Irisgarritasuna hezkuntza sisteman txertatzeko asmoa du Jaurlaritzak

Irisgarritasun Unibertsalaren Estrategia onartu dute. Ingurumen, Lurralde Politika eta Etxebizitza Sailak kontzeptua «gainditu» nahi du
Josu Erkoreka Jaurlaritzako bozeramailea, eta Iñaki Arriola Ingurumen, Lurralde Politika eta Etxebizitza sailburua, atzo, Gasteizen.
Josu Erkoreka Jaurlaritzako bozeramailea, eta Iñaki Arriola Ingurumen, Lurralde Politika eta Etxebizitza sailburua, atzo, Gasteizen. ADRIAN RUIZ-HIERRO / EFE Tamaina handiagoan ikusi

Igor Susaeta -

2020ko otsailak 5

Eusko Jaurlaritzaren gobernu kontseiluak Irisgarritasun Unibertsalaren Estrategia onartu du. Iñaki Arriola Ingurumen, Lurralde Politika eta Etxebizitza sailburuak hedabideen aurrean atzo nabarmendu zuenez, irisgarritasunaren orain arteko kontzeptua «gainditzea» da estrategiaren helburua. «Hau da, ez izatea desgaitasuna dutenei oztopo fisikoak kentzea, zerbait zabalagoa baizik: ingurune, prozesu, produktu eta zerbitzu guztiak pertsona guztiek osoki baliatu eta ulertu ahal izateko bermeak ematea».

ISEK Irisgarritasun Sustatzeko Euskal Kontseiluak egindako diagnostikoa eta Jaurlaritzak 1997an ezarritako Irisgarritasuna Sustatzeko Legea aintzat hartuta, sei helburu dauzka estrategiak: «guztiz» bermatzea irisgarritasun gaietan indarrean dagoen araudia betetzen dela; irisgarritasuna kudeaketa publikoko oinarrizko eta zeharkako elementu gisa txertatzea; gizartearen kontzientziazioa hobetzea; irisgarritasun gaietarako ikerketa, berrikuntza eta kalitatea sustatzea teknologiaren bidez; gobernantza eredu bat sortzea estrategiaren lidergoa hartu eta ezagutza eragiteko; eta irisgarritasun unibertsalari buruzko heziketa sustatzea.

Helburu horiek bete ahal izateko, Jaurlaritzak 41 jardun ildo garatu nahi ditu, eta horietako bat da, hain zuzen, lehen zein bigarren hezkuntzan, baita unibertsitatean ere, «irisgarritasun eta diseinu unibertsalei buruzko heziketa» txertatzea. Arriolak ez zuen zehaztu, ordea, nola garatuko dituzten, ez hori, ez beste jardun ildoak. Azaldu zuenez, aurreikusitako asmoak lau urtez behin diseinatutako ekintza planetan zehaztuko dituzte. Lau urteak igaro ondoren «zenbateraino bete diren» ebaluatuko dute, «eta estrategia hurrengo aldirako doituko da». ISEK-k prestatuko du lehendabiziko plana, eta aurten da onartzekoa.

Arriolaren esanetan, 1997ko legearen ondorioz «aurrerapausoak» eman dituzte, «batez ere espazio publikoetan oztopoak kentzeko orduan». Baina sailburuak onartu zuen badaudela «gabeziak» beste esparru batzuetan: «esate baterako, garraioan edo zahar samarrak diren etxebizitzetan».

Datuak etxebizitzez

Egindako diagnostikoaren arabera, urritasunen bat duten pertsonen %37,4k zailtasunen bat dute garraio publikoan. Gainera, Arabako, Bizkaiko eta Gipuzkoako etxebizitzen %57 ez daude prestatuak iristeko errazak izateko, eta %30ek ez dute igogailurik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bezeroak Baionako Orbe karrikako erakusleiho bati begira, atzo. ©BOB EMDE

Dendak zabalik, eta gainezka

Oihana Teyseyre Koskarat

Hilabetez hetsirik egon ondoan, dendak ireki dituzte berriz Iparraldean. Gelditurik jarraitzen duten sektoreek protesta egin dute

 ©JAIZKI FONTANEDA / @FOKU

Parlamentuak, 'ahogeldo'

Lander Muñagorri Garmendia

Nafarroako Parlamentuan eta Eusko Legebiltzarrean ostegunean egin zituzten osoko bilkuretan euskara zenbat erabili zen neurtu du BERRIAk. Bi ganberen artean, hitz egindako hamar minututik bitan baino ez ziren aritu euskaraz.

Birusa atzemateko antigeno testak, Zarauzko (Gipuzkoa) osasun etxean. ©Gorka Rubio / Foku

580 positibo atzeman dituzte Hegoaldean, urriaren 5etik erregistratutako gutxien

Berria

Osakidetzaren eta Osasunbidearen artean 10.637 proba egin zituzten atzo.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna