Albistea entzun

Koronabirusa

Nerabeen aurretik adinekoak txertatzea lehenetsi behar dela gogoratu du ECDCk

Argudiatu du haur eta nerabeen artean «leuna» izaten dela normalean COVID-19a. Egokitzat jo du arriskuren bat duten nerabeak txertatzea
Pfizer etxearen txertoz betetako kaxa bat.
Pfizer etxearen txertoz betetako kaxa bat. A. DI MARCO / EFE Tamaina handiagoan ikusi

Arantxa Iraola -

2021eko ekainak 2

Pfizer etxearen txertoa 12 eta 15 urte arteko nerabeei jartzearen alde azaldu zen joan den ostiralean EMA Sendagaien Europako Agentzia. Onespen horrekin, bidea ireki dakioke EB Europako Batasunean 16 urtetik beherako herritarrak txertatzeari. Izan ere, EBn orain arte adin horretatik gorakoei besterik ez zaie jarri COVID-19aren aurkako txertoa. Orain, Europako Batzordearen esku dago adin horretako gaztetxoak ere txertatzeko gomendioa berrestea, eta estatu kideek aukera hori jaso ahal izango dute beren txertaketa plangintzetan. Atzo, ECDC Gaixotasunen Prebentziorako eta Kontrolerako Europako Zentroak bere irizpidea eman zuen: nerabeenaren aurretik, aurrena adin handiagokoen txertaketa lehenetsi behar da.

ECDCk argudiatu du haur eta nerabeetan «leuna» izaten dela normalean COVID-19a, eta, kontrara, ondorio larriak izaten dituela adinean gora egin ahala. Onartu du, hala ere, zenbait nerabek izan dezaketela beren osasunagatik aparteko arriskuren bat gaixotasunaren aurrean, eta horien txertaketa lehenestea egokia dela. Gainerakoan, ordea, populazio orokorrera begira, ondorioztatu du onura handiagoak dituela adinekoak lehenesteak.

Txosten bat plazaratu du ECDCk propio gai hau aztertzeko. Esan du aldagai asko hartu behar direla kontuan txertatze planak zehazteko, eta kasuan-kasuan aztertu behar direla. Ikerkuntzan sakondu beharra ere nabarmendu du. Batetik, adi egon behar dela aldaerei begira, akaso sor daitezkeelako gazteenentzat erasokorragoak diren gaitzaren aldaerak. Bestetik, COVID-19ak adingabeengan izan ditzakeen epe luzerako ondorioei begira ere zer ikertua franko bada.

Sinovac etxearen txertoa

Osasunaren Mundu Erakunde OMEk onetsi egin du Sinovac botika etxearen txertoaren larrialdizko erabilera. Txinan ekoitzitako txerto bat da. Aurrez ere emana dio OMEk onespena herrialde horretan egindako txerto bati: lehengo astean esan zuen erabil daitekeela Sinopharm txertoa. Orain esan du Sinovac-enak bete egiten dituela nazioartean ezarrita dauden «estandarrak» produktuen segurtasunari eta eraginkortasunari begira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Hainbat herritar Hendaiako hondartzako pasealekuan, artxiboko irudi batean. ©Guillaume Fauveau

Bihartik, Ipar Euskal Herrian ez da maskararik jantzi beharko kanpoaldean

Uxue Rey Gorraiz

Igandetik aitzina, ez da etxeratze agindurik izanen. Aldaketa espero baino lehenago sartuko dira indarrean, uztailaren 1ean espero baitzen bertan behera gelditzea.

Konstituzio Kontseluaren ebazpena salatzeko protesta egin zuten Baionan, maiatzaren 29an. ©Bob Edme

Konstituzio Kontseiluak murgiltzea onetsi du Seaskan, baina ez sare publikoan

Oihana Teyseyre Koskarat

Maiatzean emandako ebazpenari buruzko xehetasunak eman ditu, murgiltze ereduaren inguruan.

Espainiako presidente Pedro Sanchez, gaur, kongresuan. ©Txema Moya, EFE

Sanchez: «Laster utziko diogu kalean maskara erabiltzeari»

Uxue Rey Gorraiz

Espainiako Gobernuko presidente Pedro Sanchezek azaldu du COVID-19aren kontrako txertaketa kanpainaren abiada «egonkortu» egin dela.

Iruñeko Rio Taberna, ostatuen barnealdea atzera irekitzea baimendu zen egunean. ©Iñigo Uriz, FOKU

Nafarroak edukierak eta ordutegiak zabalduko ditu zenbait sektoretan

Uxue Rey Gorraiz

Ordubete atzeratuko da ostalaritza lokalen barnealdeen itxiera ordua; gauerdira arte izaten ahalko dira zabalik, gehienez %50eko edukiera erabilita. Kultur jardueretarako, %60n zehaztu dute muga. Neurriak ostiralean sartuko dira indarrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.