Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

'Herrigaia' aukeratu dute

Sorturen kongresuan botoa eman dutenetatik %71k Nazio Kontseiluak proposatutako txostenari eman diote babesa. Abenduaren 17tik 19ra egongo da zuzenketa partzialez botoa emateko aukera
Sortuk irailaren 25ean Oiartzunen eginiko ekitaldia.
Sortuk irailaren 25ean Oiartzunen eginiko ekitaldia. MAIALEN ANDRES / FOKU Tamaina handiagoan ikusi

Jon O. Urain -

2021eko azaroak 23

Sorturen kongresu prozesuan, Nazio Kontseiluak aurkeztutako Herrigaia txostenaren eta Lurrari Lotuz osoko zuzenketaren artean botoa emateko asteburua izan dute Sortuko kideek. Zuzendaritzaren proposamena nagusitu da: 7.936 kidek eman zezaketen botoa, eta 4.164k bozkatu dute; horietatik %71k (2.948) babestu dute Herrigaia, eta %22k Lurrari Lotuz (919). %7k (297) zuri bozkatu dute. «Herrigaia hastapenetik eraikuntza kolektiboa izan da. 500 buruz buruko elkarrizketaren, dozenaka herri batzarren eta udaran egindako bi Nazio Topaketen emaitza, eta hala izango da aurrerantzean ere», zabaldu du Nazio Kontseiluak ohar batean.

Eztabaida prozesuak aurrera jarraitzen du. Abenduaren 5era arte Herrigaia-ri zuzenketa partzialak egiteko aukera dago, eta abenduaren 17tik 19ra bozkatuko dituzte. 2017ko urtarrilean egin zuen Sortuk azken kongresua, eta oraingoa aurtengo urtarrilean egitekoa zen: pandemiaren ondorioz, ordea, urtebetez atzeratu zuten. 2022ko urtarrilaren 22an bukatuko da, eta zuzendaritza berria ere orduan aurkeztuko dute.

Onartutako txostenak «botere metaketari» ematen dio garrantzia: «Indarrak metatu eta artikulatu behar ditugu, subjektu eraldatzailea eraikitzeko, gehiengoak osatzeko bokazioarekin». Herrigaia-ren ustez, «prozesu subiranistak behar du gehiengo sozial bat, maila elektoral eta instituzionalean adieraziko dena, instituzioen boterea prozesuaren zerbitzura jarri ahal izateko. Eta gehiengo horren aktibazioa ere eskatzen du, antolakuntza eta mobilizazio iraunkorra». Gainera, Herrigaia-rentzat, EH Bildu eta EH Bai dira «ezkerreko subiranismoaren erreferentzia politiko instituzionala», eta haiei dagokie «protagonismo nagusia, indarrak bildu eta artikulatzeko». Herri mugimendua «euskal jendartearen emantzipaziorako tresna estrategikoa» litzateke, eta «sakoneko aldaketak eragin eta alternatibak eraikitzeko bidean funtsezko zeregina» luke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Azpiazu eta Iriarte, 2019ko argazki batean. / ©Juanan Ruiz, Foku

Eusko Jaurlaritza eta EH Bildu akordio batera iritsi dira aurrekontuen inguruan

Jon Ordoñez Garmendia

Pedro Azpiazuk eta Maddalen Iriartek sinatu dute. 253 milioi euroren neurriak adostu dituzte osasuna, klima larrialdia, ongizate energetikoa, politika soziala, I+G+B eta gazteria alorretan, eta, ondorioz, koalizioa abstenitu egingo da aurrekontuen bozketan.

 ©ZIPI / EFE

«Aurrekontuak ez dira errealistak, eta ez dira beteko»

Iosu Alberdi

UPNk argi izan ditu gauzak Espainiako Gobernuaren aurrekontuen inguruko eztabaidan, Garcia Adaneroren arabera: «EH Bildu eta UPN ezin dira sartu ekuazio berean».
Izaskun Bilbao EAJko eurodiputatua (pantailetan) eta Pernando Barrena EH Bilduko europarlamentaria (erdian), caucusaren aurkezpenean, aurtengo urtarrilaren 20an. ©BERRIA

Argitasuna «erakundetzen»

Jon O. Urain

Asteotan EAJk eta Sortuk prestatutako txostenek aditzera ematen dute burujabetzari buruzko eztabaidan marko partekatu bat dagoela: 'argitasun' mekanismo baten eta erabaki eskubidea «instituzionalizatzearen» beharra

Berako bunkerra da webgunean ageri diren fitxetako bat. ©JAGOBA MANTEROLA / FOKU

1936ko gerrako memoria guneen sarea landu du Nafarroako Gobernuak

Joxerra Senar

1936ko altxamendu faxistak eta ondorengo diktadurak Nafarroan eragindako indarkeria guneen webgune bat aurkeztuko du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.