Albistea entzun

Espainiako Gorteetarako hauteskundeak. Araba

EH Bilduk atzera irabazi dio PPri azken eserlekua lortzeko lehian

EAJk, PSEk, Elkarrekin Podemosek eta EH Bilduk eserleku bana eskuratu dute. EAJk irabazi du, antzeko emaitzekin; PSEk eta EPk behera egin dute; EH Bilduk eta PPk, gora

Iñaki Oiartzabal (PP) botoa ematen Gasteizen, Marimar Blanco Arabako zerrendaburua ondoan duela.
Iñaki Oiartzabal (PP) botoa ematen Gasteizen, Marimar Blanco Arabako zerrendaburua ondoan duela. J.FONTANEDA / FOKU Tamaina handiagoan ikusi

Edurne Begiristain -

2019ko azaroak 11 - Gasteiz

Duela sei hilabeteko argazki berbera utzi dute Espainiako Gorteetarako hauteskundeek Araban. Jeltzaleek irabazi dute, PSE izan da bigarren indarra, Elkarrekin Podemos hirugarrena, eta EH Bildu laugarrena. Lau alderdiok atzera lortu dute ordezkaritza Madrilen, eta, apirilean gertatu bezala, PP Kongresutik kanpo geratu da. Azken eserlekua lortzeko lehian, EH Bilduren alde makurtu da balantza, azkenean.

Eserlekuen banaketa aurreko berbera bada ere, boto kopuruan izan da aldaketarik apirileko bozekin konparatuz gero. Iragarrita zegoen laugarren eserlekua dantzan egongo zela, eta, duela sei hilabete bezala oraingoan ere, EH Bilduren eta PPren artekoa izan da lehia. Orain, ordea, bi alderdien arteko aldea ez da hain estua izan: EH Bilduk PPk baino 2.046 boto gehiago lortu ditu, eta, horrela, koalizio subiranistak duela sei hilabete baino askoz aiseago irabazi dio eskuineko alderdiari. Orduko hartan, 400 boto baino gutxiagogatik kendu zion EH Bilduk laugarren aulkia PPri, eta Javier Maroto Kongresutik kanpo geratu zen.

Orain, EH Bilduk bozen %16,09 eskuratu ditu ( 27.364 boto) eta, gainera, hazi egin da, bai botoetan —2.617 boto gehiago— eta bai ehunekoan —%13,95etik %16,09ra—, eta Iñaki Ruiz de Pinedok berriro izango du eserlekua Madrilen. PPk, aldiz, ez du lortu berreskuratzea apirilean galdutako diputatua, eta Marimar Blanco ez da eseriko Kongresuan, nahiz eta mila boto gehiago bildu dituen: bozen %14,88 lortu ditu (25.318 boto).

Jeltzaleak nagusi

Gainerakoan, EAJ nagusitu da herrialdean, eta handitu egin du sozialistei kentzen dien aldea. %23,59ko babesa izan dute jeltzaleek (40.127 boto); duela sei hilabeteko ia emaitza berberak erdietsi dituzte: soilik 173 boto galdu dituzte. Sozialistek eutsi egin diote bigarren postuari, eta Isabel Zelaak eserlekua mantenduko du. Jeltzaleek bezala, sozialistek ere behera egin dute botoetan azken hauteskundeekin alderatuta: botoen %21,94 lortu dituzte (37.325 boto), apirilean baino 2.327 boto gutxiago.

Inkesta gehienek zalantzan jartzen zuten Elkarrekin Podemosen eserlekua, eta iragarrita zegoen lehian ibiliko zela EH Bildurekin eta PPrekin. Azkenean, 628 botorengatik gailendu zaio Elkarrekin Podemos EH Bilduri. Botoetan behera egin arren, alderdi moreak hirugarren indarra da orain ere lurraldean, eta Juantxo Lopez de Uraldek eutsi egin dio eserlekuari. Espainiako joera orokorrari jarraikiz, Araban ere behera egin du Elkarrekin Podemosek botoetan: 4.000 boto inguru galdu ditu. Denera, bozen %16,46 eskuratu ditu (27.992 boto).

Voxi eta Ciudadanosi dagokienez, bi datu aipagarri: Voxek 815 boto gehiago lortu ditu apirilarekin alderatuta (6.402 boto; %3,78), eta Ciudadanosek, berriz, 4.583 boto galdu ditu (2.500 boto; %1,47).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Senideek eta abokatuek egindako agerraldia, gaur, Azpeitian. ©Jon Urbe / Foku

Pasaiako sarraskian hildakoen senideek auzia gizarteratu nahi dute, egia argitzen laguntzeko

Iosu Alberdi

Harreman dinamika bat abiatuko dute martxoaren 28ra bitarte. Orduan egingo dute ustez segadan parte hartu zuten zazpi polizia identifikatzeko saioa.

Alfredo de Miguel epaitegira sartu aurretik, Gasteizen, 2019ko abenduan. ©ADRIAN RUIZ DE HIERRO / EFE

Ustelkeriaren aurkako bulego bat sortzea baztertu du Eusko Jaurlaritzak

Xabier Martin

EH Bilduk dio gobernuak ez duela lehentasun gisa «ustelkeriaren aurka egitea». Jaurlaritzak uste du, ordea, ustelkeriaren aurka badela «egitura zabal bat»

Laura Pego ezkerrean; erdian, Javier Lekunberri batzordeburua eta Jeanette Ruiz. ©Iñigo Uriz / Foku

Torturari buruz «oraindik asko» dagoela ikertzeko nabarmendu du Kriminologiaren Euskal Institutuak

Berria

Bere txostena aurkeztu du Nafarroako Parlamentuan. Laura Pego ikerlariaren arabera, kasu kopurua «garrantzitsua» da, eta azterlana oraindik «amaitu gabe» dago
 

Foro Sozial Iraunkorreko koordinatzaile Agus Hernan, atzo, Zaballako espetxean. ©JAIZKI FONTANEDA / FOKU

Foro Sozialak azken bilera egin du EPPK-ko ordezkariekin

Gotzon Hermosilla

Honenbestez, bi aldeek bukatutzat eman dute 2017an irekitako elkarrizketa iraunkorreko etapa. Foro Sozialak esan duenez, EPPK-k ontzat jo du urte hauetako harremana

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...