frankismoaren eratorritako erregimenaren «erresistentziarengatik» eta Espainiako alderdi politikoen «borondate faltagatik». «Hainbat taldek eragotzi dute Espainia bere inguruko estatuen gisako estatu guztiz demokratiko bilakatu izana», erantsi dute; «giro politiko jakin batek eta, horrekin batera, alor juridikoko, ekonomikoko, polizialeko eta komunikazioaren alorreko talde jakin batzuek».

Halaber, alderdi subiranistek azaldu dute azken urteotan egoera hori zalantzan jartzen duten zenbait «joera» agertu direla, «batzuk estatu mailakoak, besteak estatu barruko nazio txikietakoak»; baina horren erantzuna izan dela Espainiako Estatua «geroz eta autoritarioagoa, demokrazia txikiagokoa eta errepresiboagoa den atzerabide batean» sartzea.

Agiriaren sinatzaileen ustez, Espainiako Estatuak ez du autodeterminazio eskubidea errespetatzen, Eskubide Zibil eta Politikoen Nazioarteko Ituna izenpetu zuen arren; eta, horrekin batera, beste «atzerapauso demokratiko» ugari ere egin ditu; horien artean aipatu dituzte, besteak beste, botere banaketa falta, «nazioen aniztasunei begirune falta erabatekoa», atxiloketa arbitrarioak eta Poliziaren jazarpena.

Horri aurre egiteko, dei egin dute Espainiaren menpeko nazioek estatuarekin dituzten gatazka politikoak «modu demokratikoan eta egonkorrean» konpontzeko eta nazioarteko komunitateak «konponbide horietan lagun dezan» bultzatzeko.

«Espiritu eraikitzailerik» ez

EAJk ez du bat egin Llotja de Marreko Adierazpenarekin, eta «edukia eta testuingurua» aipatu ditu bere jarrera arrazoitzeko. Edukiari dagokionez, EAJk uste du adierazpenak ez duela «espiritu eraikitzailerik», 1998an EAJk, CiUk eta BNGk izenpetutako Bartzelonako Adierazpenaren kontrakarrean. Testuinguruari ere ez deritzote «egokiena», hauteskunde kanpaina hasteko hamar egun falta direla eta giro politikoa «nahasirik» egonda.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EITB Maratoiaren testuinguruan, Ibon Fernandez Iradi presoaren egoera salatu du Sarek

EITB Maratoiaren testuinguruan, Ibon Fernandez Iradi presoaren egoera salatu du Sarek

Berria

Fernandezi 2013an diagnostikatu zioten esklerosi anizkoitza, eta, artatze desegokia tarteko, haren egoerak okerrera egin du ordutik. EITBren egitasmoa gaixotasun horren aurkako borrokarako baliatuko dute.

 ©BERRIA

«Ezin dugu EH Bildurekin proiektu handirik partekatu»

Xabier Martin

PSOEk koalizio abertzalearekin itunak «noiz edo noiz» egin arren, «orain» harekin aliantza handiagoak egitea baztertu egin du Guijarrok. Legegintzaldia osorik amaituko duela uste du.
Aitor Esteban, atzo, Bilbon. ©Miguel Toña / EFE

«Euskadiren nazio auziari» aurre egiteko eskatu du EAJk

Xabier Martin

Pedro Sanchezi «legegintzaldiaren aukera alferrik galtzea» aurpegiratu dio Aitor Estebanek. EH Bilduk «ez du ezer ospatzeko»

Alda elkarteak alokairuaren inguruan antolaturiko konferentzia bat, azaroaren 21ean, Baionan. ©Guillaume Fauveau

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Gotzon Hermosilla

Informazio osagarria

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.