Albistea entzun

Jean Castexek murgiltze ereduei bermeak emanen dizkiela hitz eman du

Murgiltze ereduetako ordezkariekin bildu da Frantziako Gobernuko burua. Xehetasun teknikoak» zirkular baten bidez ateratzekoak dira
Jean Castex Frantziako lehen ministroa.
Jean Castex Frantziako lehen ministroa. LUDOVIC MARIN / EFE Tamaina handiagoan ikusi

Oihana Teyseyre Koskarat -

2021eko irailak 17

Frantziako Gobernuko Jean Castex lehen ministroarekin eta Jean Michel Blanquer Hezkuntza ministroarekin bildu dira Eskolim hizkuntza gutxituetako murgiltze ereduetako ordezkariak. Bideo konferentziaz egin zuten bilera, herenegun. Kontseilu Konstituzionalak murgiltzearen kontra hartutako erabakiaren harira, Castexek bi diputatu izendatu zituen txosten bat egiteko, murgiltze ereduari «berme» batzuk atzemateko erronkarekin. Castexek orduan hitz eman zuen txostena osatu ondotik murgiltzearen ordezkariekin bilduko zela, egoeraren berri emateko. Bada, «tonu aldaketa positibo bat» izan da Peio Jorajuria Seaskako lehendakariaren arabera. «Castexek segurtatu digu murgiltze eredua mantentzeko xedea bazutela, eta irtenbideak atzemanen zituztela azkartzeko. Doinu aldaketa preziatu dugu: hizkuntza gutxituen kontra izandako erasoen ondotik, entzun beharra genuen», poztu da.

Hala eta guztiz ere, Jorajuriak zehaztu du ez direla «xehetasun teknikoetan sartu». Murgiltze ereduetako ordezkarien eskaerak «entzun» dituzte Frantziako Gobernuko kideek: murgiltze ereduaren babesa eta sendotzea segurtatzea, eskolako komunikazio hizkuntza euskara dela defendatzea, egoitza publikoak baliatzeko posibilitatea, eta azterketak euskaraz pasatzeko galdea ere. Jorajuriaren arabera, bermeak lortzeko lan juridikoa «zaila» izanen da, eta datozen egun edo asteetan gauzatuko da, zirkular baten bidez. Jorajuria: «Erantzun teknikoak berantago izanen ditugu, zirkular baten bidez. Ez dakigu zein hitz baliatuko dituzten, eta hurbildik zaindu beharko dugu. Bilkuran aipaturiko intentzioak ez dakigu juridikoki nola sartuko diren zirkularrean». Dena den, dosierra Castexen eskuetan izatea baikorki hartu dute murgiltze ereduetako ordezkariek: «Urrats handi bat da, behingoz goi-mailako solaskideak ukan baititugu». Jorajuriaren gogoan «aspaldidanik» ez zuten aukerarik izan zuzenean Frantziako Gobernu buruekin mintzatzeko.

Intentzioetatik bermeetara

Bilkura ongi iraganik ere, ez dute egutegi finkorik jaso, ez baitakite zuzen noiz aterako den zirkularra. Castexek kontzertazio lan bat abiatuko duela segurtatu die, eta horren ondotik helduko dela berme juridikoa. Jorajuriak «mesfidati» segitzen du halere, atzoko bilera «lehen seinale positibo bat»da, baina «ikustekoa da intentzioak nola gauzatuko diren».

Bestalde, Castexek Ipar Euskal Herriko hiru eskola publikotan izandako hiru murgiltze esperimentazioen irekitzea aipatu du. «Segitzeko aukera uzten dutela erakutsi» nahi izan dute, Jorajuriaren aburuz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskalgintzaren Kontseiluaren manifestazio bat, Iruñean, aurtengo uztailean. ©Iñigo Uriz / Foku

CCOOk jarritako helegiteari EH Bilduk egindako kritikak gaitzetsi ditu sindikatuak

Berria

CCOOk azaldu du arriskutsua iruditzen zaiola «herri batekiko atxikimendua hizkuntzaren bidez bakarrik neurtzea», eta «euskara ez jakite hutsa eskuin muturrarekin» lotzeak elkarbizitza zailtzen duela.

Arantxa Tapiak beste sailburu batzuekin batera atzo egin zuen agerraldia. ©DAVID AGUILAR / EFE

Eusko Jaurlaritzak %30 murriztu nahi ditu berotegi efektuko gasak 2024rako

Jone Arruabarrena

Jaurlaritzak Energia Trantsizioaren eta Klima aldaketaren plana aurkeztu du. Tapiak 305 milioi euroko inbertsioa iragarri du arlo horretan

Galdakaon egingo duten BERRIA Zabalik kanpaina aurkezteko ekitaldia, gaur goizean. ©MARISOL RAMIREZ / FOKU

BERRIAk kanpaina bat egingo du Galdakaon, bertako merkataritza sustatzeko

Berria

Galdakaoko Udalarekin eta Dendari elkartearen babesarekin egingo dute kanpaina. Mila euroko sari bat zozkatuko dute kanpainan parte hartuko duten herritarren artean.

Emakume bat, etxe agentzia baten aurrean. ©LUIS TEJIDO / EFE

Alokairuen prezioa soilik «tentsio handiko» tokietan mugatuko du Madrilek

Juanma Gallego

Ministroen Kontseiluak etxebizitzaren lege aurreproiektua onartu du. Erkidegoen esku utziko dute araua aplikatzea eta prezioak arautzea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.