Noiz sortua: 2020-03-25 00:30:00

HDP alderdi kurduko 40 alkate kargugabetu ditu Turkiak azken urtean

Astea hasi zenetik HDPko zortzi alkate kendu dituzte kargutik, eta Ankarak aukeratutako batzordeekin ordezkatu. Alderdiak jazarpen politikoa salatu du
Turkiako Polizia HDPko militante bat atxilotzen, iazko maiatzean, Ankaran.
Turkiako Polizia HDPko militante bat atxilotzen, iazko maiatzean, Ankaran. TOLGA BOLOGLU / EFE Tamaina handiagoan ikusi

Arantxa Elizegi Egilegor -

2020ko martxoak 25

Datorren asteburuan urtebete beteko da Turkian udal hauteskundeak egin zituztenetik, eta tarte horretan Recep Tayyip Erdoganen gobernuak 40 alkate kurdu kargugabetu ditu, «terrorismoarekin lotuta» egotea egotzia. Azken zortziak astelehenean kendu zituzten kargutik, inongo prozesu judizialik gabe. HDP Kurdistango Herriaren Alderdi Demokratikoak egin du salaketa: «Mundua birusari aurre egiteko bideen bila dabilen bitartean, Turkiako Gobernua pandemia baliatzen ari da instituzio demokratiko kurduak desegiteko», salatu du alderdiak, komunikatu batean.

Ez da lehen aldia Turkiak hautetsi kurduak kargugabetzen dituena. Iazko bozen aurretik ere beste hainbat kendu zituzten kargutik, PKK Kurdistango Langileen Alderdiarekin zerikusia izatea egotzita. Baina martxoaren 31ko bozetan berreskuratu egin zituzten kendutako jarlekuak. Ordu hartan bezala, orain ere Ankarak aukeratutako batzordeek hartu dute udal gobernua zuzentzeko ardura. «Aurreko kasuetan bezala, oraingoan ere ez dago alkateak kargugabetzea ahalbidetzen duen epairik».

Batman, Diyarbakir, Biflis, Siirt eta Igder eskualdetako herrietako alkateak dira kargugabetu dituztenak. Haietako bi atxilotuta eraman ditu Poliziak. Azken hiru urteetan, HDP alderdiko 5.000 hautetsi eta militante atxilotu ditu Turkiak. Jazarpenak okerrera egin du iazko urrian Siriaren menpeko Kurdistan okupatzeko erasoaldia hasi zuenetik.

Ikerketapean

Duela hiru urteko apirilean erreferendumean onartu zuten Turkiako Konstituzioa aldatu eta parlamentariei immunitatea kentzea. Geroztik, Turkiak gogortu egin ditu hautetsi kurduen aurkako operazioak. Otsailaren amaieran, esaterako, Turkiako Fiskaltzak ikerketa zabaldu zuen HDP alderdiaren aurka. Salaketaren arabera, alderdiaren azken kongresuan PKK-ko buru Abdullah Ocalanen bideo bat jarri zuten ikusgai, eta, hori dela eta, «terrorismoa sustatzea» egozten diote alderdiari.

Nazioarteko giza eskubideen erakundeek behin baino gehiagotan salatu dute alderdi kurduen aurkako jazarpena. HRW Human Rights Watch erakundeak, esaterako, oposizio politikoa «ezabatu» nahi izatea egotzi dio Erdogani. «Hautetsiak milizianoak balira bezala atxilotu eta espetxeratzeak argi uzten du zein den operazio horien helburua», ohartarazi du HRWeko Hugh Williamsonek, erakundeak Europan eta Asia erdian duen bozeramaileak. «Kasu horiek ez dute zerikusirik terrorismoaren aurkako inongo operaziorekin, 1,8 milioi hautesleren eskubideak urratzearekin baizik».

Bestalde, hainbat komunikabideren arabera, Turkiak emakume kurduentzako espetxe bat zabaldu berri du Afrinen, Siriaren menpeko Kurdistanen. Olibondo adarra izeneko operazioan jabetu zen Turkia eskualde horretaz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 13.406 gaixok eman dute positibo koronabirusaren proba eginda. 905 hil dira. COVID-19 gaitza izandako 4.972 pertsonari eman diete alta. Grafikoak, albiste barruan.

Diputatuak saioren hasieran, minutu bateko isilunean. / ©Mariscal, EFE

Alarma egoera luzatzea onartu du Espainiako Kongresuak

Berria

EAJk iragarri du bilera horretan egongo dela. EH Bildu, berriz, ez da joango. Konfinamenduan apirilaren 26ra arte luzatu dute Hegoaldean.

Gasteizko farmazia bat. / ©Endika Portillo, Foku

Egun beltzenetan bigarrena izan da atzokoa, hildako kopuruari dagokionez

Ekhi Erremundegi Beloki - Ane Eslava

Gutxienez 59 pertsona hil dira Euskal Herrian azken 24 orduetan koronabirusak jota. 900 hildakoen langa gainditu da. 462 positibo gehiago atzeman dituzte Hegoaldean.

350 diputatutik 43 joan dira Espainiako Kogresura ©mariscal / EFE

EAJk atea ireki dio Sanchezek proposatutako itunean parte hartzeari; EH Bildu ez da joango

Irati Urdalleta Lete

Apirilaren 26ra arte luzatu dute alarma egoera, eta Sanchezek aurreratu du uste duela hamabost egun barru berriro alarma dekretua luzatu beharko duela

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna