Albistea entzun

Hezkuntza zentroak auzitegietatik babestea du lehentasun Generalitateak

Kataluniako Hezkuntza Kontseilaritzak bere gain hartuko du hizkuntza proiektuen legezkotasunaren erantzukizuna. PSC kontra agertu den arren, dekretua parlamentuan onartzekoak dira
Jose Gonzalez-Cambray Generalitateko Hezkuntza kontseilaria, atzo egindako agerraldian.
Jose Gonzalez-Cambray Generalitateko Hezkuntza kontseilaria, atzo egindako agerraldian. TONI ALBIR / EFE Tamaina handiagoan ikusi

Igor Susaeta -

2022ko ekainak 1

Kataluniako Auzitegi Nagusiak atzora arteko epea ezarria zion Generalitateari hezkuntza sisteman eskolen %25 gazteleraz ematera behartzen zuen ebazpena betetzeko, baina Kataluniako Gobernua sententzia hori ez betetzeko ahaleginak egiten ari da. Lege dekretu bat onartu zuen herenegun, eta, Patricia Plaja bozeramailearen esanetan, bermatuko du «jazarpen ideologikoek bultzatutako esku hartze judizialek» irakaskuntzari ez eragitea. Josep Gonzalez-Cambray Hezkuntza kontseilariak atzo nabarmendu zuenez, Generalitatearen lehentasuna da irakasleak, zuzendaritzak eta hizkuntza proiektuak «juridikoki babestea».

Dekretua aintzat hartuta, Hezkuntza Kontseilaritzak bere gain hartzen du Kataluniako ikastetxe publikoek eta itunpekoek egindako hizkuntza proiektuen legezkotasunaren gaineko erantzukizuna. Gonzalez-Cambrayk agerraldia egin zuen azalpenak emateko, eta galdetu zioten ea modu horretan ari ote diren ebazpenak hizkuntza portzentajeaz adierazitakoa betetzen. Erantzunean ez zuen horri buruzko zehaztasunik eman. Dekretuan azpimarratu dute, ordea, uko egiten diotela «hezkuntzan eta hizkuntzen erabileran» portzentajeak ezartzeari, eta katalana dela «Kataluniako hezkuntza zerbitzu publikoaren grabitate zentroa».

Oraingoan, kontsentsurik ez

Sententziaren aurrean, Generalitatearen neurria dago batetik, eta, bestetik, ERC Esquerra Republicanak, PSCk, JxC Junts Per Catalunyak eta Comukoek onartutako lege proposamena. Horren arabera, Kataluniako hezkuntza sisteman katalana «komunikazio hizkuntza» izango da, eta gaztelera, berriz, «hizkuntza kurrikularra». Proposamena tramitatzen ari dira, eta Estatutu Bermeen Kontseiluaren ebazpen baten zain daude parlamentuan bozkatua izan dadin.

Testu horrek kontsentsua eragin zuen; ez, ordea, dekretuan jasotakoak. PSCren ganberako bozeramaile Alicia Romerok atzo iragarri zuen ez dutela babestuko, ez duelako betetzen sententziak eskatutakoa, auzitegiei «desafio egin» dielako, eta ez duelako jasotzen talde parlamentarioek ondutako akordioa.

Nolanahi ere, parlamentuan berretsia izan dadin beharrezko botoak jasotzekoa da dekretu hori, Comukoek atzo jakinarazi baitzuten alde bozkatuko dutela. «Zentroetako zuzendaritzak ez ditugu kale gorri juridikoan utziko», argudiatu zuen Jessica Albiach En Comu Podemen presidenteak. PSCri leporatu zion, bide batez, dekretua ez babestea. «Zentzurik ez du legea babesteak eta dekretuarekin gauza bera ez egiteak, dekretuak legean baitu jatorria».

Gonzalez-Cambrayk nabarmendu zuenez, sententziak eskatutakoaren kontra «borroka» egingo dute eskura dituzten «tresnekin». Eta ez dute eskatu, hortaz, ikasgaien %25 gazteleraz ematea —praktikan izango litzateke gaztelerazko ikasgaiaz gain beste oinarrizko ikasgairen bat ere hizkuntza horretan ematea—. Hori bai, ebazpenak zehaztu bezala, argibideak eman dizkie zentroei. Horretarako, zazpi galderako galdetegi bat bidali du Kataluniako 5.000 bat zentroetara, emandako erantzunen arabera hizkuntza proiektuen legitimitatea balioesteko. Galdera guztiei baietz erantzuteak esan nahiko du proiektuak arautegi berrira egokitzen direla. Hala ez bada, hurrengo ikasturtean egokitu ahal izango dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Esteron ibaiaren ibarreko tarte lehortu bat, Niza hiritik gertu (Okzitania), uztailaren amaieran. ©SEBASTIEN NOGIER / EFE

Europan azken bostehun urteetako lehorterik handiena espero dute

Gorka Berasategi Otamendi

Kontinentearen erdialdeko eta mendebaldeko estatuak ezohiko bero boladak eta lehorteak ari dira pairatzen, klima larrialdiagatik. Suteek berotegi gas asko isuri dute zenbait herrialdetan

Salman Rushdie idazlea, 2019ko azaroaren 11n, Berlinen. ©HAYOUNG JEON / EFE
Monusco Nazio Batuen Kongoko Errepublika Demokratikorako misioaren kontrako protestetan hildako herritar baten hileta, aurreko astean. ©STR / EFE

Odolak mendekua nahi du

Oskar Epelde Juldain

Egunotan dozenaka lagun hil dira NBEren Kongorako misioaren kontrako protestetan. Milizianoen erasoen aurrean ezer ez egitea egozten diete kasko urdinei.

FBIko bi agente Donald Trumpen Mar-a-Lago etxearen atarian (Palm Beach, Florida), joan den asteartean. ©CRISTOBAL HERRERA-ULAXKEVITX, EFE

FBIk sekretupeko dokumentuak eraman ditu Trumpen Mar-a-Lago etxetik

Gorka Berasategi Otamendi

AEBetako presidente ohia ikerketapean dago, ustez espioitza legea urratzeagatik. Floridako etxean atzeman dioten dokumentazioaren edukia defentsa arloko gaiekin lotuta dago, besteak beste.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...