Albistea entzun

ERREZETA

Pasta freskoa barazki eta muskuiluekin

GORKA RUBIO / FOKU Tamaina handiagoan ikusi

Iker Markinez - Kuko Jatetxea, Ormaiztegi

2020ko otsailak 22

OSAGAIAK 4 LAGUNENTZAT
400 g pasta fresko
Kilo erdi muskuilu
Kuia txiki bat
250 g txanpiñoi
Ziazerba sorta bat
2 baratxuri ale
Basokada erdi esne gain
Oliba olioa
Gatza
Piperbeltz beltzaren hautsa

1. Pasta freskoa oinarri hartuta, plater goxo bat prestatuko dugu. Lehenik, kuia txikia garbitu eta puska txikietan moztu. Gauza bera egin txanpiñoi eta baratxuriekin ere. Zartagin zabal batean, oliba olio txorrotada bat jarri, eta, beroa dagoenean, baratxuria bota; eta segidan, kuia txikia eta txanpiñoi pusketak. Su bizian hiru bat minutuz erregosi.

2. Ziazerba garbitu, eta zartaginera bota. Gatza bota, eta piperbeltz beltzaren hautsa ere bai. Guztia nahastu, eta sua moteldu. Hamar bat minutuz su motelean mantendu.

3. Bitartean, lapiko batean, muskuiluak egosi. Horretarako, lehenik, garbitu. Ondoren, lapikoan jarri ur txorrotada batekin, eta irakiten mantendu pare bat minutuz. Jarraian, atera, eta lapikoan gelditu den salda zartaginean dauden barazkietara gehitu; baita esne gaina ere. Guztia irakiten mantendu taparik gabe, saltsa lodituz joan dadin. Gutxi gorabehera hamar bat minutu.

4. Espagetiak egosteko, lapiko handi bat urez bete, eta gatz dezente gehitu. Su bizian berotzen jarri, eta irakiten hastean, espagetiak gehitu. Jarraian, sardexka baten laguntzaz, espagetiei buelta pare bat eman, elkarrekin itsats ez daitezen. Bi minutu nahikoa izango da pasta klase hori egosteko. Beraz, berehala atera, eta ur soberakina ongi kendu.

5. Espagetiak barazki saltsa dagoen zartaginera gehitu, eta osagai guztiak ongi nahastu. Zerbitzatzeko, muskuiluak ireki, eta haragidun erdiak jarriko ditugu platerean. Plateraren erdian espageti eta barazki saltsa zerbitzatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.
Pantailak Euskaraz ekimeneko kideak, manifestua aurkezten, gaur Durangon. ©BERRIA

Euskarazko ikus-entzunezkoen aldeko manifestu bat aurkeztu dute

Urtzi Urkizu

Pantailak Euskaraz taldeak plazaratu du testua, ikus-entzunezkoen arloko eta euskalgintzako zenbait eragileren ekarpenekin. Sektore desberdinetako 35 eragilek eman diote atxikimendua manifestuari. Atzo egin zuten agiriaren aurkezpena.

Kataluniako Heura enpresaren haragi tankerako pintxo beganoak jateko aukera dago azokan, Irunen. ©ANDONI CANELLADA / FOKU

Betiko txistorra ematen du ba!

Urtzi Urkizu

Beganismoari ikusgarritasuna ematen dion jaialdia egiten ari dira asteburuan Irunen, Ficoban: Be Veggie. Askotariko produktu eta zerbitzuak daude 70 erakusmahaitan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.