Albistea entzun

Koronabirusa

Ziurtagiria urtarrilaren 6ra arte jarri nahi du indarrean Nafarroak

Nafarroako Gobernuak datorren astean eskatuko dio baimena Auzitegi Nagusiari. Gaueko aisialdiko lokaletan eta ekitaldi jendetsuetan eragingo du. EAEn ziurtagiria onestearen alde agertu da fiskaltza
Langile bat COVID ziurtagiria eskatzen, ostatu batean.
Langile bat COVID ziurtagiria eskatzen, ostatu batean. GUILLAUME FAUVEAU Tamaina handiagoan ikusi

Oihane Puertas Ramirez -

2021eko azaroak 20

Koronabirusaren intzidentzia gora eta gora ari da Hego Euskal Herrian. COVID-19ari aurre egiteko helburuarekin, Nafarroako Gobernuak COVID ziurtagiria eskatzen hastea proposatuko dio Nafarroako Justizia Auzitegi Nagusiari. Datorren astean egingo du eskaera, eta, onartuz gero, gaueko aisialdirako lokaletan —00:00etatik aurrera—, 50 lagunetik gorako edukiera duten jatetxeetan, eta ekitaldi jendetsuetan eskatuko dute ziurtagiria. Neurria azaroaren 27tik heldu den urtarrilaren 6ra bitartean egongo litzateke indarrean.

Eskatu nahi duten dokumentuak hiru kasu hartzen ditu: lehenik, txertaketa ziurtagiria eduki behar da; bigarrenik, PCR negatibo bat, azken 72 orduetan egindakoa, edo antigeno test negatibo bat, azken 48 orduetan egindakoa; hirugarrenik, COVID-19a igaro ondoren jasotzen den osatze ziurtagiria 180 eguneko baliozkotasuna du. Ziurtagiria eskatzeaz gain, Nafarroako Gobernuak iragarri du kontzientziazio eta sentsibilizazio kanpaina bat egingo duela. Bertan, «garrantzi handia» emango diote maskara erabiltzeari metro eta erdiko distantzia mantendu ezin den barruko eta kanpoko tokietan.

Eusko Jaurlaritzak ere eman ditu COVID ziurtagiria ezartzeko pausoak, «beste transmisio olde bat eteten laguntzeko» eta «txertaketa are gehiago sustatzeko» asmoz. Hain zuzen ere, ostegunean eskatu zion EAEko Justizia Auzitegi Nagusiari neurria ezartzeko baimen judiziala, eta fiskaltza neurriaren alde agertu zen atzo. Txosten batean adierazi zuenez, «bidezkoa» da Jaurlaritzak eskatutako baimena.

Auzitegiko administrazioarekiko auzien salak astelehenean hartuko du neurriari buruzko erabakia, eta, onartuz gero, koronabirus ziurtagiria dantzarako eta aisialdirako jarduerak eskaintzen dituzten lokaletan eta 50 lagunetik gorako edukiera duten jatetxeetan erakutsi beharko da.

Ikusi gehiago: Intzidentzia tasa gora doa Hego Euskal Herrian

Gotzone Sagardui Eusko Jaurlaritzako Osasun sailburuak atzo adierazi zuenez, Araba, Bizkai eta Gipuzkoako azken egunetako datuak «oso antzekoak» dira, eta koronabirusaren «goranzko joera» lehengoan da: 247,17raino igo da intzidentzia tasa metatua. Nafarroari dagokionez, gero eta gehiago dira kasu positiboak: atzo zabaldutako datuen arabera, 274 positibo atzeman zituzten. Horrez gain, bi hildako eta bost ospitaleratze izan ziren COVID-19aren ondorioz.

Hezkuntzan ere badu eragina intzidentziaren igoerak, umeetan altua baita: Eusko Jaurlaritzako Hezkuntza Sailak jakinarazi duenez, guztira 87 ikasgela daude itxita 53 ikastetxetan. Nafarroan, berriz, Lehen Hezkuntzako 55 gela itxi dituzte, eta Haur Hezkuntzako hamasei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maiaren adierazpenen aurkako protesta egin zuten ostegunean, SOS Arrazakeriak deituta. Irudian, manifestari bat, alkatearen aurkako afixa batekin. ©JESUS DIGES / EFE

Maia, datuek gezurtatua: delituen %0,3 dagozkie migratzaile adingabeei

Ion Orzaiz

Adingabeen Fiskaltzak 522 espediente ireki zituen iaz Nafarroan, eta soilik 99 izan ziren migratzaileei egotzitakoak. Iruñeko alkateak dioenaren kontrara, delitu horien ehunekoa apaldu egin da 2019tik
Frantziako Polizia osasun ziurtagiria eskatzen, Miarritzeko ostatu batean. ©GUILLAUME FAUVEAU

Txertatze ziurtagiriaren alde egin du Konstituzio Kontseiluak

Oihana Teyseyre Koskarat

Astelehenetik goiti beharrezkoa izanen da Ipar Euskal Herriko hainbat leku publikotara sartzeko. Kontseiluak atzera bota du ekitaldi politikoetan parte hartzeko agiria eskatzea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.