Confebaskek %1,9ko hazkundea aurreikusten du 2020. urterako

Urte berria amaitzerako beste 11.000 enplegu sortuko direla uste du, eta langabezia tasa %9tik behera jaitsiko dela. 2019rako egindako hazkunde iragarpena %2,5etik %2,2ra apaldu du
Industria %1,1 haziko da 2020. urtean. Irudian, Aernnovaren Miñaoko lantegia.
Industria %1,1 haziko da 2020. urtean. Irudian, Aernnovaren Miñaoko lantegia. JAIZKI FONTANEDA / FOKU Tamaina handiagoan ikusi

Irune Lasa -

2019ko abenduak 28

Aurten baino pixka bat gutxiago, baina datorren urtean ere,«zazpigarren urtez jarraian», Arabako, Bizkaiko eta Gipuzkoako ekonomiak hazten jarraituko du, baita enpleguak ere. Horri esker, Gizarte Segurtasunerako afiliazioak 2007. urteko mailara itzuliko dira, krisi aurreko kopuruetara, alegia.

Confebaskeko buruzagiek, Eduardo Zubiaurre presidenteak eta Eduardo Aretxaga zuzendari nagusiak, atzo aurkeztu zituzten ekonomiaren bilakaerari buruzko hurrengo urterako patronalaren aurreikuspenak. Confebasken ustez, «barne eskariari esker» ekonomia %1,9 handituko da 2020an. Kanpo eskariak, aldiz, «ez dio ekarpenik egingo hazkundeari, 2019an bezala, nazioarteko jokaleku konplexuaren ondorioz». Industriaren alorrak igarriko die gehien nazioarteko arazoei, «baina, hala ere, %1,1 haziko da». Confebasken ustez, eraikuntza izango da, aurten bezala, sektorerik dinamikoena.

Adegik, Cebekek eta SEAk egindako inkestaren arabera, enpresek uste dute aurten baino hazkunde txikiagoa izango dutela 2020an, baina hazkunde hori «egonkorra izango da, lanpostuak sortzen jarraitzeko behar bestekoa». Horiek horrela, urte berria amaitzerako Gizarte Segurantzan 11.000 afiliatu gehiago izango direla dio Confebaskek, eta langabezia tasa %9tik jaitsiko dela. Enplegu maila hori 2007. urtekoaren parekoa litzateke: krisiaren aurrekoa, beraz.

Hori bai, Eduardo Zubiaurreren ustez, «ekonomiaren eta enpleguaren egungo hazkunde aldia luzatu nahi bada, hainbat erronkari erantzun beharko zaie». Confebaskeko presidentearen arabera, adibidez, «inbertitzeko eta kontsumitzeko konfiantza» sortzeko, «beharrezkoa da egonkortasun soziopolitikoa, instituzionala eta legegilea sustatzea». Horrekin akordioak lortu ahalko lirateke, «oinarrizko gaiei erantzun eta gure aurrerabidea eta etorkizuneko ongizatea bermatzeko».

Eskariak

Eskakizun zehatzagoak ere egin zituen Zubiaurrek. Haren aburuz, «hazkundea eta inbertsioa bultzatzeko, politika fiskalak ordezkatu beharko luke diru politika». Hain zuzen, 2020rako iragarritako zerga erreformaren inguruan, Zubiaurrek onartu zuen sozietate zerga Europako herrialdeen parekoa dela, baina aldi berean nabarmendu zuen Gizarte Segurantzarako kotizazioak Europako «garestienak» direla. «Kotizazioak igo behar badira, ez daitezela enpresak izan igoera hori ordaintzen dutenak». Horrez gainera, esan zuen «modu bare batean berrikusi» behar dela ondare zerga, «Europan atipikoa den eta talentuari eusteko kaltegarria den figura hori».

Moteltzeari egokitutako erreformak eta politikak ere eskatu zituen Confebaskek. Moteltzea 2019an jada atzeman du Arabako, Bizkaiko eta Gipuzkoako ekonomiak. Eta, horregatik, aurretik urte honetarako hazkunde aurreikuspenak apaldu egin ditu Confebaskek, %2,5etik %2,2ra. Hala ere, patronalak azpimarratu du hazkunde erritmo hori inguruko herrialdeena baino handiagoa izan dela. Enpleguaren aurreikuspenetan gehiago asmatu du: 14.000 lanpostu sortuko zirela iragarri zuen, eta 13.200 izan dira azkenean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Emakume bat, atzo, Iruñeko Estafeta kalean. ©VILLAR LOPEZ / EFE

Nafarroako Gobernua maskararen nahitaezko erabilera aztertzen ari da

Amaia Ramirez de Okariz Kortabarria

Azken egunotako kutsatuen gorakadak kezka eragin du, eta maskaren erabilerari buruzko arauak berriz aztertuko ditu aste honetan. Eskoriatzan, hilik aurkitu dute positibo eman zuen gizonezko bat

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun sailarekin ari da hartu beharreko neurriak zehazten. 

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna